GALATIA 2:11 - WUKE SUSI WATTI'U AL᷊AL᷊USASSA

¹¹ Su tempo Petrus nirumanta su Antiokhia, i ya'u nanagu si tou ringannu uahahati, ana waugu pallal᷊agune nassal᷊a.

GALATIA 2:11 Referans Kwoze

1 TIMOTIUS 5:20

Taumata apan ma'ola'a rosa, ṛinone tagguanna su saruannu anambon jamaatta, tadea'u ingana'a waine lai matta'utta.

GALATIA 2:14

Aroddi ya'u naasilo manungku pallal᷊agu mangitou uapapaṛṛalan atatul᷊iddu Watti'u Al᷊al᷊uassa udde, i ya'u nabbisara si Petrus su saruannu awadaalla apan uasemodda isudde. “Amungkangngu Tuṛṛangnga sangkatou Yahudi apan buatte nabbiakka naal᷊ihidda taumata wal᷊ine Yahudi, anio Tuṛṛangnga orassa indi maapulu mamata'u manga taumata waine mabbiakka ere taumatan Yahudi?”

2 KORINTUS 5:16

Ana waugu udde, i yami tate lai manguukka taumata tumuṛṛuttu aul᷊aannu taumata. Atonna i yami suete nanguukka Kristus wuassu pahuddu taumata, arawe orassa indi tate.

WATTI'U MANGA RASUL 15:1

Manga pira taumata wuassu Yudea nirumanta su Antiokhia wuṛṛu mangngaṛṛa'a manga taumata mangngimanna su Antiokhia udde manungku amungkangngu i mangitou tawe sunatanna tumuṛṛuttu Tita Musa, i mangitou tawe masal᷊amatta.

YUDAS 1:3

Manga tuṛṛangnga apan arangnguanna! I ya'u atonna-tonna pia pandumanna mamoṛṛettu suratta si yamiu su ola'u asasal᷊amatta apan suete niapendamanni ite suaddio'a. Arawe orassa indi ya'u pia pandumma mangaṛṛa'a si yamiu ringannu suratta indi tadea'u i yamiu siddutu mammanara maddea'a pangangimanna apan paassate nionggolu Ruata ma'oman sara mal᷊annu-l᷊annu su al᷊aṛṛanang-Nge.

YAKOBUS 3:2

I ite sarangkanambone masokka ma'ola'a pasasal᷊a. Arawe taumata apan taambe na'ola'a pasasal᷊a ringannu manga wisarane, i tou taumata nasuungnga, apan wotongnge maa'ul᷊inna ahewallu ririne.

GALATIA 2:9

Yakobus, Petrus wuṛṛu Yohanes, apan aellehanna naola'a manga piaṛṛa'u jamaatta, mangnga'u manungku Ruata buatte nangonggolu manara indi si ya'u. Ne i mangitou naa'agassa lima ringanni Barnabas wuṛṛu i ya'u, maola'a sambau tatialan pagahahawe. See i mangitou wuṛṛu i yami sambaidda manungku i yami sarun mammanara su wallatu manga walahanna wal᷊ine Yahudi, wuṛṛu i mangitou su wallatu taumatan Yahudi.

GALATIA 2:7

Arawe manga taumata apan aellehanna piaṛṛange udde mangnga'u manungku Ruata buatte napamanara'u mamasingkatu Watti'u Al᷊al᷊uassa su taumata wal᷊ine Yahudi, ere lai i Tou buatte napamanaram Petrus namasingkatu Watti'u Al᷊al᷊uassa udde su taumatan Yahudi.

GALATIA 2:5

arawe i yami maddiri sumoṛṛota sarang kadio'a wuassi mangitou, ana waugu i yami maapulu mandiaga tadea'u Watti'u Al᷊al᷊uassa udde mangke uatana'a waresi ringanni yamiu.

2 KORINTUS 12:11

Atonna i ya'u buatte nattanno ere taumata woddo – arawe ete i yamiu na'ola'a si ya'u aroddi. Ṛinone ete i yamiu maddalo si ya'u. Ana waugu salaiwe i ya'u tawe aregane saran kadio'a, i ya'u mangke ere “manga rasul” apan wahewalla udde!

MATIUS 16:23

Mawu Yesus nanaile see nabbisara si Petrus, “Roote passal᷊iu wua isindi, Mamamono'a! I'o mannal᷊are si Ya'u. Ṛingiddu udde ṛingiṛṛannu taumata; wal᷊ine ṛingiṛṛannu Ruata!”

2 KORINTUS 11:5

I ya'u tawe maapendama saran kadio'a manungku i ya'u mabbawoanna wuassu “manga rasul” apan pande udde!

WATTI'U MANGA RASUL 11:19

Napawe i Stefanus nipate, manga taumata apan mangngimanna Mawu Yesus, nanattakke a'enggenanna, na'oman sara i mangitou nassal᷊iawukka su al᷊awo'u tampa. Piaddu tinumal᷊angnga su Fenisia, wuṛṛu piaddu lai na'oma su Siprus wuṛṛu Antiokhia. I mangitou mammasingkattu Watti'u Ruata tumba'u su manga taumatan Yahudi sassane.

YUNUS 4:9

Arawe Ruata nabbisara si tou, “I'o tawe wotongnge mabbal᷊i aroddi asusane ana waugu sinuananna udde!” Yunus sinumimbakka, “Anio tawe? Suṛṛinone i ya'u masa'u atonna ma'oman sara mate.”

YUNUS 1:3

Arawe Yunus ewe'e lai inaite watukku tampa waine tadea'u mangindaun Mawu. I tou nanute watukku Yopa, wuṛṛu inauranna nattapare naasangkalla apalla apan inai watukku Spanyol. Napawe buatte namaekka parakene, i tou sinuma'ete su apalla, ana see massenggote suadio'a ringannu lal᷊oṛṛon apalla watukku Spanyol, tadea'u mangindaun Mawu.

YEREMIA 1:17

Pandiahite, Yeremia! Roote wuṛṛu pasingkata'a si mangitou, sarangkanambone apan Ta'u nirolokka si'o. Arie mata'utti mangitou, tadea'u i'o tawe Ta'u olaanna lembon matta'utta lai sumaruanna si mangitou.

REENGANNA 20:12

Arawe Mawu nabbisara si Musa wuṛṛu si Harun, wisara-Ne, “Ana waugu pangangimanni raddua si Ya'u tumaniten matul᷊ungnga, i Ya'u mapal᷊iatta'u taṛṛino-U apan susi su saruannu walahannu Israel, iraddua tawe maapiaṛṛa'i mangitou sumutta su wanua apan pina'ire-U si mangitou.”

YOHANES 1:42

I Andreas nanguntudi Simon ringannu Mawu Yesus. Mawu Yesus nanutuda si Simon, see nabbisara, “I'o Simon, ana'i Yona. I'o sarun isago i Kefas.” (Kefas uasul᷊ungngi Petrus, atappasanne: wowom batu.)

WATTI'U MANGA RASUL 11:20

Arawe wuassu wallattu manga taumata mangngimanna udde, apan darantane wuassu Siprus wuṛṛu Kirene, pia lai manga taumata inai watukku Antiokhia mamasingkattu Watti'u Al᷊al᷊uassa su ola'u Mawu Yesus udde su manga taumata apan agamane wal᷊ine Yahudi lai.

WATTI'U MANGA RASUL 11:22

Manga watti'a su ola'u manga al᷊aṛṛindu'a udde na'omate lai su jamaattu Yerusalem. Ne i mangitou nandolokki Barnabas watukku Antiokhia.

WATTI'U MANGA RASUL 11:27

Su tempo udde pia sire pira nabi nirumanta wuassu Yerusalem mabatukku Antiokhia.

WATTI'U MANGA RASUL 15:5

Arawe sire pira wuassu wageangngu Farisi apan suete nangngimanna, dirumarisikka wuṛṛu nabbisara, “Manga taumata walahanna waine apan nangngimante udde ṛinone sunatanna wuṛṛu ṛinone tumuṛṛutta Tita Musa.”

GALATIA 1:18

Tallu tonna wua'udde, i ya'u inaite watukku Yerusalem maisasomban Petrus. I ya'u uatana'a ringanni tou tumba'u mapul᷊o lima su allone al᷊annune.