EZRA 6:16 - WUKE SUSI WATTI'U AL᷊AL᷊USASSA

¹⁶ Wua'udde ringannu lullala'a manga taumatan Israel, manga imam, manga taumatan Lewi wuṛṛu anambon taumata wua niwuangnga nanenegu Wal᷊en Mawu udde.

EZRA 6:16 Referans Kwoze

2 TAWARIKH 7:5

Su sasamban paddarame i Salomo nangonggolu 22.000 sapi wuṛṛu 120.000 domba. Etearoddi ratu wuṛṛu tumanangnge sarangkanambone nallaghu pananantillu wal᷊en patataṛṛamawuanna udde su Mawu.

1 MARARATU 8:63

Hunan sasamban paddarame i Salomo nangonggolla 22.000 sapi wuṛṛu 120.000 domba. Etearoddi ratu wuṛṛu anambon tumanangnge na'ola'a lal᷊aghun patatenegu Wal᷊en Mawu.

FILIPI 4:4

Antimanna i yamiu sidutu lulluassa ana waugu i yamiu suete nabbiakka su sambau ringannu Mawu. Paassa lai ya'u mabbisara: lalluasse!

YOHANES 10:22

Su Yerusalem manga taumata tantal᷊anna mallaggun Allo Wahewa Manattakka Sumutta su Wal᷊e Mawu. Tempo udde runia masunge.

DARALO 122:1

Aantarin patatembon Daud. I ya'u lulluassa napawe taumata mabbisara si ya'u, “Wette i ite inaite watukku Wal᷊en Mawu!”

EZRA 6:22

Pitu allo al᷊annune i mangitou ringannu lullala'a mallagu Ramean Roti Tawe Ragine. I mangitou lembon lulluassa ana waugu Mawu buatte na'ola'a ratun Asyur mapia naungnge si mangitou na'oman sara nassumbala si mangitou sulal᷊ummu manara napararisikku apia Wal᷊en Mawu, Ruatan Israel.

NEHEMIA 7:73

Manga imam, manga taumatan Lewi, manga mandariagga sasuttanna su Wal᷊en Mawu, manga mangangantari, manambo wuassu tumanangnge wiasa, manga mamanara su Wal᷊en Mawu, aunne anambon tumana'u Israel, namanuate su manga soa wuṛṛu manga ampungnga su Yehuda.

EZRA 4:1

Watti'a manungku manga taumata wua niwuangnga udde tantal᷊anna ma'ola'a Wal᷊en Mawu, Ruatan Israel, niaringiṛṛannu seettu taumatan Yerusalem wuṛṛu Benyamin.

2 TAWARIKH 30:26

Soa Yerusalem tumaniten marame, ana waugu ro'en i Salomo ana'i Daud uaparenta, taambe saran paassa pia arariadianna ereudde.

2 TAWARIKH 30:23

i mangitou sarangkanambone nakkawessa manassu ramea udde 7 allo lai. Ana see i mangitou naddameate apia ringannu lulluassa.

1 TAWARIKH 15:28

Anambon taumatan Israel inaite tinumantalongnga Wantallu Paaire naddatingngu Yerusalem ringannu aintul᷊i lullala'a, tingikku trompeta, nafiri, simbal wuṛṛu kecapi.

1 TAWARIKH 9:2

Suwallatti mangitou apan paarorone nebelengnga su leta'a pussa'a mangitou su manga soa, eteudde taumata wiasa, manga imam, taumatan Lewi wuṛṛu mammamanaran Wal᷊en Mawu.

TAHIUL᷊E 12:7

Isudde lai, su saruannu Mawu Ruatanu, i yamiu suadio'a ringannu amonannu ṛinone umanna wuṛṛu lulluassu inasaharannu apan pia gessine ana waugu nial᷊amatannu Mawu Ruatanu.

NEHEMIA 12:43

Su allo udde manambo sasamba apan nionggolla su Mawu. Tumana'a lullala'a ana waugu Ruata buatte na'ola'a si mangitou su lal᷊umanna'a. Manga wawine wuṛṛu al᷊aṛṛana'a lai suaddio'a maandeangnga, wuṛṛu tingikki mangitou apan lulluassa iaaringikka saran marau.

NEHEMIA 8:10

Orassa indi apul᷊ete; ante wuṛṛu pa'inumpe ringannu lullala'a. Onggol᷊a'e sambageanganna wuassu anna wuṛṛu anggorenu si mangitou apan awussa. Allo indi allo apan niṛṛae su Mawu kite, nariaddi arie paasusa. Al᷊al᷊uassa apan nionggollu Mawu si yamiu sarun manohassa si yamiu.”

1 MARARATU 8:62

Wua'udde Ratu Salomo wuṛṛu anambon taumata apan uasemodda isudde nangonggollu sasamba su Mawu.

DANIEL 5:13

Ringanni mal᷊ihakka Daniel niapadda sinumaruanna ratu. Ana see ratu naiwal᷊ote si tou, “Ete i'o Daniel, taumatan Yahudi niwuangnga, apan buatte niapiddu iamangku wuassu leta'u Yehuda?

2 TAWARIKH 29:30

Ratu wuṛṛu matatimmadu wanua nandolokku manga taumatan Lewi niapaantari iaparalo Mawu eteudde manga daralo apan niaṛṛa'i Daud wuṛṛu Nabi Asaf. Anambon taumata mangngantari ringannu lulluassa lapiddu niumal᷊intudda massubba Ruata.

NEHEMIA 12:27

Sutempo darandungngu soa Yerusalem nilaghu, manga taumatan Lewi niwaggoanna wuassu al᷊awo'u tampa tatanaanni mangitou, tadea'u isudde lai maddamean arariaddianna udde ringannu manga aantari aadiangkamanna, wuṛṛu ringannu musikku gambus wuṛṛu kecapi.