GALATIA 1:16 - WUKE SUSI WATTI'U AL᷊AL᷊USASSA

¹⁶ Ruata nanualagu Anang-Nge si ya'u tadea'u Watti'u Al᷊al᷊uassa su ola'u Anang-Nge wotongnge iwatti'u su manga taumata wal᷊ine Yahudi. Su tempo udde i ya'u tawe inai ringannu sangkatou madorongnga al᷊aṛṛa'a.

GALATIA 1:16 Referans Kwoze

MATIUS 16:17

“Auntunganna si'o Simon ana'i Yona!” unnu Mawu Yesus, “Ana waugu wal᷊inewe taumata apan namasingkattu olangnge udde si'o, arawe Iamangku su surga.

EFESUS 6:12

Ana waugu i ite mammanara, wal᷊inewe lumawangnga atatohassu manga setanna apan uaparenta su tempo apan lel᷊eo indi. I ite lumawangnga atatohassu manga ghaṛṛaho lal᷊eo apan uaparenta winalanganna.

EFESUS 3:1

Ana waugu udde i ya'u Paulus, nitaṛṛo su tuttupanna ana waugu Kristus Yesus maola'a hunan kamiu taumata wal᷊ine Yahudi.

2 KORINTUS 4:6

Ruata mabbisara, “Ṛinone wuassu lal᷊ummu ararandumma sumabangnga asasemakka,” Ruata lai apan napaasabangngu semakka wuassu lal᷊ummu naungngi ite, tadea'u ṛingiṛṛanni ite masemakka ipassunna awawantugu Ruata apan lullansiangnga su hatin Kristus.

ROMA 11:13

Arawe orassa indi mappianne i ya'u mabbisara su manga tuṛṛangnga apan wal᷊ine Yahudi! Al᷊annune indi, naola'a rasul su walahanna wal᷊ine Yahudi, i ya'u lembo mangngarega manara'u.

WATTI'U MANGA RASUL 22:21

Arawe Mawu nabbisara apia lai si ya'u, ‘Roote, ana waugu i Ya'u sarun mandolokku inai su tampa apan marau ringannu manga taumata apan wal᷊ine Yahudi.’ ”

WATTI'U MANGA RASUL 9:15

Arawe Mawu nabbisara si Ananias, “Roote! Ana waugu i Ya'u suete namile si tou mangimbe si Ya'u, tadea'u i tou mamasingkatta su ola'u riri-U su manga walahanna waine apan agamane wal᷊ine Yahudi wuṛṛu su manga ratu wuṛṛu lai su walahannu Israel.

MATIUS 26:41

Paariagate wuṛṛu aal᷊iomante tadea'u i yamiu tawe maasomba wawono'a. Atonna ghaṛṛahonu maapulu ma'ola'a apapia, arawe i yamiu tawe maataṛṛangnga ana waugu pallal᷊agun taumata udde lome.”

TAHIUL᷊E 33:9

I mangitou marangngu Si'o nipangillembo wuassu al᷊awo'a, nipangillembo wuassu hagurangnga wuṛṛu tuṛṛangnga. Manga parenta-Nu tattuṛṛutanni mangitou, pa'aire-Nu niapatipussi mangitou.

IBRANI 2:14

Ana waugu manga taumata apan nisaggon i Tou ana'a udde, eteudde sangkatou taumata apan wotonge mate, ne Mawu Yesus sassane naola'a uasul᷊ungngi mangitou wuṛṛu mabbiakka sulal᷊ummu ola'u taumata. I Tou na'ola'a aroddi, tadea'u ringannu papate-Ne i Tou wotongnge maṛṛimunsa'a Setanna apan uataṛṛino papate.

2 TIMOTIUS 1:11

Su ipabbatti'u Watti'u Al᷊al᷊uassa uddewe Ruata namile si ya'u maola'a rasul wuṛṛu huru.

1 TIMOTIUS 2:7

Wuṛṛu ana waugu eteudde i ya'u nirolokka inai ringannu manga taumata wal᷊ine Yahudi iapapasingkata si mangitou watti'a su ola'u pangangimanna apan atonna. Apan ta'u iwabbatti'a indi udde atonna, i ya'u tawe mamahia.

1 TESALONIKA 2:16

Ewe'e i mangitou lai mammal᷊aatta si yami mabatti'a su manga walahanna wal᷊ine Yahudi watti'a apan wotongnge maasal᷊amatta manga walahanna udde. Ringannu aroddi manga taumatan Yahudi udde siddutu mannamba rosan mangitou na'oman sara reenganne masuungnga. Wuṛṛu orassa indi i mangitou panginsueanne niarantannu asasa'un Duata!

GALATIA 2:1

Mapul᷊o appata su tonnane wua'udde, i ya'u nabbelengke watukku Yerusalem su sambau ringanni Barnabas, wuṛṛu uaapidi Titus.

2 KORINTUS 5:16

Ana waugu udde, i yami tate lai manguukka taumata tumuṛṛuttu aul᷊aannu taumata. Atonna i yami suete nanguukka Kristus wuassu pahuddu taumata, arawe orassa indi tate.

1 KORINTUS 15:50

Pandumangku, manga tuṛṛangnga, eteudde: wadangnga apan niola'a wuassu ṛaṛṛa wuṛṛu ṛemessa, tawe maasutta su Runia Wakkun Duata; wuṛṛu wadangnga apan wotongnge mate tawe mattatana'a sarangkal᷊o'engnge.

WATTI'U MANGA RASUL 5:42

Wuṛṛu miallo-miallo su Wal᷊e Mawu see lai su manga wal᷊en taumata, i mangitou sidutu mangngaṛṛa'a wuṛṛu mabatti'a Watti'u Al᷊al᷊uassa su ola'u Mawu Yesus manungku tumba'u i Tou Ratum Punnu Sal᷊amatta apan pina'ire udde.

WATTI'U MANGA RASUL 9:20

I tou lapiddu rudanta su manga wal᷊em pattataṛṛamawuanna wuṛṛu mannattake mabatti'a manungku ete Mawu Yesus udde Ana'u Ruata.

ROMA 1:5

Sulal᷊ummi Tou lai Ruata nangonggolu al᷊amatta si ya'u maola'a rasul, tadea'u i ya'u – mangadatta Mawu Yesus – mangngehetta manga taumata wuassu al᷊awo'u walahanna tadea'u mangngimanna wuṛṛu tumuṛṛutta.