GALATIA 2:8 - WUKE SUSI WATTI'U AL᷊AL᷊USASSA8 Ana waugu Ruata nangonggolu atatohassa si Petrus maola'a rasullu taumatan Yahudi, wuṛṛu nangonggola lai atatohassa si ya'u maola'a rasullu taumata wal᷊ine Yahudi. Gade chapit la |
Ne nallannabe manga taumata apan uaammulla isudde. Wua'udde i mangitou nadaringikka si Barnabas wuṛṛu si Paulus nabbatti'a apia su ola'u anambon al᷊aṛṛindu'a wuṛṛu manga inolaanna apan bahewalla apan suete niola'u Ruata sulal᷊ummi mangitou su wallattu manga taumatan walahanna waine apan wal᷊ine Yahudi.
Arawe ana waugu al᷊amattu Ruata, i ya'u naola'a lai ere olangnge i ya'u orassa indi. Wuṛṛu talawe tawe gunane Ruata nangampunga si ya'u. Ewe'e ete i ya'u mammanara maṛṛimadda wuassu anambo manga rasul waine. Arawe udde ṛinone wal᷊ine ya'u mattinsahadda, udde sahaddu Ruata apan marangngu si ya'u wuṛṛu mammanara suadio'a ringangku.
Orassa indi manga tuṛṛangnga naasilote wuṛṛu naaringikke sassane apa apan niola'i Paulus udde. I tou nabbisara manungku manga monganna apan niola'u taumata, wal᷊inewe monganna atonna. Wuṛṛu i tou namohete manambo taumata mangngimanna al᷊aṛṛangnge, wal᷊ine tumba'u isindi su Efesus, ewe'e maranin su ahewallu leta'u Asia.
Pia lai sambau hatto waine apan naaola'a si yami sidutu maadiangkamanna su Ruata. Hatto udde eteudde, manungku su tempo i yami mammasingkatu watti'u Ruata si yamiu, i yamiu naddaringikka wuṛṛu nanengkamma watti'a udde wal᷊ine ere watti'a wuassu taumata, arawe watti'a apan atonna-tonna wuassu Ruata. Ete i Tou apan mammanara sulal᷊ummu watangannu apan mangngimanna si Kristus.