FILIPI 4:8 - WUKE SUSI WATTI'U AL᷊AL᷊USASSA

⁸ Panginsueanne, manga tuṛṛangnga, loṛṛoite ṛingiṛṛannu ringannu inolaanna apan mapia, apan wotongnge raloanna, eteudde inolaanna apan naṛṛino, maaddata, apan matul᷊ida, waresi, masaṛṛionto'a, wuṛṛu mapia.

FILIPI 4:8 Referans Kwoze

YAKOBUS 3:17

Arawe taumata apan pia apande niarantane wuassu surga, i tou paarorone atonna waresi, wua'udde maapulun paddarame, masaṛṛionto'a, wuṛṛu matuṛṛuta. I tou napenen darangngu, wuṛṛu mabbuan manga pallal᷊agu apan mapia. I tou tawe manamba'a wuṛṛu tawe mallilangkamal᷊e'a.

TITUS 2:7

Su al᷊awo'u inolaanna ṛinone i'o maola'a tul᷊adan pallal᷊agu apan mapia. Amungkangu i'o mangaṛṛa'a, ṛinone i'o tawe mamahia wuṛṛu atonna-tonna.

2 KORINTUS 8:21

I yami maddiri mangawusu wal᷊ine tumba'u su lantakku hati Mawu, ewe'e su saruannu taumata lai.

GALATIA 5:22

Arawe, amungkangu manga taumata aehetannu Ghaṛṛahon Duata hessine eteudde: I mangitou uararangngu, i mangitou lulluassa, i mangitou pia atatammudu naungnga, i mangitou masabare wuṛṛu mapia su saruannu taumata waine, i mangitou matuṛṛuta,

1 PETRUS 2:12

Pallal᷊agunu su wallatu taumata apan tawe maaillal᷊a Mawu ṛinone lembon mapia, na'oman sara napawe i mangitou mangngadio'a si yamiu ere taumata lal᷊eo, i mangitou lai sarun manga'u inolaannu apan mapia na'oman sara i mangitou sarun maddalo Ruata su allo daranta-Ne.

IBRANI 13:18

Sidutua'e umal᷊iomanni yami. I yami mangngimanna lal᷊ummu naungngi yami waresi, ana waugu sulal᷊ummu al᷊awo'u manara, i yami sidutu ma'apulu ma'ola'a apa su ṛinone.

1 TIMOTIUS 4:12

Arie mamalan sangkatou taumata ma'ellega si'o addio'a ana waugu i'o ta'e umbasanna. Arawe ṛinone i'o maola'a tul᷊adda su manga taumata apan mangngimanna hattonu wuṛṛu pallal᷊agunu, su ola'u darangngunu su sansul᷊ungu wuṛṛu mangngimanna Mawu Yesus Kristus, ringannu naungnga apan waresi.

EFESUS 5:9

Ana waugu wuassu asasemakka udde lumapputa al᷊awo'u inolaanna apan mapia, matul᷊idda, wuṛṛu waresi su aellegu Ruata.

TITUS 1:8

Ṛinone i tou mal᷊uassa manarimmattu taumata su wal᷊ene, maapulu manga inolaanna apan mapia, wotongnge maṛṛadannu aapulun naungnge, matul᷊idda, susi wuṛṛu ma'uddupa.

1 YOHANES 3:3

Anambon taumata apan pia antimma indi su saruanni Kristus, mandiagga ririne tadea'u atonna-tonna susi, waresi wuassu rosa ere lai Kristus udde lai susi.

1 PETRUS 1:22

Ana waugu i yamiu matuṛṛutta su al᷊aṛṛa'u Ruata, ne i yamiu namaresi wadanga wuṛṛu i yamiu tuttal᷊antupu manga taumata pangangimanne sambau ringannu atonna-tonna. Ana waugu udde, ṛinone i yamiu uararangngu sangkatou ringannu waine ringannu al᷊al᷊uassu naungngu.

TITUS 3:14

Manga taumatan kite ṛinone mangurumma al᷊aṛṛa'a, ma'ola'a inolaanna apan mapia tadea'u wotongnge mapaasuungngu sarannapa apan ipaapulune; arie ma'oman sara i mangitou mabbiakka tawe gunane.

ROMA 13:13

I ite ṛinone ma'ola'a inolaanna apan aaddatanna ere su inanaramanne a'olaannu taumata su tempo allo; imbaṛṛangnga maddamea tumaniten manampal᷊iu, ara'e mabbu'anna. Imbaṛṛangnga sumandaga, ara'e pia pallal᷊agu tawe addane. Imbaṛṛangnga mabbawul᷊o, ara'e mangune.

AMSAL 20:7

Al᷊aṛṛana'a naauntungnga amungkangngu pia iamangnga apan mapia wuṛṛu mabbiakka matul᷊idda.

YAKOBUS 1:27

Tatuṛṛuta su agama apan waresi wuṛṛu tutune su aellegu Ruata Iamangnga eteudde: mantul᷊ungngu al᷊aṛṛana'a asisin pal᷊ussa wuṛṛu manga wawine wal᷊u apan susa, wuṛṛu uariagga wadangnge sassane tadea'u tawe lal᷊eoannu runia indi.

1 YOHANES 3:18

Al᷊aṛṛana'u! Arie i ite umakkana tumba'u su moṛṛonga ara'e tumba'u ringannu wisara. Ṛinone i ite umakkana ringannu aakkana apan tutune, apan niapaal᷊iatta'a ringannu inolaanni ite.

TITUS 2:2

Aṛṛa'ete manga timmadde esakka, tadea'u i mangitou maṛṛaddanna, pande wuṛṛu mabbiakka ere sangkatou taumata apan ṛinone addatanna. Ṛinone lai i mangitou uaaggasa al᷊aṛṛa'a apan su ṛinone wuassu Ruata, mandangngu ringannu ahewallu naungnga wuṛṛu matataṛṛangnga ringannu sabbare.

2 KORINTUS 13:7

I yami u'al᷊iomanna su Ruata antimanna i Tou mantul᷊ungngi yamiu ana see tawe ma'ola'a pasasal᷊a. Wal᷊inewe mapaal᷊iatta'a manungku i yami indi pande mammanara, arawe tadea'u i yamiu tuttuṛṛutta apulun Duata – salaiwe aellehanna i yami tawe tumuṛṛutta, udde tawe apane!

KOLOSE 4:5

Sulal᷊ummu paa'aukki yamiu ringannu manga taumata apan tawe mangngimanna, ṛinone i yamiu mabbiakka su atatul᷊idda wuṛṛu mappa'attu al᷊awo'u tempo mapia udde, ringannu mapia-pia.

1 PETRUS 4:8

Nangillembo wuassu sarangkanambone udde, ṛinone i yamiu atonna-tonna uararangngu sangkatou ringannu waine, ana waugu ringannu uararangngu i yamiu sarun uaa'ampunga lai.

2 SAMUEL 23:3

Ruatan Yakub buatte nabbisara; ete si ya'u mallal᷊u'addu Israel nabbisara: “Ratu apan uaparenta tumanangnge ringannu atatul᷊idda apan uapiaṛṛa'a ringannu tatuṛṛutta su Mawu,

ROMA 13:3

Ana waugu taumata apan ma'ola'a apapia arie mata'uttu tembonanne. Tumba'u taumata apan ma'ola'a al᷊al᷊eo apan ṛinone mata'utta. Amungkangngu i'o maapulu tadea'u i'o tawe mata'uttu tembonanne, i'o ṛinone ma'ola'a apapia, ne i'o sarun raloanna.

TITUS 2:14

I Tou suete nanantillu watangan-Ne ana waugu i ite wuṛṛu ana waugu mamallosi ite wuassu al᷊awo'u al᷊al᷊eo, wuṛṛu na'ola'a si ite sambau walahanna apan nal᷊iu wuassu al᷊awo'u rosa wuṛṛu tumba'u naola'a pussa'a-Ne sassane, wuṛṛu maṛṛimadda ma'ola'a apapia.

FILIPI 3:1

Panginsueanne, manga tuṛṛangku, ṛinone i yamiu lumuassa ana waugu i yamiu suete naaukka ringannu Mawu. I ya'u tawe maapendamma masahadda manul᷊e apia apa apan suete niwoṛṛeta si yamiu paarorone; ana waugu olangnge udde mapia su asasal᷊amannu.

ROMA 2:29

Arawe sangkatou Yahudi apan tutune eteudde taumata apan naungnge naungngu Yahudi; wuṛṛu sunatta apan tutune eteudde sunatta su naungnga apan mammanarannu Ghaṛṛahon Duata, wal᷊inewe niwoṛṛetta sulal᷊ummu wuke. Taumata ereudde, mannengkamma daralo wuassu Ruata, wal᷊ine wuassu taumata.

YESAYA 26:7

Taumata mapia su lal᷊anna matul᷊idda, ana waugu I'o, Mawu, namu'a lal᷊anni mangitou.

AMSAL 31:31

Wal᷊isete al᷊awo'u apapiane; i tou wawine apan ṛinone addatanna su anambon tampa!

1 TIMOTIUS 2:2

hunan manga ratu wuṛṛu hunan anambon taumata apan uataṛṛino. Padorongke tadea'u i ite wotongnge mabbiakka ringannu matammuda wuṛṛu paddarame su Ruata ringanni pallal᷊agu apan mapia.

1 TIMOTIUS 5:10

tinumelennga ere sangkatou wawine apan ma'ola'a apapia, ereindi: i tou suete namadul᷊i manga al᷊aṛṛanangnge ringannu mapia, naungnge mal᷊uassa mangimbe raho matana'a su wal᷊ene, mangimbe manga taumata mangngimanna, massumbala manga taumata susa, wuṛṛu mammanara atonna-tonna al᷊awo'u manara apan mapia.

TAHIUL᷊E 16:20

I yamiu ṛinone sidutu su atatul᷊idda, tadea'u wotongnge mamanua wuṛṛu mabbiakka su lal᷊umanna'a su leta'a apan nionggolu Mawu Ruatanu si yamiu.

EFESUS 6:14

Ṛinone i yamiu mangke uatehamma. Paata'e tatuṛṛuta su Ruata maola'a aiitta lawassa, wuṛṛu atatul᷊idda maola'a laungngu wuassu atta'a.

1 TESALONIKA 4:12

Amungkangu i yamiu mabbiakka aroddi, yamiu tate uatundeetta sisai-sai, wuṛṛu manga taumata apan tawe mangngimanna si Kristus, sarun mangaddatta si yamiu.

EFESUS 4:25

Ana waugu udde manga tuṛṛangnga sarangkanambone, ariete mangawusu. Pa'ola'e mapia sangkatou ringannu sangkatou, ana waugu i ite sarangkanambone uddewe suadio'a naola'a wageangngu wadangi Kristus.

2 KORINTUS 6:8

I yami aaddatanna, arawe haggal᷊usaanna lai, raddaloanna, wuṛṛu aal᷊uandahanna lai. Salaiwe i yami mabbiakka matul᷊idda, i yami aansilanna taṛṛa awusu.

WATTI'U MANGA RASUL 10:22

I mangitou sinumimbakka, “Apitenna Kornelius nandolokki yami isindi. I tou sangkatou taumata mapia wuṛṛu matta'uttu Ruata, wuṛṛu lembon aaddatannu anambon taumatan Yahudi. Sangkatou mala'ekattu Ruata nandolokki tou madorongnga i Tuangnga rumanta su wal᷊ene, ana waugu maola'a ere sambau sasimbakku aal᷊iomanne, i tou nirolokka madaringikka apa apan iapaasingkatti Tuangnga si tou.”

YOHANES 7:18

Taumata apan mangngonggolu al᷊aṛṛangnge sassane maddea'a awawantugu ririne sassane. Arawe taumata apan maddea'a awawantugi Tou apan nandolokki Tou, taumata udde matul᷊ida, i tou tawe awusune.

LUKAS 2:25

Tempo udde su Yerusalem pia sangkatou taumata aranne Simeon. I tou taumata mapia, apan matta'uttu Ruata wuṛṛu tantal᷊anna uaraṛṛaddo tempone Ruata manal᷊amatta Israel. Ghaṛṛahon Ruata uaṛṛundinganna si tou,

MARKUS 6:20

Ana waugu i Herodes suete nandolokku taumata niapariaga mapia-pia asasal᷊amatti Yohanes su tuttupanna, ana waugu i tou matta'utti Yohanes. I tou masingkatta manungku i Yohanes sangkatou taumata mapia apan suete nirolokku Ruata. Wuṛṛu atonna amungkangngu i Yohanes mabbisara, i Herodes mal᷊utu madaringikka si tou, salaiwe i tou sussinggawangnga atonna ana waugu Yohanes.

AMSAL 11:1

Mawu maddantinnu taumata apan mappaattu timbanganna ipallinga arawe i Tou mal᷊uassa ringannu taumata apan mappaattu timbanganna naṛṛino.

RUT 3:11

Ana waugu udde arie passinggawanga, Rut. Sarangkanambone apan nirorongannu udde sarun ta'u olaanna; ana waugu anambon taumata su soa indi masingkate manungku i'o sangkatou wawine apan mapia pallal᷊agune.

LUKAS 16:15

Arawe Mawu Yesus nabbisara si mangitou, “Ete i yamiu taumata apan su saruannu taumata waine ellehanna mapia, arawe Ruata masingkattu lal᷊oṛṛo naungngu. Ana waugu apa apan sassunnannu taumata matanggakka, su aellegu Ruata udde mawawo.

1 KORINTUS 4:5

Ana waugu udde, amungkangu taambe tempone, arie i yamiu mal᷊iha-l᷊ihakka manantunna manungku sangkatou nassal᷊a ara'e tawe. Paṛṛadote Ruata rumanta. Ete i Tou sarun mamu'a al᷊awo'u addapingnga apan uawuni sulal᷊ummu ararandumma. Ete i Tou apan mamongkakku anambon pandumanna apan uawuni sulal᷊ummu naungngu taumata. Su tempo udde suapan taumata wakkute udde maasengkamma daralo wuassu Ruata apan wotongnge sengkamanni tou.

WATTI'U MANGA RASUL 22:12

Isudde pia sangkatou aranne i Ananias. I tou sangkatou apan susi wuṛṛu matuṛṛutta mappaamattu Titan Musa. Anambon taumatan Yahudi apan uatana'a su Damsyik mangngaddatta si tou.

ANTARI MAWANTUGA 5:16

Tumaniten masaṛṛionto'a pabbawisarane, sarangkanambone si tou maanemma. Etearoddi arangnguangku wuṛṛu hawe'u, ei manga maṛṛualan Yerusalem!

PANDARIADDI 18:19

I tou buatte Ta'u nipile tadea'u mamarenta al᷊aṛṛanangnge wuṛṛu papapulunne tadea'u tumuṛṛutta si Ya'u wuṛṛu ma'ola'a inolaanna mapia wuṛṛu matul᷊idda. Amungkangngu olange udde olaanni mangitou, al᷊awo'u pa'aire-U si Abraham sarun Ta'u tipusanna.”

1 YOHANES 4:1

Manga tuṛṛangnga apan arangnguanna! Arie pangimanna anambon taumata apan mangnga'u Ghaṛṛahon Duata, arawe annama'a asuene i mangitou tanne ghaṛṛaho mangitou udde niarantanne wuassu Ruata ara'e tawe. Ana waugu manambonabi awusu apan u'amatta su al᷊awo'u tampa.

1 TIMOTIUS 5:2

wuṛṛu manga wawine timmade ere inangngu. Wuṛṛu manga maṛṛuala ṛinone olaannu ere sangkatou tuari, ringannu pallal᷊agu apan waresi.

LUKAS 23:50

Pia sangkatou aranne i Yusuf, wuassu soa Arimatea su wanua Yudea. I tou sangkatou mapia apan aaddatannu taumata, wuṛṛu nareengnga taumata apan sidutu uaraṛṛaddo tempone Ruata mamarenta ere sangkatou Ratu. Salaiwe i tou nareengnga su wageangngu Mallaṛṛuungngu Agama, i tou maddirin ṛuumanna udde wuṛṛu inolaannu manga mallaṛṛuungnga udde.

AMSAL 31:29

“Pia manambo wawine apan mapia,” wisaran awingnge esakka, “arawe i'o apan apianne wuassi mangitou sarangkanambone.”

AMSAL 16:11

Mawu mappandumma taumata al᷊auanne matul᷊idda sulal᷊ummu mabbal᷊u'a, se'e lai sulal᷊ummu mappaattu aul᷊aanna wuṛṛu timbanganna.

AMSAL 12:4

Awingnga apan mapia eteudde al᷊al᷊uassa wuṛṛu lal᷊umanna'u awingnge esakka, awingnga apan mammansili awingnge esakka naal᷊ihidda radda'a maṛṛenessa duṛṛi.

1 TIMOTIUS 3:4

Ṛinone i tou masingkata mangatokku lal᷊oṛṛon bal᷊ene ringannu mapia, wuṛṛu mangaṛṛa'a al᷊aṛṛanangnge matuṛṛuta wuṛṛu maadatta si tou.

WATTI'U MANGA RASUL 6:3

Nariaddi, mappianne manga tuṛṛangnga mamile wuassu wallatti yamiu sire pitu apan pallal᷊agune mapia wuṛṛu pia taṛṛinon Ghaṛṛaho Ruata see lai pande, apan botongnge iapamanarang kami mangatokku hatto indi;

MATIUS 22:16

Ne i mangitou nandolokku mallal᷊aṛṛenggenni mangitou ringannu Mawu Yesus su sambau ringannu manga pira taumata wuassu samba'an Herodes. Manga taumata udde nabbisara Mawu Yesus, “Iamangnga Huru, i yami masingkatta Iamangnga tawe mangawusu. Iamangnga mangngaṛṛa'a masema-semakka su ola'u apulun Ruata su taumata, tawe maddaringikka adapatti sai-sai. Ana waugu Iamangnga tawe mamile taumata.

AMSAL 31:10

Awingnga wawine apan pande masahadda paddeaanne; i tou maareganna wuassu intan berlianna.

IBRANI 11:2

Ana waugu pangangimanna, ne manga taumata su tempo nal᷊iu iaal᷊uassu Ruata.

1 TIMOTIUS 3:11

Awingngi mangitou lai ṛinone taumata mapia, wal᷊ine taumata apan taṛṛa watti'u wahia. I mangitou ṛinone masingkata mattuṛṛadana, wuṛṛu tawe mamahia su al᷊awo'u inolaanna.

2 KORINTUS 8:18

Suadio'a ringanni tou i yami nandolokku sangkatou tuṛṛangnga apan aadatannu anambon jamaatta ana waugu manarane mammasingkatu Watti'u Al᷊al᷊uassa wuassu Ruata.

2 SAMUEL 1:23

I Saul wuṛṛu i Yonatan, aroddi masaṛṛionto'a wuṛṛu arangnguanna; sidutu uaaukka sulal᷊ummu wiakka wuṛṛu papate; i mangitou mallihaṛṛanna wuassu manu'a garuda mattohasanna wuassu singa saṛṛentumuwo.

2 PETRUS 3:1

Manga tuṛṛangnga apan arangnguanna! Ete indi sura'u aruane si yamiu. Sulal᷊ummu suratta darua indi, ya'u mangke mappandumma mapaasabangu manga ṛingiranna apan mapia si yamiu.

DARALO 82:2

“Imbaṛṛangnga makkuungngu taumata ringannu mangngempe, wuṛṛu arie panamba'a taumata lal᷊eo.

ROMA 14:18

Taumata apan mangngimbe Kristus olangnge aroddi, taumata udde maal᷊uassa naungngu Ruata, wuṛṛu aadatannu taumata waine.