EZRA 2:58 - WUKE SUSI WATTI'U AL᷊AL᷊USASSA

⁵⁸ Wawosoanna amonannu manga mamanara su Wal᷊en Mawu apan nabbelengnga wuassu pamamuanganna anambone 392 suatoune.

EZRA 2:58 Referans Kwoze

1 TAWARIKH 9:2

Suwallatti mangitou apan paarorone nebelengnga su leta'a pussa'a mangitou su manga soa, eteudde taumata wiasa, manga imam, taumatan Lewi wuṛṛu mammamanaran Wal᷊en Mawu.

YOSUA 9:27

Arawe i mangitou niola'a allanga eteudde mallaṛṛappo alu wuṛṛu mamasanna ua'en taumatan Israel wuṛṛu mezbah Mawu. Na'oman sara orassa indi i mangitou ta'e mammanara manara udde su tampa apan nipile Mawu maola'a tampa patataṛṛamawuanna su Mawu.

YOSUA 9:23

Ana waugu inolaanni yamiu aroddi, Ruata maṛṛuumanni yamiu. Walahannu sidutu maola'a allanga, mallaṛṛappo alu wuṛṛu mamamasanna ua'e su Wal᷊en Duata'u.”

YOSUA 9:21

Nariaddi wala'e aroddi, i mangitou mabbiakka, arawe i mangitou olaanni ite mallaṛṛappo alu wuṛṛu mamamasanna ua'en kite sarangkanambone.” Ete aroddi darolokku manga piaṛṛange udde.

NEHEMIA 7:60

Anambon papapulunnu manga mamanara su Wal᷊en Mawu wuṛṛu manga mangangimben Salomo apan napul᷊e wuassu pamamuanganna sarangkanambone 392 suatoune.

EZRA 2:59

Manga taumata apan nanantangngu manga soa Tel-Melah, Tel-Harsa, Kerub, Adan wuṛṛu Imer, anambone 652 suatoune. I mangitou nasutta wawosoannu amonanni Delaya, Tobia wuṛṛu Nekoda, arawe i mangitou tawe pinangiananne mamasingkatta manungku i mangitou udde papapulunnu walahannu Israel.

1 MARARATU 9:20

Su manara iwabbata'a arae paksa udde i Salomo napasabbangngu manga taumata papapulunnu taumatan Amori, Het, Feris, Hewi wuṛṛu Yebus. I mangitou uddewe papapulunnu walahannu Kanaan apan tawe niapaten taumatan Israel abbi sutempo i mangitou napanganu wanua udde. Naddatingngu orassa indi papapulunni mangitou ta'e naola'a allangnga.

MANNANASE 2:7

I ya'u uatahuanna manambo allangnga, mawae apan ta'u niwallianna, aroddi lai apan nasungkangnga su wal᷊e'u. winatangnga papaddul᷊ianangku mannamboanna wuassu anambon winatangngu taumata apan buatte natana'a su Yerusalem.