GALATIA 2:19 - WUKE SUSI WATTI'U AL᷊AL᷊USASSA

¹⁹ Arawe i ya'u natete su saruannu titan agama – nipaten tita udde sassane – tadea'u i ya'u wotongnge mabbiakka hunane su Ruata. I ya'u buatte niarussa su sambau ringanni Kristus.

GALATIA 2:19 Referans Kwoze

ROMA 7:4

Aroddi lai yamiu, manga tuṛṛangku. Su titan agama Yahudi yamiu natete, ana waugu i yamiu buatte niapaaukka ringannu wadangngi Kristus wuṛṛu naola'a pussa'a-Ne apan suete niapaawiakka apia wuassu papate. I Tou niapaawiakka wuassu papate tadea'u i ite maola'a pia gunane su lantakku hatin Duata su al᷊o'engngu pabbiaṛṛani ite.

ROMA 6:2

Tawe! Rosa tate lai uataṛṛino si ite, nariaddi, ṛatadde i ite sidutu mabbiakka ringannu ma'ola'a rosa?

1 TESALONIKA 5:10

I Tou nate hunan kite, tadea'u su tempo i Tou rumanta apia – tanne i ite ta'e wiakka, ara'e natete – i ite wotongnge mabbiakka su sambau ringanni Tou.

2 KORINTUS 5:15

Kristus nate ana waugu anambon taumata, tadea'u manga taumata apan wiakka, tate lai mabbiakka hunan wadangnge sassane, arawe mabbiakka hunan Kristus apan buatte nate wuṛṛu niapaawiakka apia ana waugu hunane si mangitou.

ROMA 6:11

I yamiu ṛinone maṛṛangngon ririnu lai mate ana waugu rosa, arawe mabbiakka sulal᷊ummu paa'aukka apan matohassa ringannu Ruata sulal᷊ummu Yesus Kristus.

ROMA 8:2

Ana waugu titan Ghaṛṛahon Duata apan na'ola'a si ite mabbiakka su sambau ringannu Mawu Yesus Kristus apan suete napaal᷊iu'u wuassu tita apan maarosa wuṛṛu maa'ate.

1 PETRUS 2:24

Kristus sassane namasanna manga rosan kite su watangan-Ne roso su alu arussa, tadea'u i ite mapallosa wuassu taṛṛinon dosa, wuṛṛu mabbiakka tuttuṛṛuta apulun Duata. Ete manga lessan Kristus apan nangapia si yamiu.

ROMA 6:14

Rosa tate wotongnge mamarenta si yamiu, ana waugu yamiu tate mabbiakka su parenta titan agama Yahudi arawe su al᷊ungngu al᷊amattu Ruata.

1 PETRUS 4:6

Ana waugu udde Watti'u Al᷊al᷊uassa suete niapaasingkata lai su manga taumata nate. Pandumanne tadea'u i mangitou apan suete niparikisanna ere su ola'u wadanga – ere lai anambon taumata apan sarun parikisanna – wotongnge mabbiakka su ola'u ghaṛṛaho, tumuṛṛutta apulun Duata.

IBRANI 9:14

nangilembote lai ṛaṛṛan Kristus! Sulal᷊ummu Ghaṛṛaho awasa, i Kristus nanantillu watangan-Ne sassane su Ruata maola'a sambau sassamba apan nasuungnga. Ṛaṛṛa-Ne mammaresi lal᷊ummu naungngi ite wuassu lal᷊aghun agama apan tawe gunane, tadea'u i ite wotongnge maapangimbe Ruata apan biakka.

TITUS 2:14

I Tou suete nanantillu watangan-Ne ana waugu i ite wuṛṛu ana waugu mamallosi ite wuassu al᷊awo'u al᷊al᷊eo, wuṛṛu na'ola'a si ite sambau walahanna apan nal᷊iu wuassu al᷊awo'u rosa wuṛṛu tumba'u naola'a pussa'a-Ne sassane, wuṛṛu maṛṛimadda ma'ola'a apapia.

KOLOSE 2:20

I yamiu natete su sambau ringanni Kristus, wuṛṛu suete nipallosa wuassu manga ghaṛṛaho apan uataṛṛino runia indi. Ne anio i yamiu mabbiakka ere taumata apan ta'e paparentannu runia indi? Anio i yamiu ta'e tuttuṛṛuta manga atoranna ereindi,

GALATIA 3:24

Ringannu aroddi, titan agama naola'a mandariaga si ite ma'oman sara Kristus rumanta ma'ola'a si ite masasangkapian Duata ana waugu i ite mangngimanna si Kristus.

GALATIA 2:20

Orassa indi wal᷊inewe i ya'u mabbiakka, arawe ete Kristus apan mabbiakka sulal᷊ummu wadangku. Wiakka apan iraṛṛingi'u orassa indi eteudde mabbiakka ipangngimanna Ana'u Ruata apan marangngu si ya'u wuṛṛu buatte nanantillu watangan-Ne ana waugu i ya'u.

KOLOSE 3:3

Ana waugu i yamiu natete, wuṛṛu wiakku uawuni su sambau ringanni Kristus sulal᷊ummu Ruata.

GALATIA 3:10

Manga taumata apan uatundeeta su titan agama, sarangkanambone mabbiakka su al᷊ungngu awawontoga. Ana waugu sulal᷊ummu Wuke Susi uawoṛṛetta, “Taumata apan tawe tumuṛṛutta mappaamattu sarangkanambone apan uawoṛṛetta sulal᷊ummu Wuke Titan Agama, awontohannu Ruata!”

1 KORINTUS 10:31

Al᷊awo'u apa apan a'olaanni yamiu – tuṛṛangnga umanna ara'e tuṛṛangnga ma'inumma – ola'e sarangkanambone udde ipamantuga Ruata.

ROMA 7:14

I ite masingkata manungku titan agama Yahudi inasaputanne wuassu Ghaṛṛahon Duata; arawe i ya'u indi taumata lome. I ya'u suete niwal᷊u'a naola'a allangngu rosa.

ROMA 5:20

Apan nangonggolu titan agama Yahudi eteudde Ruata sassane. Arawe napawe taumata lembon tuttuṛṛutta tita udde, i mangitou lembon lullawangnga wuṛṛu ma'ola'a rosa su saruannu Ruata. Arawe salaiwe taumata lembon ma'ola'a rosa, Ruata lembo marangngu lai si mangitou.

ROMA 4:15

Titan agama Yahudi mandantan ṛuumannu Ruata. Arawe amungkangngu tawe tita, ne tawe lal᷊awangnga lai.

1 KORINTUS 9:20

Su saruannu taumatan Yahudi, ya'u naola'a ere taumatan Yahudi tadea'u i ya'u wotongnge mapaasal᷊amattu taumatan Yahudi hunane si Kristus. Su saruannu manga taumata apan mabbiakka tuttuṛṛutta tita Musa, i ya'u naola'a ere i ya'u lai tuttuṛṛutta tita udde, salaiwe i ya'u ṛinone tawe aiitannu tita udde. I ya'u na'ola'a udde tadea'u i ya'u wotongnge mamol᷊engnga si mangitou maola'a mallal᷊aṛṛenggenni Kristus.

GALATIA 6:14

Arawe i ya'u atonna-tonna maddiri lumuassu al᷊awo'u apa, tumba'u su Mawun kite Yesus Kristus apan nate niarussa. Wuṛṛu ana waugu i Tou suete nate niarussa, ne runia tate mangal᷊ene lai si ya'u, wuṛṛu ana waugu runia indi, pendamangku i ya'u lai ere natete.