GALATIA 1:8 - WUKE SUSI WATTI'U AL᷊AL᷊USASSA

⁸ Taumata apan mabatti'u “watti'u al᷊al᷊uassa” apan uapapaṛṛala wuassu Watti'u Al᷊al᷊uassa apan buatte niapaasingkati ami, wala'e i tou iṛṛuumannu Ruata – salaiwe taumata udde, i yami sassane ara'e mala'ekatta wuassu surga!

GALATIA 1:8 Referans Kwoze

GALATIA 1:9

I yami buatte nabbisara paarorone, orassa indi ya'u mabbisara paassa lai: Taumata apan mammasingkata si yamiu “watti'u al᷊al᷊uassa” apan uapapaṛṛalan Watti'u Al᷊al᷊uassa apan suete niaringiṛṛani yamiu wuassi yami, taumata udde ṛinone iṛṛuumannu Ruata!

1 KORINTUS 16:22

Taumata apan tawe mandangngu Mawu, wala'e i tou awontohanna! Maranatha – Mawun kami, rantate!

ROMA 9:3

ana waugu manga tuṛṛangnga sambalahangku. Ana waugu ete si mangitou, i ya'u sassane mal᷊uassa wontohannu Ruata wuṛṛu iapaatal᷊ei wuassi Kristus.

MATIUS 25:41

See Ratu udde sarun mabbisara su manga taumata su samba'an aiṛṛiNe, ‘Roote wua isindi, manga taumata lal᷊eo! Suttate sulal᷊ummu putungnga apan tawe iapadumma, apan suete nissaddia su Setanna wuṛṛu su manga ralol᷊oṛṛanne!

2 PETRUS 2:14

I mangitou tawe illol᷊one ma'ola'a rosa, wuṛṛu al᷊utuanni mangitou ma'ellega wawine masandaga. Wuṛṛu taumata apan wakku mangngimanna wuṛṛu ta'e matul᷊u pangangimanne, wal᷊onotanni mangitou. Naungngi mangitou ninumarampen awawal᷊iu. Ete i mangitou udde taumata apan niawontohante!

WATTI'U MANGA RASUL 23:14

I mangitou inaite ringannu manga imam tembonanne wuṛṛu manga piaṛṛa'u Yahudi lapiddu nabbisara, “I yami suete nassalu suadio'a, tawe umanna wuṛṛu ma'inumma saran adio'a amungkangngu i yami taambe naapate si Paulus.

TITUS 3:10

Taumata apan mandantan pattatiakka sulal᷊ummu jamaatta, ṛinone i tou tagguanna paassa ara'e paarua; wua'udde ariete lai maggawen tou.

GALATIA 3:13

Arawe Kristus namallosi ite wuassu awawontogu titan agama. I Tou na'ola'a udde ringannu namalan watangan-Ne awontohanna ana waugu i ite. Ana waugu sulal᷊ummu Wuke Susi uawoṛṛetta, “Niawontohante taumata apan nate niele su alu pangangeleanna.”

1 KORINTUS 12:3

I yamiu ṛinone maasingkata, manungku taumata apan aehetannu Ghaṛṛahon Duata tawe maapabbisara, “Niawontohante Mawu Yesus!” Aroddi lai tawe saran sangkatou wotongnge mabbisara, “Tumba'u Mawu Yesus udde Mawu!” amungkangngu taumata udde tawe aehetannu Ghaṛṛahon Duata.

MARKUS 14:71

See Petrus nanattakke massalu wuṛṛu nabbisara, “I Ya'u tawe maaillal᷊a taumata apan ipappandummi i yamiu udde!”

GALATIA 3:10

Manga taumata apan uatundeeta su titan agama, sarangkanambone mabbiakka su al᷊ungngu awawontoga. Ana waugu sulal᷊ummu Wuke Susi uawoṛṛetta, “Taumata apan tawe tumuṛṛutta mappaamattu sarangkanambone apan uawoṛṛetta sulal᷊ummu Wuke Titan Agama, awontohannu Ruata!”

NEHEMIA 13:25

Ta'u nitaguanna wuṛṛu ta'u niwontohanna i mangitou. Piaddu ta'u nipuulla wuṛṛu niṛṛahotta utangnge. Wua'udde i mangitou ta'u nirolokka massalu ringannu arannu Ruata manungku i mangitou wuṛṛu al᷊aṛṛana'i mangitou tate maawingnga apia ringannu walahanna waine.

1 SAMUEL 26:19

Tuangnga paddaringikke sasubban allangngu indi. Unnu wisara Mawu buatte nandolokki Tuangnga niaparo'appa allangngu, udde maola'a sambau sasamba apan botongnge mapaasungen asasa'un Mawu su saruannu allangnge. Arawe unnu wisara apan nirolokki Tuangnga udde taumata, doronganna i mangitou wontohannu Mawu. Ana waugu wuassu inolaanni mangitou, allangngu buatte nilimbuaṛṛanna wuassu leta'a pussa'an Mawu wuṛṛu ringannu mawakkatta allangngu inaite su wanua waine suapa allangngu ṛinone mattaṛṛamawu monganna apan ta'e awagananna.

YOSUA 9:23

Ana waugu inolaanni yamiu aroddi, Ruata maṛṛuumanni yamiu. Walahannu sidutu maola'a allanga, mallaṛṛappo alu wuṛṛu mamamasanna ua'e su Wal᷊en Duata'u.”

PANDARIADDI 9:25

i tou nabbisara, “Niawontohante i Kanaan! I tou sarun maola'a allangnga al᷊aleoanne su manga tuṛṛangnge.

1 MARARATU 13:18

Ne nabi timmade wuassu Betel udde nagawusu si tou, ringannu nabbisara, “I ya'u lai nabi ere Tuṛṛangnga. Wuassu parentan Mawu sangkatou mala'ekatta buatte nandolo'u iapasol᷊oho wuṛṛu manaru Tuṛṛangnga su wal᷊en.”

YEREMIA 23:16

Su tumana'u Yerusalem, Mawu Apan Lembontaṛṛino nabbisara, “Imbaṛṛangnga maddaringikka wisara manga nabi apan sidutu tumba'u mangngonggollu antimma apan tawe loṛṛone. I mangitou tumba'u mammasingkattu wal᷊iawa mangitou sassane wuṛṛu wal᷊ine tanata-U.

YEREMIA 23:36

I mangitou tate wotongnge lai mappaattu wisara ‘winabbawa Mawu’. Amungkangngu ta'e piaddu mappaattu wisara udde, ne i Ya'u na'ola'a tanata-U atonna-tonna winabbawa si tou. Taumata apan mabbisara ‘winabbawa Mawu’ tumba'u mammal᷊elongngu wisara-U, Ruata mangitou, Ruata apan biakka, Mawu Apan Lembontaṛṛino.

ROMA 16:17

Manga tuṛṛangnga! I ya'u sumal᷊ande ringannu lembone: Paatehamma su saruannu manga taumata apan ma'ola'a patatatiakka wuṛṛu mannongkakku pangangimannu taumata su Mawu. Olangnge udde uapapaṛṛala apa apan buatte niaṛṛa'a si yamiu. Arie paggawei taumata ereudde.