GALATIA 2:12 - WUKE SUSI WATTI'U AL᷊AL᷊USASSA

¹² Paarorone i tou inuma'ianna u'anna suaddio'a ringannu manga tuṛṛanga apan wal᷊ine Yahudi. Arawe napawe manga taumata daroloṛṛani Yakobus narantate, i tou nassal᷊iu marau wuassu manga tuṛṛanganga apan wal᷊ine Yahudi wuṛṛu maddirite umanna suadio'a ringanni mangitou, ana waugu matta'uttu manga taumata apan maapulu anambon taumata udde sunatanna.

GALATIA 2:12 Referans Kwoze

WATTI'U MANGA RASUL 10:28

See i tou nabbisara si mangitou, “Manga tuṛṛangnga sassane masingkatta manungku taumatan Yahudi isassingadu agamane mattembo ara'e ma'ammulu manga taumata wuassu walahanna waine. Arawe Ruata suete namasingkatta si ya'u manungku i ya'u tawe wotongnge massunna taumata waine lal᷊eo wuṛṛu ipapalli.

LUKAS 15:2

Manga taumatan Farisi wuṛṛu manga hurun agama mannattakke sussal᷊iomanna. I mangitou mabbisara, “Eh, taumata indi mannengkamma taumata lal᷊eo wuṛṛu u'anna lai su sampunna ringanni mangitou!”

EFESUS 3:6

Addapingnga udde ete indi: Sulal᷊ummu Watti'u Al᷊al᷊uassa udde, taumata wal᷊ine Yahudi, maapendamma lai manga al᷊amattu Ruata apan dorone nissaddia tumba'u su taumatan Yahudi. Manga taumata wal᷊ine Yahudi naola'e wageangngu wadangnga sambau, wuṛṛu manengkamma lai suadio'a apa apan suete pina'ire Ruata sulal᷊ummi Kristus Yesus.

GALATIA 2:9

Yakobus, Petrus wuṛṛu Yohanes, apan aellehanna naola'a manga piaṛṛa'u jamaatta, mangnga'u manungku Ruata buatte nangonggolu manara indi si ya'u. Ne i mangitou naa'agassa lima ringanni Barnabas wuṛṛu i ya'u, maola'a sambau tatialan pagahahawe. See i mangitou wuṛṛu i yami sambaidda manungku i yami sarun mammanara su wallatu manga walahanna wal᷊ine Yahudi, wuṛṛu i mangitou su wallatu taumatan Yahudi.

1 TESALONIKA 5:22

Pangindauten al᷊awo'u hatin al᷊al᷊eo.

EFESUS 2:15

Titan agama Yahudi ringannu manga parenta wuṛṛu manga atoranne buatte nipappasi Kristus tadea'u walahanna darua udde maola'a sambau walahannu taumata wakku, apan uaaukka ringanni Tou. Ringannu olangnge udde Kristus nangapiddu paddarame.

YESAYA 65:5

I mangitou mabbisara ‘Roote paarau, arie pangeṛṛetta si yami ana waugu i yami na'ukkassa wuṛṛu uaṛṛae wuassi yamiu!’ I Ya'u tawe maaṛṛaddanna maasilo pallal᷊aghu mangitou! Asasa'u-U si mangitou naal᷊ihidda putungnga apan tawe mappaddumma.

YESAYA 57:11

Mawu nabbisara, “Isaite manga monganna udde apan naaola'a si yamiu matta'utta, na'oman sara i yamiu mangngawusu wuṛṛu tate mannaungnga si Ya'u? Apa i yamiu tate massubba si Ya'u lai ana waugu i Ya'u tumanite mal᷊annu uatine?

AMSAL 29:25

Matta'uttu addapattu taumata, pangillul᷊eanne asasusa. Pangimante Mawu, ne i'o sarun matammudda.

WATTI'U MANGA RASUL 12:17

I Petrus namasingkatta ringannu limane tadea'u i mangitou mallannaba, wua'udde i tou nabbati'e ereapa Mawu suete nangapiddi tou sinumabangnga wuassu tuttupanna. See i tou nabbisara, “Wal᷊oa'a hatto indi si Yakobus wuṛṛu su manga tuṛṛangnga waine lai.” Wua'udde i Petrus nanantangken tampa udde wuṛṛu inaite su tampa waine.

GALATIA 2:14

Aroddi ya'u naasilo manungku pallal᷊agu mangitou uapapaṛṛalan atatul᷊iddu Watti'u Al᷊al᷊uassa udde, i ya'u nabbisara si Petrus su saruannu awadaalla apan uasemodda isudde. “Amungkangngu Tuṛṛangnga sangkatou Yahudi apan buatte nabbiakka naal᷊ihidda taumata wal᷊ine Yahudi, anio Tuṛṛangnga orassa indi maapulu mamata'u manga taumata waine mabbiakka ere taumatan Yahudi?”

LUKAS 5:38

Anggore apan wakku sarun ilal᷊inna su tampane apan wakku lai.