EZRA 8:20 - WUKE SUSI WATTI'U AL᷊AL᷊USASSA

²⁰ Wal᷊ine wua'udde pia 220 taumata mammanara su Wal᷊en Mawu apan aranne uawoṛṛetta. Al᷊amonan mangitou ro'en dorone nitantunni Ratu Daud wuṛṛu manga tembonannu araratuanna iapasumbala taumatan Lewi.

EZRA 8:20 Referans Kwoze

EZRA 2:43

Eteindi arannu wawosoannu amonannu manga mamamanara su Wal᷊en Mawu apan napul᷊e wuassu pamamuanganna: i Ziha, i Hasufa, i Tabaot, i Keros, i Siaha, i Padon, i Lebana, i Hagaba, i Akub, i Hagab, i Samlai, i Hanan, i Gidel, i Gahar, i Reaya, i Rezin, i Nekoda, i Gazam, i Uza, i Paseah, i Besai, i Asna, i Meunim, i Nefusim, i Bakbuk, i Hakufa, i Harhur, i Bazlut, i Mehida, i Harsa, i Barkos, i Sisera, i Temah, i Neziah wuṛṛu i Hatifa.

1 TAWARIKH 9:2

Suwallatti mangitou apan paarorone nebelengnga su leta'a pussa'a mangitou su manga soa, eteudde taumata wiasa, manga imam, taumatan Lewi wuṛṛu mammamanaran Wal᷊en Mawu.

FILIPI 4:3

Su hawe'u apan matuṛṛuta, i ya'u madorongnga lai tadea'u tuṛṛanga massumbala wawine darua udde. I mangitou suete nammanara maṛṛimadda ringangku mabatti'u Watti'u Al᷊al᷊uassa wuassu Ruata; ere lai Klemen wuṛṛu anambon taumata waine apan mammanara suadio'a ringangku. Manga aranni mangitou uawoṛṛetta sulal᷊ummu Wuken Taumata Wiakka.

EZRA 8:17

Wua'udde i mangitou ta'u nirolokka maisasomban Ido, tembonannu tumana'a su Kasifya, ringannu darorongnga tadea'u Ido wuṛṛu hawene mammanara su Wal᷊en Mawu, mangirimma si yami manga taumata mangimbe su Wal᷊en Mawu.

EZRA 8:19

Hasabya wuṛṛu Yesaya wuassu wawosoanni Merari, ringannu daruan pul᷊o su atoune tuṛṛangngi mangitou, niiringnga lai si yami.

REENGANNA 3:9

Wuassu walahannu Israel, tumba'u ṛuanganni Lewi apan Ta'u niapamanara sidutu maola'a mangangimben i Harun wuṛṛu papapulunne.