FILIPI 4:10 - WUKE SUSI WATTI'U AL᷊AL᷊USASSA

¹⁰ Sulal᷊ummu wia'u apan uaaukka ringannu Mawu, i ya'u naapendamma lal᷊umanna'a wahewa, ana waugu aroddite al᷊annune, orassa indi yamiu pia tempone lai maṛṛingiddu wadangku. Pandumangku wal᷊inewe manungku i yamiu naabul᷊i'ute; atonna i yamiu uanaungnga si ya'u, arawe i yamiu tawe maasomba tempone mapaal᷊iatta'u aakkanne.

FILIPI 4:10 Referans Kwoze

2 KORINTUS 11:9

Amungkangngu su tempo udde i ya'u sulal᷊ummu paa'asiangnga, i ya'u tawe mapaasusa saran sangkatou wuassu wallatti yamiu. Anambon apa apan pappandumangku suete nissaddian manga tuṛṛangnga apan nirumanta wuassu Makedonia. I ya'u uariaga mapia-pia tadea'u i ya'u tawe mapaasusan kamiu su al᷊awo'u inolaanna, wuṛṛu i ya'u sidutu uariaga tadea'u olangnge udde tawe mawal᷊u.

GALATIA 6:6

Taumata apan mannengkama al᷊aṛṛa'i Kristus, ṛinone mattahia ringannu hurune anambon apa apan mapia apan tatahuannanni tou.

FILIPI 1:3

Suapawe i ya'u maanaungnga si yamiu, i ya'u maadiangkamanna su Ruata.

GALATIA 6:10

Nariaddi, tantal᷊anna ta'e pia tempo si ite, ṛinone i ite ma'ola'a apapia su anambon taumata, nipangillembo su manga tuṛṛangngi ite apan sulal᷊ummu pangangimanna sambau.

2 KORINTUS 6:7

wuṛṛu ringannu mabbatti'a watti'u Ruata wuṛṛu ringannu taṛṛinon Duata, i yami mapaal᷊iatta'a manungku i yami indi allangngu Ruata. I yami uaagassa apulu Ruata maola'a ahiddi ami ipamangalo ara'e ipannohassa wadangngi yami.

DARALO 85:6

Sarangkal᷊o'engnge I'o massa'u si yami, wuṛṛu sidutu masa'u sara maṛṛawa mappulunna?

FILIPI 2:30

Su hunan manaran Kristus, i tou ete addio'a mate; i tou nanantillu niawane ipantul᷊ungku sulal᷊ummu arannu.

FILIPI 1:1

Manga tuṛṛangnga al᷊aṛṛana'u Ruata sarangkanambone apan uatana'a su Filipi, wuṛṛu apan uaaukke ringanni Kristus Yesus. Wuṛṛu manga tuṛṛangnga piaṛṛangnge see lai matatul᷊ungngu jamaatta! I ya'u, Paulus, suadio'a ringanni Timotius, manga allangngi Kristus Yesus,

HOSEA 14:7

I mangitou sarun mabbiakka wuṛṛu aatambanna naal᷊ihidda sasuanna apan maddanna su al᷊awo'u rannane, naal᷊ihidda punnu alu zaitun aṛṛamage hal᷊urune mawangngi ere punnu alu cemara!

2 TAWARIKH 31:8

Naasilo aonggola apan manambo udde, i Ratu Hizkia wuṛṛu mamanara araratuanne mammatuga Mawu, wuṛṛu naddalo tumana'u Israel, al᷊aṛanang-Nge.