GALATIA 1:15 - WUKE SUSI WATTI'U AL᷊AL᷊USASSA

¹⁵ Arawe ana waugu apapian naungngu Ruata, i Tou namile si ya'u tantal᷊anna i ya'u taambe niasungkanga wuṛṛu namago si ya'u iapa'imbe si Tou.

GALATIA 1:15 Referans Kwoze

YEREMIA 1:5

“Tantal᷊anna i Ya'u taambe nadiandi si'o sulal᷊ummu piolon inangngu, wuṛṛu tantal᷊anna i'o taambe nasungkangnga, i Ya'u buatte namile wuṛṛu maneneggu maola'a nabi su manga walahanna.”

YESAYA 49:5

Ro'en taambe nasungkanga, i ya'u niwaggoante Mawu maola'a allang-Nge, tadea'u ipangammullu umattu Israel, ana see i mangitou mabbelengnga apia ringanni Tou. Mawu na'ola'a si ya'u aaddatanna, Ruata uddewe atatoha'u.

YESAYA 49:1

Paddaringikke si ya'u, ei manga wanua apan marau panutukke manga wisara'u. Mawu namaggo si ya'u tantal᷊anna i ya'u taambe niasungkanga, i Tou namile si ya'u ro'en ta'e sulal᷊ummu illoṛṛo.

2 TIMOTIUS 1:9

Ruata mannal᷊amatta si ite wuṛṛu namago si ite, tadea'u maola'a al᷊aṛṛanang-Nge. I Tou na'ola'a udde wal᷊ine ana waugu apa apan suete nimmanaran kite, ewe'e ana waugu panduman-Ne sassane wuṛṛu darangngu-Ne. I Tou nandangngu si ite sulal᷊ummi Kristus Yesus ro'en runia indi taambe niriaddi.

EFESUS 1:5

ne, i Tou buatte nanantuna paarorone manungku sulal᷊ummi Yesus Kristus, i Tou sarun manga'u si ite maola'a manga al᷊aṛṛanang-Nge sassane. Wuṛṛu atonna eteudde apan tipusanni Tou.

1 KORINTUS 1:9

Ruata mangke apangimananna atonna-tonna. Ete i Tou Ruata apan namaggo si yamiu maola'a sambau ringannu Anang-Nge, eteudde Yesus Kristus Mawun kite.

ROMA 1:1

Manga tuṛṛangnga sarangkanambone su Roma apan arangnguannu Ruata wuṛṛu apan buatte niwagoannu Ruata maola'a al᷊aṛṛanang-Nge. Ruata buatte namile wuṛṛu i ya'u sassane niapaatenega mammasingkattu Watti'u Al᷊al᷊uassa wuassu Ruata.

WATTI'U MANGA RASUL 13:2

Su tempo i mangitou tantal᷊anna mattaṛṛamawu su Mawu wuṛṛu mappuasa, Ghaṛṛahon Ruata nabbisara si mangitou, “Pamilete si Barnabas wuṛṛu si Saulus tumba'u hunane su manara-U, tadea'u i mangitou mammanara manara apan suete niapamanara-U si mangitou.”

WATTI'U MANGA RASUL 9:15

Arawe Mawu nabbisara si Ananias, “Roote! Ana waugu i Ya'u suete namile si tou mangimbe si Ya'u, tadea'u i tou mamasingkatta su ola'u riri-U su manga walahanna waine apan agamane wal᷊ine Yahudi wuṛṛu su manga ratu wuṛṛu lai su walahannu Israel.

ROMA 8:30

Ete aroddi Ruata namaggo si mangitou apan buatte nipile paarorone; wuṛṛu i mangitou apan niwagoanne udde, niwala maaukka apia ringanni Tou. Wuṛṛu i mangitou apan niwala apia maaukka ringannu Ruata, nanganu wageangnge sulal᷊ummu awawantugu Ruata sassane.

ROMA 1:5

Sulal᷊ummi Tou lai Ruata nangonggolu al᷊amatta si ya'u maola'a rasul, tadea'u i ya'u – mangadatta Mawu Yesus – mangngehetta manga taumata wuassu al᷊awo'u walahanna tadea'u mangngimanna wuṛṛu tumuṛṛutta.

MATIUS 11:26

Eteudde ma'al᷊uassa naungngu Iamangnga.”

1 SAMUEL 12:22

Mawu buatte nassalu, manungku i Tou sarun tawe manantangngi yamiu ana waugu i Tou buatte nakkawessa ma'ola'a si yamiu al᷊aṛṛanang-Nge sassane.

1 PETRUS 5:10

Arawe napawe i yamiu suete natataṛṛangnga sangkatempo, Ruata sassane sarun manuungngi yamiu. I tou sarun mapaatagekki yamiu wuṛṛu manohassa si yamiu see mapaarisikki yamiu. Ana waugu ete i Tou udde Ruata apan naung-Nge lembon mapia, apan suete namago si yamiu mamendama suadio'a awawantu-Ge sarangkal᷊o'engnge sulal᷊ummi Kristus.

EFESUS 3:11

Ruata na'ola'a udde wuassu manara-Ne apan tawe panginsueanne, apan niolang-Nge sulal᷊ummi Kristus Yesus Mawun kite.

EFESUS 1:9

Tumuṛṛuttu apulu-Ne sassane, Ruata namasingkata si ite addapingngu manara-Ne; i Tou buatte nabbisara manungku manara-Ne udde sarun insueanna sulal᷊ummi Kristus.

GALATIA 1:6

I ya'u tinumiangnga su ola'u manga tuṛṛangnga! I yamiu niwagoannu Ruata ana waugu darangngun Kristus, arawe orassa indi yamiu aroddi al᷊ihakke tinumal᷊iudda Ruata wuṛṛu mangngimanna “watti'u al᷊al᷊uassa” apan uapapaṛṛalan Watti'u Al᷊al᷊uassa wuassu Ruata.

1 KORINTUS 15:10

Arawe ana waugu al᷊amattu Ruata, i ya'u naola'a lai ere olangnge i ya'u orassa indi. Wuṛṛu talawe tawe gunane Ruata nangampunga si ya'u. Ewe'e ete i ya'u mammanara maṛṛimadda wuassu anambo manga rasul waine. Arawe udde ṛinone wal᷊ine ya'u mattinsahadda, udde sahaddu Ruata apan marangngu si ya'u wuṛṛu mammanara suadio'a ringangku.

1 KORINTUS 1:24

Arawe su taumata apan buatte niwagoannu Ruata – mawae ete taumatan Yahudi ara'e wal᷊ine Yahudi – watti'a udde maola'a lal᷊annu Ruata mapaal᷊iatta'u taṛṛino wuṛṛu apande-Ne.

1 KORINTUS 1:1

Manga tuṛṛangnga jamaattu Ruata su Korintus! Tuṛṛangnga buatte niwaggoannu Ruata maola'a al᷊aṛṛanang-Nge ana waugu tuṛṛangnga tatahuananni Kristus Yesus, su sampunna ringannu anambon taumata su al᷊awo'u tampa apan massubba Mawun kite Yesus Kristus, eteudde Mawu mangitou wuṛṛu Mawun kite lai. I ya'u, Paulus, wuṛṛu tuṛṛangngi ite Sostenes, mangngantimma doronganna Ruata Iamangngi ite wuṛṛu Mawu Yesus Kristus mangonggolu al᷊amatta wuṛṛu paddarame si yamiu. I ya'u namoṛṛettu suratta indi ana waugu i ya'u rasulli Kristus Yesus, apan buatte nitenegu Ruata sassane wuṛṛu wuassu apulu-Ne sassane lai.

LUKAS 10:21

Su tempo udde lai, Mawu Yesus lullala'a ana waugu niasuttannu Ghaṛṛahon Ruata. Mawu Yesus nabbisara, “Iamangnga, Mawu apan uatahuanna langitta wuṛṛu runia! I Ya'u ma'adiangkamanna Si'o ana waugu sarangkanambone udde niadappingngu su taumata nambo apan pande wuṛṛu pia asingkanne, arawe I'o napaal᷊iatta'a su manga taumata tawe si'ol᷊ane. Eteudde apan ma'al᷊uassa naungngu Iamangnga.

ROMA 9:24

Ete i ite apan buatte niwaggoan-Ne, wal᷊ine tumba'u wuassu walahannu Yahudi, arawe lai wuassu manga walahanna waine.

ROMA 8:28

I ite masingkata manungku Ruata mangngatokku al᷊awo'u inolaanna indi, na'oman sara mabbua mapia hunane su manga taumata apan marangngu si Tou wuṛṛu apan niwagoan-Ne ringannu apulu-Ne sassane.

1 KORINTUS 1:21

Ana waugu salaiwe ereapa apanden taumata, i tou tawe maaillal᷊a Ruata wuassu apandene sassane. Arawe ana waugu Ruata lembon pande, i Tou wotongnge manal᷊amatta manga taumata apan mangngimanna si Tou wuassu Watti'a apan buatte niapaasingkati yami apan sassunannu runia indi awusu.

GALATIA 1:1

Manga tuṛṛangnga manga jamaatta su wageangngu Galatia, i ya'u, Paulus, wuṛṛu anambon tuṛṛangnga taumatan Saṛṛani apan suadio'a ringangku, mangngantima doronganna Ruata Iamangngi ite wuṛṛu Mawu Yesus Kristus mangonggolu al᷊amatta wuṛṛu paddarame si yamiu. I ya'u naola'a rasul wal᷊ine ana waugu wuassu taumata, ara'e ana waugu nitenegu taumata, ewe'e ana waugu Yesus Kristus Ruata Iamangngi ite apan suete napaawiakki Tou apia wuassu papate.