GALATIA 3:12 - WUKE SUSI WATTI'U AL᷊AL᷊USASSA

¹² Arawe titan agama tawe maola'a pangaianannu pangangimanna. Sulal᷊ummu Wuke Susi uawoṛṛetta manungku taumata apan mappaamattu titan agama, sarun maralukka ana waugu tita udde.

GALATIA 3:12 Referans Kwoze

IMAMATTA 18:5

Paatuṛṛutte manga atoranna wuṛṛu manga tita apan Ta'u nionggola si yamiu. Amungkangngu i yamiu na'ola'a aroddi, wiakku masal᷊amatta. Ete i Ya'u Mawu.”

NEHEMIA 9:29

I'o nanaggu si mangitou tadea'u al᷊aṛṛang-Ngu daringiṛṛanna, arawe i mangitou nanol᷊a'u tita-Nu wuṛṛu naungnge mawunga. Sumbal᷊i, amungkangngu tita-Nu daringiṛṛanna, atonna sarun maola'a pabbiaṛṛanna. I mangitou puane maattikka wuṛṛu matanggakka, tawe maddaringikka, wuṛṛu maddiri tumuṛṛutta.

ROMA 4:14

Ana waugu amungkangngu tumba'u manga taumata apan tuttuṛṛutta su manga titan agama Yahudi apan sarun manengkamma paairen Duata, ne pangangimanne su Ruata tawe gunane saran adio'a, wuṛṛu paairen Duata lai wahia atonna.

ROMA 4:16

Nariaddi paairen Duata udde pinangaiananne wuassu pangangimannu taumata su Ruata. Udde maola'a sambau paaire su anambon walahanni Abraham manungku paaire udde nionggola si mangitou maola'a sambau aonggola apan tawe bawal᷊inne wuassu Ruata; wal᷊ine tumba'u si mangitou apan matuṛṛutta titan agama Yahudi, arawe si mangitou lai apan mangngimanna Ruata ere Abraham mangngimanna si tou. Ana waugu ete Abraham udde iamangngi ite sarangkanambone, su ola'u pangangimanna.

YEHEZKIEL 20:11

Poiaroddi Ta'u nionggolla si mangitou manga parenta-U wuṛṛu Ta'u niaṛṛaannu manga tita-U apan ṛinone tuṛṛutanni mangitou, ana waugu taumata apan tuttuṛṛuta sidutu sarun wiakka.

ROMA 11:6

I Tou namile si mangitou ana waugu pinangianannu al᷊aman-Ne wuṛṛu wal᷊ine ana waugu pinangiananne pallal᷊agun mangitou. Ana waugu amungkangngu pamamilen Ruata udde pinangiananne wuassu pallal᷊agun taumata, ne al᷊amattu Ruata udde wal᷊inewe al᷊amatta apan tutune.

MATIUS 19:17

Mawu Yesus sinumimbakka, “Anio i'o naiwal᷊o si Ya'u su ola'u apa apan mapia? Tumba'u pia sambau apan mapia. Amungkangngu i'o ma'apulu mabiakka, i'o sarun tuttuṛṛutta al᷊awo'u parentan Ruata.”

YEHEZKIEL 20:13

Arawe su wadda'u anne udde, i mangitou nilumawangnga manga parenta-U, wuṛṛu nanol᷊a'u manga tita-U apan maola'a wataṛṛu manungku taumata apan matuṛṛuta sidutu wiakka. I mangitou tumanite nanggal᷊usa'a allon Sabat. Ana waugu udde, su wadda'u anne udde i Ya'u nasaddiate mamallossu asasa'u-U su saruanni mangitou wuṛṛu mamate si mangitou.

ROMA 7:10

Ne titan agama udde, apan paarorone tuddane mangngonggolu wiakka, ewe'e sal᷊immurine nandantan papate si ya'u.