GALATIA 2:21 - WUKE SUSI WATTI'U AL᷊AL᷊USASSA

²¹ I ya'u tawe mangngadio'a darangngun Ruata. Amungkangngu paa'aukku taumata ringannu Ruata mabbal᷊i mapia apia ana waugu mappaamattu titan agama, udde mangal᷊ene papaten Kristus tawe gunane!

GALATIA 2:21 Referans Kwoze

ROMA 11:6

I Tou namile si mangitou ana waugu pinangianannu al᷊aman-Ne wuṛṛu wal᷊ine ana waugu pinangiananne pallal᷊agun mangitou. Ana waugu amungkangngu pamamilen Ruata udde pinangiananne wuassu pallal᷊agun taumata, ne al᷊amattu Ruata udde wal᷊inewe al᷊amatta apan tutune.

GALATIA 3:21

Apa udde atappasanne manungku titan agama uapapaṛṛalan paaire Ruata? Tawe! Ana waugu amungkangngu titan agama nionggolla maola'a lal᷊annu wiakku taumata, ne taumata wotongnge masasangkapia Ruata ringannu lal᷊anne tumuṛṛutta titan agama.

IBRANI 7:11

Su al᷊ungngu piaṛṛa'u manga Imam Lewi, titan agama Yahudi nionggolla su taumatan Israel. Ana waugu manga Imam Lewi dorone udde tawe maaola'a ringannu masuungnga apa apan mammanaranne, ne ṛinone pia imam baine, eteudde apan ere Imam Melkisedek, wuṛṛu wal᷊ine lai wuassu wageangngu Imam Harun!

1 KORINTUS 15:14

Wuṛṛu amungkangngu Kristus tawe niapaawiakka apia wuassu papate, ne tawe gunane i yami mabbatti'u manga apa apan tawe gunane lai su pangangimanni yamiu, ana waugu pangangimanni yamiu udde tawe pinangiananne apa-apa.

GALATIA 2:16

Salaiwe aroddi yami masingkata manungku taumata nasasangkapian Duata tumba'u ana waugu mangngimanna si Yesus Kristus, wuṛṛu wal᷊ine ana waugu tuttuṛṛuta titan agama. I yami sassane lai mangngimanna Mawu Yesus Kristus tadea'u i yami masasangkapia Duata wuassu pangangimanni yami udde, wal᷊ine ana waugu mappaattu titan agama. Ana waugu mappaattu titan agama, tawe saran sangkatou masasangkapia apia ringannu Ruata.

ROMA 10:3

I mangitou wagga olangnge Ruata ma'ola'a paa'aukku taumata ringanni Tou maola'a apia. Wuṛṛu ana waugu i mangitou maapulu tumuṛṛutta apulun mangitou sassane, ne i mangitou maddiri tumuṛṛutta su lal᷊anna apan niaṛṛa'u Ruata.

YESAYA 49:4

Arawe i ya'u nabbisara, “Asasaha'u tawe gunane; ikka'u niinsue ringannu tawe gunane!” Arawe i ya'u mangimanna Mawu mannamba'a si ya'u, Ruata mabbal᷊issa si ya'u tumuṛṛuttu inolaangku.

1 KORINTUS 15:2

Amungkangngu i yamiu uaagassa atonna su watti'a apan iwabbatti'u udde, ne Watti'u Al᷊al᷊uassa udde manal᷊amatta si yamiu; tabene'e amungkangngu i yamiu mangngimanna ringannu tawe pasasunna.

GALATIA 2:18

Amungkangngu i ya'u manattakke mapararisikka apia atorannu titan agama apan buatte ta'u nihohakka, ne i ya'u napaal᷊iatta'a manungku i ya'u buatte na'ola'a lumal᷊awangnga tita udde.

ROMA 8:31

Apa apan wotongnge iwisara orassa indi su ola'u sarangkanambone udde? Amungkangngu Ruata uasamba'a si ite, isai wotongnge lumawangnga si ite?

MARKUS 7:9

See Mawu Yesus nabbisara apia, “Yamiu pande atonna manol᷊a'u parentan Ruata tadea'u wotongnge mannohassa al᷊aṛṛa'i yamiu sassane.

DARALO 33:10

Mawu nanal᷊are hol᷊agu manga walahanna, i Tou napaawul᷊i apulun mangitou.

1 KORINTUS 15:17

Wuṛṛu amungkangngu Kristus tawe niapaawiakka apia, ne pangangimannu tumba'u wal᷊iawa tawe gunane; udde atappasanne i yamiu ta'e sulal᷊ummu paddarosa wuṛṛu tawe antimma mapia saran kadio'a.

YEREMIA 8:8

Waṛṛani atonna i yamiu mabbisara manungku i yamiu pande, wuṛṛu masingkattu manga tita-U! Annama'o ellehe manga tita-U udde niwal᷊u manga mapapanden agama apan taṛṛa linga!

ROMA 4:25

Mawu Yesus udde buatte tinantilla iapapate ana waugu manga rosan kite, see i Tou niapaawiakku Ruata apia, tadea'u i ite maaukka apia ringannu Ruata.