GALATIA 3:10 - WUKE SUSI WATTI'U AL᷊AL᷊USASSA

¹⁰ Manga taumata apan uatundeeta su titan agama, sarangkanambone mabbiakka su al᷊ungngu awawontoga. Ana waugu sulal᷊ummu Wuke Susi uawoṛṛetta, “Taumata apan tawe tumuṛṛutta mappaamattu sarangkanambone apan uawoṛṛetta sulal᷊ummu Wuke Titan Agama, awontohannu Ruata!”

GALATIA 3:10 Referans Kwoze

TAHIUL᷊E 27:26

‘Niawontohante taumata apan tawe tumuṛṛutta tita wuṛṛu al᷊aṛṛa'u Mawu Ruata ringannu pallal᷊aggu.’ ‘Amin!’ ”

ROMA 8:7

Taumata apan ṛingiṛṛanne paparentannu pallal᷊agun taumata, taumata udde uasaseettu Ruata, ana waugu taumata udde maddiri tumuṛṛutta titan Duata; wuṛṛu atonna i tou tawe maatuṛṛutta apulun Duata.

YEREMIA 11:3

i Ya'u, Mawu Ruatan Israel, namontoga sisai-sai apan tawe tumuṛṛutta manga atorannu pa'aire-U udde.

ROMA 6:23

Ana waugu papate udde sombangngu paddarosa; arawe wiakka tutune wuṛṛu saran mal᷊annu-l᷊annu su sambau ringanni Kristus Yesus Mawun kite eteudde aonggolu Ruata si ite ringannu tawe bawal᷊inne.

ROMA 4:15

Titan agama Yahudi mandantan ṛuumannu Ruata. Arawe amungkangngu tawe tita, ne tawe lal᷊awangnga lai.

GALATIA 2:16

Salaiwe aroddi yami masingkata manungku taumata nasasangkapian Duata tumba'u ana waugu mangngimanna si Yesus Kristus, wuṛṛu wal᷊ine ana waugu tuttuṛṛuta titan agama. I yami sassane lai mangngimanna Mawu Yesus Kristus tadea'u i yami masasangkapia Duata wuassu pangangimanni yami udde, wal᷊ine ana waugu mappaattu titan agama. Ana waugu mappaattu titan agama, tawe saran sangkatou masasangkapia apia ringannu Ruata.

YEHEZKIEL 18:4

Niawa suapan taumata uddewe tatahuanang-Ku, mawae ete niawan taumata timmadde aroddi lai niawan anange. Taumata apan marosa, ete i tou apan sarun nate.

TAHIUL᷊E 29:20

Mawu tawe mangampungnga taumata ereudde. Arawe i tou sarun aṛṛinoannu asasa'um Mawu apan ahewal᷊anne, wuṛṛu al᷊awo'u asasusa apan uawoṛṛetta sulal᷊ummu wuke indi sarun maṛṛia'a si tou, na'oman sara i tou pateannu Mawu.

MATIUS 25:41

See Ratu udde sarun mabbisara su manga taumata su samba'an aiṛṛiNe, ‘Roote wua isindi, manga taumata lal᷊eo! Suttate sulal᷊ummu putungnga apan tawe iapadumma, apan suete nissaddia su Setanna wuṛṛu su manga ralol᷊oṛṛanne!

YESAYA 43:28

manga imammu buatte nandal᷊eo Wal᷊e-U. Ne Israel Ta'u itantilla iapal᷊obbossa, papapulunni Yakub Ta'u iwala ṛaddaanna.”

PANDARIADDI 4:11

Niawontohante i'o ma'oman sara mattinsahadda su leta'a. Leta'a udde luatte nangiṛṛuppa daṛṛan tuarinu, ere ola'u niwu'a moṛṛongnge ipanengkamma daṛṛan tuarinu udde sutempo i'o namate si tou.

2 KORINTUS 3:7

Su tempo paaire apan mangngapiddu papate udde niola'a wuṛṛu nipaangnga su watu, semakku Ruata lullansiangnga ringannu sussal᷊endapa su hatin Musa. Semakke aroddi atilangnge na'oman sara walahannu Israel tawe maasilo hati Musa, salaiwe lansiangnga su hatine udde mal᷊abukke su tempo udde. Ne amungkangngu maaola'a paaire apan mangngapiddu papate udde nitenega ringannu awawantuga apan aroddi ahewalle,

YEREMIA 32:23

Arawe napawe i mangitou nirumanta watukku wanua indi wuṛṛu napaangaṛṛo, i mangitou tate tate lai tumuṛṛutta manga parenta-Nu, wuṛṛu tawe mabbiakka tumuṛṛuttu manga al᷊aṛṛang-Ngu. Sarangkanambone apan niparenta-Nu si mangitou tawe saran sambau apan niola'i mangitou. Ana waugu udde I'o nandantan al᷊awo'u asasilaka indi si mangitou.