FILIPI 1:7 - WUKE SUSI WATTI'U AL᷊AL᷊USASSA

⁷ Atonna su tampane i ya'u pia apendamma ereudde su saruanni yamiu, ana waugu i yamiu sarangkanambone sidutu marani su naungku. Ana waugu i yamiu lai suadio'a ringangku, nanengkamma al᷊amatta apan nionggolu Ruata si ya'u: mapia orassa indi tantal᷊anna i ya'u sulal᷊ummu tuttupanna ara'e lai su tempo i ya'u su liudde ana waugu mangngesakku Watti'u Al᷊al᷊uassa udde.

FILIPI 1:7 Referans Kwoze

2 KORINTUS 7:3

I ya'u mabbisara aroddi, wal᷊ine ana see mapasal᷊an kamiu. Ana waugu ere buatte niwisara'u paarorone, i yami lembon marangngu si yamiu wuṛṛu ete i ite sanggaweanna ma'oman sara mate.

FILIPI 1:5

I ya'u maadiangkamanna su Ruata ana waugu ro'en paarorone na'oman sara orassa indi, yamiu suete nallal᷊ima si ya'u mamasingkatu Watti'u Al᷊al᷊uassa wuassu Ruata.

2 TIMOTIUS 2:9

Ana waugu mabatti'u Watti'u Al᷊al᷊uassa udde, i ya'u natataṛṛangnga; ewe'e lai na'oman sara niṛṛapussa ere sangkatou taumata lal᷊eo. Arawe wisaran Duata tawe iaṛṛapussa.

KOLOSE 4:18

Tabea wuassia'u, Paulus. I ya'u sassane apan namoṛṛetu addoanne indi. Arie paabul᷊iane manungku i ya'u ta'e sulal᷊ummu tuttupanna! Doronganna Mawu mangal᷊amatta si yamiu. Tabea wuassi yami, Paulus

FILIPI 4:14

Arawe i yamiu suete nantul᷊ungku sulal᷊ummu asasusa'u; wuṛṛu apa apan niola'i yamiu udde atonna wuṛṛu mapia.

EFESUS 6:20

Ana waugu ete Watti'u Al᷊al᷊uassa udde, i ya'u naola'a sangkatou daroloṛṛanna, wuṛṛu orassa indi sulal᷊ummu tuttupanna. Aal᷊iomante tadea'u i ya'u waṛṛani mabbisara su ola'u Watti'u Al᷊al᷊uassa udde, su ereapa i ya'u ṛinone mabbisara.

EFESUS 3:1

Ana waugu udde i ya'u Paulus, nitaṛṛo su tuttupanna ana waugu Kristus Yesus maola'a hunan kamiu taumata wal᷊ine Yahudi.

WATTI'U MANGA RASUL 20:23

I ya'u tumba'u masingkatta manungku su al᷊awo'u soa, Ghaṛṛahon Ruata ringannu atonna mamasingkatta si ya'u manungku i ya'u sarun itaṛṛo su tuttupanna wuṛṛu sarun matataṛṛangnga.

1 YOHANES 3:14

I ite masingkata manungku i ite nal᷊iute wuassu papate, wuṛṛu nabbiakke apia. I ite masingkatu udde, ana waugu i ite u'akkannu sansul᷊ungngu taumata. Taumata apan tawe umakkana, atappasanne ta'e tataṛṛinoannu papate.

2 PETRUS 1:13

Tantal᷊anna i ya'u ta'e wiakka, i ya'u mangke mapaanaungngi yamiu su olangnge udde.

1 PETRUS 4:13

Ewe'e ṛinone i yamiu mamendama al᷊al᷊uassa ana waugu uatataṛṛanga suaddio'a ringanni Kristus. Ne napawe awawantugi Kristus niapaal᷊iatta'a, i yamiu sarun lumuassa.

IBRANI 3:1

Manga tuṛṛangnga sansul᷊ungnga Saṛṛani apan suete niwagoannu Ruata lai! Annama'a ṛingiṛṛa'a paalal᷊umma su ola'u Mawu Yesus indi! Ruata nandolokki Tou sassane maola'a Imam Wahewa sulal᷊ummu agama apan pangngimananni ite.

2 TIMOTIUS 1:8

Ana waugu udde arie masili mangonggolu tatiala su ola'u Mawun kite, wuṛṛu arie lai masili su ola'u riri'u, apan niṛṛuumanna ana waugu i Tou. Arawe ṛinone i'o ringannu atatohassa wuassu Ruata, sidutu sulal᷊ummu asasusa lai ana waugu Watti'u Al᷊al᷊uassa udde.

1 TESALONIKA 5:5

Tuṛṛanga sarangkanambone eteudde taumata apan mabbiakka sulal᷊ummu asasemakka; i yamiu nasutta su allo apan masemakka. I ite wal᷊ine taumata apan mabbiakka sulal᷊ummu araranduma, ara'e nasutta su ṛabbi apan marandumma.

KOLOSE 4:3

I yami lai aal᷊iomana'a tadea'u Ruata mangoggolu allo mapia si yami manal᷊iawukku watti'a su ola'a addapingingi Kristus. Ana waugu olangnge udde ne i ya'u orassa indi uatana'a sulal᷊ummu tuttupanna.

EFESUS 4:1

Ana waugu udde i ya'u – sangkatou taumatan ṛuumanna, apan nitaṛṛanganna ana waugu mangngimbe Mawu – sussal᷊ande si yamiu: pabbiakke uasulungngu ere io sangkatou taumata apan suete niwagoannu Ruata.

GALATIA 5:6

Ana waugu amungkangu i ite buatte naaukka ringanni Kristus Yesus, su ola'u tumuṛṛutta ara'e maddiri tumuṛṛutta atorannu sunatta tate maola'a sambau hatto lai. Lembon apianne tumba'u mangngimanna si Kristus, wuṛṛu udde nilumiatta'a sulal᷊ummu darangngun kite su taumata waine.

2 KORINTUS 3:2

Ete i'o sassane surattu daralon kami, apan uawoṛṛetta sulal᷊ummu naungngi yami apan wotongnge asingkatanna wuṛṛu iwasan taumata nambo.

1 KORINTUS 13:7

I tou maṛṛaddana sumaruanna al᷊awo'u wawono'a wuṛṛu maapulu mangngimanna apan apianne wuassu al᷊awo'u taumata; sulal᷊ummu olangnge apan tumaniten susa, taumata apan mandangngu udde tawe awul᷊iannu antimma wuṛṛu masabbare maṛṛado sarangkanambone apan sarun mariaddi.

1 KORINTUS 9:23

Sarangkanambone udde ta'u niola'a hunan Watti'u Al᷊al᷊uassa wuassu Ruata, tadea'u i ya'u lai al᷊amatanna.

WATTI'U MANGA RASUL 21:33

Piaṛṛangnge udde inaite ringanni Paulus see nanametta si tou, wuṛṛu nandolokku taumata niapaṛṛapussa si tou. Wua'udde piaṛṛangnge naiwal᷊o su ola'u isai i Paulus wuṛṛu apa apan suete niolangnge.

1 PETRUS 5:1

I ya'u maddorongnga aellegu manga piaṛṛa'u jamaannu. I ya'u namoṛṛeta indi, ere sangkatou tuṛṛangnga piaṛṛangnge wuṛṛu ere taumata apan suete naasilo sassane asasusan Kristus, wuṛṛu sarun wantuhanna lai suaddio'a, napawe awawantugi Kristus niapaasilote su taumata. I ya'u sumal᷊ande

FILIPI 1:12

I ya'u maapulu i yamiu maasingkata, manungku manga inolaanna apan suete nariaddi si ya'u, ewe'e naaola'a manambo taumata maddaringikka wuṛṛu mangngimanna Watti'u Al᷊al᷊uassa udde.

FILIPI 1:13

Pangillul᷊eanne, anambon mandariagga wal᷊en araratuanna wuṛṛu manga taumata su soa indi masingkata manungku i ya'u niṛṛuumanna ana waugu i ya'u mabbatti'i Kristus.

FILIPI 1:14

Wuṛṛu i ya'u niṛṛuumanna indi naatamba manga taumatan Saṛṛani su soa indi lembon mangngimanna lai Mawu, na'oman sara i mangitou lembon waṛṛani lai mamasingkatu tanatan Duata ringannu tawe matta'utta.

FILIPI 2:22

I yamiu sassane naasilote tialane manungku Timotius pia gunane. I tou suete nammanara maṛṛimadda ringangku mabatti'u Watti'u Al᷊al᷊uassa wuassu Ruata. Iambua naal᷊ihida ana'a wuṛṛu iamangnga.

FILIPI 4:3

Su hawe'u apan matuṛṛuta, i ya'u madorongnga lai tadea'u tuṛṛanga massumbala wawine darua udde. I mangitou suete nammanara maṛṛimadda ringangku mabatti'u Watti'u Al᷊al᷊uassa wuassu Ruata; ere lai Klemen wuṛṛu anambon taumata waine apan mammanara suadio'a ringangku. Manga aranni mangitou uawoṛṛetta sulal᷊ummu Wuken Taumata Wiakka.

FILIPI 4:15

Manga tuṛṛangnga taumatan Filipi! I yamiu sassane masingkata atonna manungku su tempo i ya'u nanantangngu Makedonia rorone, su tempo Watti'u Al᷊al᷊uassa udde niapasingkata paarorone, ete i yamiu sambau jamaatta apan nallal᷊ima si ya'u; i yamiu apan namendamma auntunganna wuṛṛu araruggi su sambau ringangku.

FILEMON 1:13

Ṛinone i ya'u pia apulu manaṛṛanga si tou ringangku maola'a hahantinu, tadea'u i tou wotongnge massumbala si ya'u, su al᷊annune i ya'u tataṛṛanganna sulal᷊ummu tuttupanna indi ana waugu mammasingkatu Watti'u Al᷊al᷊uassa wuassu Ruata.