FILIPI 3:7 - WUKE SUSI WATTI'U AL᷊AL᷊USASSA

⁷ Arawe ana waugu Kristus, ne sarangkanambone apan dorone sassunnangku sambau auntunganna, orassa indi naola'a sambau apan maarugi.

FILIPI 3:7 Referans Kwoze

LUKAS 14:33

Panginsueanne Mawu Yesus nabbisara, “Aroddi lai matataṛṛino si yamiu. Tawe saran sangkatou wuassi yamiu wotongnge maola'a mallal᷊aṛṛenggeng-Ku, amungkangngu i tou tawe manantillu al᷊awo'u darotongnge.”

MATIUS 16:26

Apa auntunganne su sangkatou taumata, amungkangngu ahewallu runia indi maola'a darotongnge arawe i tou awul᷊iannu wiakke? Wotongnge wiakka udde sal᷊iuannu sambau darotongnga?

LUKAS 14:26

“Amungkangngu taumata rumanta ringang-Ku, arawe lembo mandangngu inangnge, iamangnge, awingnge, al᷊aṛṛanangnge, manga tuṛṛangnge, lembonete ririne sassane, i tou tawe maola'a mallal᷊aṛṛenggeng-Ku.

AMSAL 13:8

Taumata ala ṛinone mapasabbangngu roinne tadea'u wiakke matammudda; taumata asingnga nal᷊iu wuassu hol᷊aga.

PANDARIADDI 19:17

Wua'udde sangkatou wuassu mala'ekatta udde nabbisara, “Tal᷊angke panal᷊amatte niawanu! Imbaṛṛangnga manaile liudda wuṛṛu imbaṛṛangnga mangillol᷊o su wawal᷊anne. Tal᷊angke watukku panenteanna, tadea'u i yamiu tawe mate!”

AYUB 2:4

Arawe i Mamamono'a sinumimbakka, “Niawa wuṛṛu apapian baddangnge maareganna wuassu darotongnga. Taumata wotongnge manantillu anambon tatahuananne sawal᷊iate i tou sidutu wiakka.

LUKAS 16:8

Ne mawu mangangadon roitta apan taṛṛa l᷊inga udde nadalo si tou ana waugu inolaanne apan mangngapande udde; ana waugu manga taumatan runia indi mappandeanna mangatokku manara mangitou wuassu mangatokku taumata apan mabbiakka sulal᷊ummu asasemakka.”

AMSAL 23:23

Al᷊aṛṛa'a apan atonna, apande, aehetta, wuṛṛu pasasunna – sarangkanambone udde wotongnge awallianna, arawe tumaniten maarega amungkangngu iwal᷊u'a.

PANDARIADDI 19:26

Arawe awingngi Lot nanaile liudde, ana see i tou nawal᷊u nabbal᷊i diṛṛin asimma.

WATTI'U MANGA RASUL 27:38

Napawe suete niumanna i mangitou namontollu luranna manga gandumma su tahal᷊oangnga tadea'u apalla maṛṛanna.

IBRANI 11:26

I Musa mammendama manungku maareganne marau i tou maasomba aal᷊uandaga ana waugu Ratum Punnu Sal᷊amatta apan pina'iren Ruata udde, wuassu maasomba al᷊awo'u darotongngu wanuan Mesir, ana waugu Musa uaantima lal᷊antake su allo murine.

MANNANASE 3:6

Ruata nanantunnu tempo maasomba wuṛṛu tempo awul᷊ianna, tempo mangngalludda wuṛṛu tempo mangnginsue,

MARKUS 10:50

Taumata wuta udde nallomboten jubahne, see nal᷊iha-l᷊ihakka nirumarisikka inaite ringannu Mawu Yesus.