EZRA 6:18 - WUKE SUSI WATTI'U AL᷊AL᷊USASSA

¹⁸ Wua'udde su pangangimbe su Wal᷊en Mawu i mangitou nangatokku tahia su manga imam see manga taumatan Lewi tumuṛṛuttu atoranna apan uawoṛṛetta sulal᷊ummu buken Musa.

EZRA 6:18 Referans Kwoze

REENGANNA 3:6

“Doloṛṛa'e ṛuangannu Lewi rumanta sumaruanna, wuṛṛu pilete i mangitou mabbal᷊i mangangimben i Harun.

1 TAWARIKH 24:1

I Harun pia siri appatta ana'a esakka: i Nadab, i Abihu, i Eleazar wuṛṛu i Itamar. I Nadab wuṛṛu i Abihu dorone nate wuassu iamangngi mangitou ringannu tawe ana'a. Ana waugu udde i Eleazar wuṛṛu i Itamar manga tuṛṛangngi tarua naola'a imam. I Daud nattahia papapulunni Harun sulal᷊ummu wageangnge tumuṛṛuttu manaran mangitou. Sulal᷊ummu manara pattatahia udde i Daud nilal᷊imanni Zadok papapulunni Eleazar wuṛṛu i Ahimelekh papapulunni Itamar.

REENGANNA 3:9

Wuassu walahannu Israel, tumba'u ṛuanganni Lewi apan Ta'u niapamanara sidutu maola'a mangangimben i Harun wuṛṛu papapulunne.

1 TAWARIKH 25:1

Su ipamiaṛṛa'u manga lal᷊aghu patataṛṛamawu, i Ratu Daud wuṛṛu manga piaṛṛa'u taumatan Lewi namile manga ṛuanganni Lewi manansunna indi: i Asaf, i Heman wuṛṛu i Yedutun. I mangitou manarane mammasingkattu tanatan Duata ringannu musikku kecapi, gambus wuṛṛu simbal. Su ipamiaṛṛa'u patataṛṛamawu ringannu lal᷊aghune sambau-sambau, nipile ammul᷊annu taumata manansunna indi:

2 TAWARIKH 7:6

Manga imam uarisikka su tampane apan tinantunna si mangitou; uasasaruannu taumatan Lewi apan tantal᷊anna maddalo Mawu ringannu mannalangnga musikka apan nilanginni Ratu Daud, lapiddu mangngantari aantari “Darangngu-Ne saran mal᷊annu-l᷊annu!” uasul᷊ungngu ere buatte nirolokki Daud. Manga imam nattiuppa trompeta tantal᷊anna tumanangnge sarangkanambone uarisikka.

2 TAWARIKH 35:10

Napawe sarangkanambone apan ipaatta su ramean Paskah nariahite, manga imam wuṛṛu manga ammul᷊annu taumatan Lewi nanganu tampane sambau-sambau ere buatte nirolokku ratu.