EZRA 10:5 - WUKE SUSI WATTI'U AL᷊AL᷊USASSA

⁵ Ne Ezra nanattakke mammanara. I tou nandolokku manga imam tembonanne, manga taumatan Lewi wuṛṛu manga taumatan Israel waine nassalu manungku i mangitou sarun mapaamattu darorongngi Sekhanya udde.

EZRA 10:5 Referans Kwoze

NEHEMIA 13:25

Ta'u nitaguanna wuṛṛu ta'u niwontohanna i mangitou. Piaddu ta'u nipuulla wuṛṛu niṛṛahotta utangnge. Wua'udde i mangitou ta'u nirolokka massalu ringannu arannu Ruata manungku i mangitou wuṛṛu al᷊aṛṛana'i mangitou tate maawingnga apia ringannu walahanna waine.

NEHEMIA 5:12

Manga piaṛṛa'a udde sinumibakka, “Tatantiro udde sarun iamatti yami. I yamiu sarun mangule sarangkanambone wuṛṛu tawe maddorongnga wawaekke saran addio'a wuassi mangitou.” Ana see i ya'u namaggo manga imam wuṛṛu ta'u nirolokka manga piaṛṛa'a tanginna massalu su saruannu manga imam udde, manungku apa apan buatte niwisaran mangitou udde, atonna-tonna sarun iapaamatti mangitou.

MATIUS 26:63

Arawe Mawu Yesus mal᷊annaba. Paassa lai imam bahewa nabbisara si Tou, “Ringannu arannu Ruata apan wiakka, Wal᷊oa'e si yami apa ete I'o Ratum Punnu Sal᷊amatta, Ana'u Ruata?”

AMSAL 27:9

Su ereapa lana mawangngi wuṛṛu manga wawangngi maal᷊uassa naungnga, aroddi lai apapian hawe maal᷊uassa naungnga.

AMSAL 15:23

Manga wisara apan niwisara naṛṛino sutempone, mandantan al᷊al᷊uassa.

AMSAL 9:9

Amungkangngu i'o managu taumata pande, i tou sarun maola'a nangillembo apandene. Wuṛṛu amungkangngu matuṛṛutta Ruata udde aṛṛaannu, asingkanne sarun aatambanna.

AMSAL 1:5

Ringannu manga tatantiro indi taumata pande lai sarun aatambanna asingkanne, wuṛṛu taumata apan pia si'ol᷊ane sarun maasomba aehetta.

NEHEMIA 10:29

I yami sarangkanambone naammulla ringannu manga piaṛṛa'i yami wuṛṛu nassalu tadea'u sidutu mabiakka tuttuṛṛutta titan Duata apan buatte nionggollu Mawu si Musa, allang-Nge. Antimanna Ruata mamontogga si yami amungkangngu i yami tawe nanipussu paaire indi. I yami nassalu sarun mapaamattu al᷊awo'u parenta, tita wuṛṛu atorannu Mawu, Ruatan kami.

EZRA 10:3

Wette i ite massalu su Ruata, manungku i ite sarun mallimbuakka anambon wawine udde suaddio'a ringannu manga anangnge. I yami sarun tumuṛṛutta al᷊awo'u tatantironu see tatantiron manga taumata waine apan mangngaddatta parentan Duata. I yami sarun tumuṛṛutta Titan Duata.