EZRA 8:28 - WUKE SUSI WATTI'U AL᷊AL᷊USASSA

²⁸ I ya'u nabbisara su manga imam udde, “I yamiu niṛṛae hunan Mawu, Ruata apan sasubbannu iupungngu al᷊amonnan kite, aroddi lai al᷊awo'u saranapa sal᷊a'a wuṛṛu wul᷊awanna apan nionggolla su Mawu uddewe niṛṛae hunan Mawu.

EZRA 8:28 Referans Kwoze

YESAYA 52:11

Roote! Tantanga'e soan Babel, ei i yamiu apan uaapiddu aola'u wal᷊en Duata! Imbaṛṛangnga mangindinga saranapa tawe waresi, ukkasse watangannu tantal᷊anna taambe umamatta.

2 TAWARIKH 24:14

Napawe manara udde nasuete, wul᷊awanna wuṛṛu sal᷊a'a lambene nitantilla su Ratu wuṛṛu si Yoyada. Ana see wul᷊awanna wuṛṛu sal᷊a'a apan nipaatta pina'ola'a manga saranapa su Wal᷊en Mawu, erenai: saranapa ipappaatta su ipallaghu patataṛṛamawu, sasamba itattambunna, manga lama'a pangadoannu amania, wuṛṛu manga mangko. Su al᷊annune Imam Yoyada ta'e wiakka, sasamba itattambunna sidutu ia'onggola su Wal᷊en Mawu.

1 TAWARIKH 23:28

I mangitou ṛinone massumbala manga imam papapulunni Harun sulal᷊ummu mapaamattu lal᷊aghu patataṛṛamawu su Wal᷊en Mawu, mammaresi manga rallakka wuṛṛu manga wabbo'a su Wal᷊en Mawu udde, wuṛṛu mallu'adda tadea'u al᷊awo'u saranapa apan buatte niṛṛae hunan Mawu tawe luhuranna.

TAHIUL᷊E 33:8

Su ṛuanganni Lewi i tou nabbisara: “Ringannu Urim wuṛṛu Tumim, I'o mapal᷊iatta'u apulu-Nu, su taumatan Lewi, allang-Ngu apan matuṛṛutta. I'o buatte namono'a si mangitou su Masa, wuṛṛu uatatiakki mangitou su al᷊imatan ua'e su Meriba.

SASABANGNGA 35:29

Taumattan Israel sarangkanambone ringanu naungnga mal᷊uassa nangapiddu aonggoli mangitou su Mawu su ola'u manara apan nirolokku Mawu si Musa.

1 TAWARIKH 26:20

Manga taumata waine sulal᷊ummu ṛuanganni Lewi apan tinantil᷊annu manara mallu'adda saranapa su Wal᷊en Mawu wuṛṛu gudangnga panahipunanna manga aonggola su Ruata.