GALATIA 2:6 - WUKE SUSI WATTI'U AL᷊AL᷊USASSA

⁶ Manimbe aroddi, tawe inolaanna wakku apan radeaannu manga taumata apan aellehanna ere piaṛṛangnge wuassia'u – mawala si ya'u tawe paṛṛalanne amungkangngu i mangitou piaṛṛangnge ara'e tawe, ana waugu Ruata tawe mamile hati.

GALATIA 2:6 Referans Kwoze

GALATIA 2:2

I ya'u inai watukku Yerusalem ana waugu Ruata buatte napaal᷊iatta'a si ya'u manungku i ya'u ṛinone inai. Wuṛṛu sulal᷊ummu sambau ammul᷊anna apan tumba'u ringannu manga piaṛṛangnge poiaroddi, ya'u mannal᷊a'an Watti'u Al᷊al᷊uassa apan iwabatti'u su manga taumata apan wal᷊ine Yahudi. Ana waugu i ya'u maddiri manara'u dorone, ara'e manara'u tempo indi maola'a tawe mangal᷊ene.

WATTI'U MANGA RASUL 10:34

See i Petrus nabbisara, “Orassa indi ya'u atonna-tonna naapendampe manungku inolaannu Ruata su anambon taumata udde nassul᷊ungnga.

2 KORINTUS 12:11

Atonna i ya'u buatte nattanno ere taumata woddo – arawe ete i yamiu na'ola'a si ya'u aroddi. Ṛinone ete i yamiu maddalo si ya'u. Ana waugu salaiwe i ya'u tawe aregane saran kadio'a, i ya'u mangke ere “manga rasul” apan wahewalla udde!

GALATIA 6:3

Amungkangu sangkatou massunna watanganne mappianna, wutte'e tawe, taumata udde nangawusu watanganne sassane.

2 KORINTUS 11:5

I ya'u tawe maapendama saran kadio'a manungku i ya'u mabbawoanna wuassu “manga rasul” apan pande udde!

ROMA 2:11

Ana waugu Ruata ma'ellega anambon taumata udde nassul᷊ungnga.

1 PETRUS 1:17

I yamiu mannagon Duata udde Iamangnga su tempo i yamiu u'al᷊iomanna si Tou. Ne, ete Ruata udde apan mamarikissa taumata tumuṛṛuttu inolaannu sangkatou-sangkatou ringannu tawe pilene. Ana waugu udde tantal᷊anna i yamiu ta'e su runia indi, ṛinone i yamiu mamantuga Ruata sulal᷊ummu wiakku.

IBRANI 13:17

Paatuṛṛute parenta manga piaṛṛangu, wuṛṛu paasallunga si mangitou. Ana waugu i mangitou sidutu maṛṛingiddu niawanu, wuṛṛu i mangitou ṛinone sumimbakka ola'i yamiu su Ruata. Amungkangu i yamiu matuṛṛuta si mangitou, i mangitou wotongnge mammanara ringannu naungnga mal᷊uassa; amungkangu tawe, ne i mangitou sarun mammanara ringannu naungnga susa, wuṛṛu udde tawe maauntunga si yamiu.

IBRANI 13:7

Imbaṛṛanga maabul᷊i manga piaṛṛangu apan namasingkatu tanatan Ruata si yamiu. Paaellehe ereapa i mangitou mabbiakka wuṛṛu ereapa i mangitou mate, wuṛṛu tannoite pangangimanni mangitou.

2 KORINTUS 5:16

Ana waugu udde, i yami tate lai manguukka taumata tumuṛṛuttu aul᷊aannu taumata. Atonna i yami suete nanguukka Kristus wuassu pahuddu taumata, arawe orassa indi tate.

LUKAS 20:21

Ne manga taumata apan suete nionggol᷊annu roitta udde nabbisara Mawu Yesus, “Iamangnga Huru, i yami masingkatta manungku anambon apa apan iwabbisara wuṛṛu iatantiron Iamangnga udde atonna. I yami masingkatta lai Iamangnga mangngaṛṛa'a ringannu masema-semakka su ola'u apulun Ruata su taumata, ana waugu Iamangnga tawe mamile taumata.

MARKUS 12:14

I mangitou nirumanta ringannu Mawu Yesus wuṛṛu nabbisara, “Iamangnga Huru, i yami masingkatta Iamangnga tawe mangawusu wuṛṛu tawe madaringikka ṛingiṛṛanni sai-sai. Iamangnga mangngaṛṛa'a ringannu masema-semakka su ola'u apulu Ruata su taumata, ana waugu Iamangnga tawe mamile taumata. Ne Iamangnga wotongnge mamasingkatta si yami, ‘Tumuṛṛuttu atorannu agaman kite, wotongnge i ite mamaekka wose su Kaisar ara'e tawe wotongnge? I ite mamaekka wose udde ara'e tawe?’ ”

MATIUS 22:16

Ne i mangitou nandolokku mallal᷊aṛṛenggenni mangitou ringannu Mawu Yesus su sambau ringannu manga pira taumata wuassu samba'an Herodes. Manga taumata udde nabbisara Mawu Yesus, “Iamangnga Huru, i yami masingkatta Iamangnga tawe mangawusu. Iamangnga mangngaṛṛa'a masema-semakka su ola'u apulun Ruata su taumata, tawe maddaringikka adapatti sai-sai. Ana waugu Iamangnga tawe mamile taumata.

AYUB 34:19

I Tou tawe manamba'a manga ratu, ara'e malliu ṛoron taumata ala wuassu taumata asiangnga. Ana waugu i mangitou sarangkanambone udde niariaddi-Ne.

TAHIUL᷊E 10:17

Mawu Ruatanu roso su wowon al᷊awo'u Mawu wuṛṛu nilumebbe wuassu al᷊awo'u taṛṛino. I Tou Mawu Ruata mawantuga wuṛṛu mataṛṛino apan ṛinone subbanna. I Tou tawe mangempe wuṛṛu tawe lai manengkamma aonggola sasal᷊o'a.

WATTI'U MANGA RASUL 5:36

Ana waugu dorone suete nirumanta i Teudas, apan mangngantimma i tou taumata wahewa, na'oman sara iraṛṛangngo appatu ṛasutta su atoune tinumantalongnga si tou. Arawe i tou nipate wuṛṛu mallal᷊aṛṛenggenne nassal᷊iawukka wuṛṛu tuddane nawul᷊i.