EZRA 6:14 - WUKE SUSI WATTI'U AL᷊AL᷊USASSA

¹⁴ Nisumbalannu manga nabi Hagai wuṛṛu Zakharia, manga piaṛṛa'u Yahudi nanassu bangunannu Wal᷊en Mawu udde. I mangitou mal᷊ihakka nanginsue bangunannu udde uasul᷊ungngu parentan Duatan Israel wuṛṛu parentan Kores, Darius wuṛṛu Artahsasta, manga ratun Persia udde.

EZRA 6:14 Referans Kwoze

EZRA 7:1

Manga pira tonna wua'udde, sutempo Artahsasta uaparenta naola'a ratun Persia, pia sangkatou esakka aranne Ezra, wuassu papapulunni Imam Mawantuga Harun. Akkittu pallaṛṛitene wua bowa ire'e eteudde ere manansunna indi: i Ezra i Seraya i Azarya i Hilkia

EZRA 5:13

Wua'udde i Kores naola'a ratun Babel wuṛṛu su tonna paarorone i tou uaparenta, i tou napassabbangngu parenta tadea'u ma'ola'a apia Wal᷊en Mawu udde.

EZRA 4:24

Manara su Wal᷊en Mawu buatte niillol᷊o wuṛṛu tate nisassu na'oman sara tonna aruane pamamarentan Darius, ratun Persia.

ZAKARIA 4:9

Wisara-Ne, “I Zerubabel buatte nangaddon rapappakku Wal᷊e-U, wuṛṛu i tou sarun manginsue ahewallu wal᷊en udde. Napawe udde mariaddi, uma-U sarun maasingkatta manungku ete i Ya'u apan nandolokku Zakaria ringanni mangitou.

HAGAI 1:8

Orassa indi, saate watukku manga wuidda pangal᷊appa alu, wua'udde ola'e Wal᷊e-U; ne i Ya'u sarun maapendamma al᷊al᷊uassa wuṛṛu i Ya'u sarun subbanna apia ringannu olangnge apan suṛṛinone. Annama'e, panutukka olangngu!

YESAYA 44:28

Ete i Ya'u apan nabbisara si Kores, ‘Ete i'o apan mamarenta uma-U, wuṛṛu mapaamattu anambon apulu-Ku. Parentaite tadea'u Yerusalem olaanna apia, wuṛṛu Wal᷊en Mawu isarite rapappake.’ ”

EZRA 4:3

Arawe Zerubabel, Yesua wuṛṛu manga tembonannu wawosoanna sinumimbakka, “I yami tawe mappandumma sasumbala wuassi yamiu ipandarisikku Wal᷊en Mawu Ruatan kami. I yamite mapararisikka sassane ere su parentan Kores, ratun Persia, si yami.”

EZRA 3:8

Ne su wul᷊anna aruane, sulal᷊ummu tonna aruane napawe taumatan Israel nabbelengke watukku Yerusalem, i mangitou mannattakke ma'ola'a apia Wal᷊en Mawu. Zerubabel, Yesua wuṛṛu manga hawen mangitou sambalahanna, manga imam, taumatan Lewi, aunne, anambon taumata wua niwuangnga, mammanara abbi. Manga taumatan Lewi apan uukke 20 su tonnane ire'e nita'e iapariagga manara paaola'a Wal᷊en Mawu udde.

EZRA 5:1

Sutempo udde ruan katau nabi, eteudde Hagai wuṛṛu Zakharia ana'i Ido, mannattakke mabbisara ringannu arannu Ruatan Israel su taumatan Yahudi su Yerusalem.

EZRA 5:2

Naaringikka wisaran nabi darua udde, Zerubabel ana'i Sealtiel wuṛṛu Yesua ana'i Yozadak lapiddu na'ola'a apia pandararisikku Wal᷊en Mawu su Yerusalem, nilal᷊imannu nabi darua udde.

HAGAI 1:1

Su tonna aruane i Ratu Darius uaparenta su Persia, su allo paarorone wul᷊ana iaannumme, Mawu nabbisara ringannu nappaatti Nabi Hagai. Tanatan Mawu udde iwuna'a si Zerubabel ana'i Sealtiel, gubernuren Yehuda, wuṛṛu su Imam Bahewa Yosua ana'i Yozadak.

ZAKARIA 1:1

Su wul᷊anna aual᷊une sulal᷊ummu tonna aruane sutempo i Ratu Darius uaparenta Persia, Mawu namasingkattu tanata indi si ya'u, Nabi Zakaria ana'i Berekhya wuṛṛu pulunni Ido.

ZAKARIA 1:16

Orassa indi i Ya'u mabbelengke su Yerusalem tadea'u mangonggollu pangangampunga su soa udde. Wal᷊e-U sarun iapararisikka apia wuṛṛu soan Yerusalem sarun isul᷊e apia.”

ZAKARIA 8:9

Mawu nabbisara su uman-Ne, “Paatohasse naungngu! Orassa indi i yamiu ma'aringikka manga wisara apan buatte niwisara lai manga nabi sutempo rapappakke niaddo, ipabbangunna apia Wal᷊e-U.

EZRA 6:3

“Su tonna paarorone sutempo i Ratu Kores uaparenta, i tou napaasabbangngu parenta tadea'u Wal᷊en Mawu su Yerusalem olaanna apia maola'a tampan taumata mangngapiddu sassamba wuṛṛu panambunannu sasamba. Atanggakku Wal᷊en udde ṛinone 27 metere wuṛṛu al᷊alakke 27 metere lai.

EZRA 6:8

Suaddio'a ringannu suratta indi i ya'u mamarenta manga tuṛṛangnga tadea'u massumbala si mangitou sulal᷊ummu manara udde ringannu olangnge indi: Anambon bawaekku bangunanna ṛinone anuanna wuassu roittu wosen araratuanna su propinsi Efrat Waṛṛatta wuṛṛu ṛinone iawaekka su manga taumata udde ringannu tawe iasoṛṛotta.

EZRA 9:9

Sutempo i yami ta'e su patataṛṛuallanga, I'o tawe nanantangngi yami. I'o na'ola'a si yami raddangnguannu manga ratun Persia wuṛṛu niwala mabbiakka see na'ola'a apia Wal᷊en-Nu apan ete winal᷊alanna udde. I'o nangongonggolla si yami atanaanna isindi, su Yehuda wuṛṛu Yerusalem.

NEHEMIA 6:15

Pangangapia darandungnga udde niumanna tempo al᷊annune 52 su allone, wuṛṛu nasue su allo darua pul᷊o l᷊ima wul᷊anna Elul.