GALATIA 1:21 - WUKE SUSI WATTI'U AL᷊AL᷊USASSA

²¹ Wua'udde i ya'u inaite watukku manga wageangngu Siria wuṛṛu Kilikia.

GALATIA 1:21 Referans Kwoze

WATTI'U MANGA RASUL 15:41

Itarua namal᷊iwutta Siria wuṛṛu Kilikia; poiaroddi itarua mannohassa manga jamaatta.

WATTI'U MANGA RASUL 9:30

Su tempo manga taumata mangngimanna waine naasingkatta olangnge udde, i mangitou nangapidi Saulus watukku Kaisarea, wua'udde nandolokki tou watukku Tarsus.

WATTI'U MANGA RASUL 6:9

Arawe pia lai manga taumata apan mannal᷊are si tou; i mangitou eteudde taumata wal᷊em pattataṛṛamawuanna apan isassago wal᷊em pattataṛṛamawuannu manga Taumata Tawe Limbanne. Manga taumata wal᷊em pattataṛṛamawuanna udde eteudde manga taumatan Yahudi wuassu Kirene wuṛṛu Aleksandria. I mangitou wuṛṛu manga taumatan Yahudi wuassu Kilikia wuṛṛu Asia uasasimbakki Stefanus.

WATTI'U MANGA RASUL 15:23

Suadio'a ringannu manga daroloṛṛanna udde, i mangitou napaapiddu suratta lai apan tingikke arendi, “Iwuna'a su anambon tuṛṛangnga wuassu manga walahanna waine apan wal᷊ine Yahudi, wuṛṛu uatana'a su Antiokhia, Siria, wuṛṛu Kilikia. Tabea wuassi yami, manga rasul wuṛṛu manga piaṛṛangnge, eteudde manga tuṛṛangngu.

WATTI'U MANGA RASUL 13:1

Sulal᷊ummu jamaatta su Antiokhia pia manga nabi wuṛṛu manga huru eteudde i Barnabas, i Simeon apan isassago lai i Ma'itumma, i Lukius wuassu Kirene, Menahem apan niwuwunna suadio'a ringanni Herodes wuṛṛu Saulus.

WATTI'U MANGA RASUL 23:34

Napawe gubernure suete nabbasan suratta udde, i tou naiwal᷊o si Paulus wuassu apa darantane. Napawe i tou naasingkatta manungku i Paulus wuassu Kilikia,

WATTI'U MANGA RASUL 22:3

“I ya'u taumatan Yahudi,” unni Paulus, “i ya'u niasungkangnga su Tarsus su leta'u Kilikia arawe i ya'u niwuwunna isindi su Yerusalem, wuṛṛu niaṛṛaanna ringannu ma'uduppa wuassu huru wahewa Gamaliel sulal᷊ummu Tita apan nionggolli Musa su iupungngu al᷊amonang kite. Ere lai manga tuṛṛangnga sarangkanambone isindi, allo indi, ya'u lai maṛṛimadda su manaran Ruata.

WATTI'U MANGA RASUL 21:39

I Paulus sinumimbakka, “I ya'u taumatan Yahudi; i ya'u tumana'u soan Tarsus soa ahewal᷊anne su Kilikia. Tul᷊unga'o i ya'u pahahattoa'u manga taumata udde.”

WATTI'U MANGA RASUL 21:3

wuṛṛu nassenggotte na'oman sara naasilo taṛṛanusan Siprus su samba'a aiṛṛing kami; arawe i yami lapiddu nassenggotta mattudan Siria. I yami nabbal᷊ango su Tirus, ana waugu isudde apalla sasa'eanni yami mangonna luranne.

WATTI'U MANGA RASUL 18:18

Wua'udde i Paulus ta'e natana'a mal᷊annu su Korintus. Wua'udde i tou nabbisarate addattu patatal᷊ei su manga taumata apan mangngimanna isudde, see i tou nassenggotte ringanni Priskila wuṛṛu i Akwila watukku Siria. Su Kengkrea, i Paulus namol᷊o utangnge apan niwalan tou mal᷊o'engnga ana waugu riandine su Mawu.

MATIUS 4:24

Watti'a su ola'u Mawu Yesus udde naddingikke su al᷊awo'u wanua su Siria, na'oman sara taumatanambo rudanta ringanni Tou. I mangitou uaapiddu manga taumata apan uatataṛṛangnga al᷊awo'u hatin radda'a wuṛṛu asasusa. Manga taumata apan niasuttannu ghaṛṛaho lal᷊eo, apan raddangnge pua, wuṛṛu lome, sarangkanambone udde niapaapia Mawu Yesus.