EZRA 10:11 - WUKE SUSI WATTI'U AL᷊AL᷊USASSA

¹¹ Ana waugu udde, panga'ute rosanu su saruannu Mawu, Ruata sassubannu iupungngu al᷊amonan kite, wuṛṛu pa'ola'e pallalagu apan maal᷊uassa naung-Ne. Panginduaten taumata raho apan uatana'a su wanuan kite wuṛṛu limbuaṛṛete mangaawingngu wawine wuassu walahanna raho udde.”

EZRA 10:11 Referans Kwoze

ROMA 12:2

Imbaṛṛangnga mattanno apulun dunia indi. Wala'e Ruata mandiaddi ririnu maola'a wakku, tadea'u i yamiu pia awawal᷊u. Ringannu aroddi yamiu wotongnge maasingkata apulun Duata – eteudde apa apan mapia wuṛṛu apan maal᷊uassa naung-Nge wuṛṛu apan nasuungnga.

AMSAL 28:13

Isai apan mammunin dosane tawe mauntungnga. Isai manga'u wuṛṛu manantangngu rosa, sarun dangnguannu Mawu.

EZRA 10:3

Wette i ite massalu su Ruata, manungku i ite sarun mallimbuakka anambon wawine udde suaddio'a ringannu manga anangnge. I yami sarun tumuṛṛutta al᷊awo'u tatantironu see tatantiron manga taumata waine apan mangngaddatta parentan Duata. I yami sarun tumuṛṛutta Titan Duata.

YOSUA 7:19

I Yosua nabbisara si Akhan, “Ana'u, panga'ute wuṛṛu wal᷊oa'e uahahati isindi su saruannu Mawu Ruatan Israel, sarangkanambone apan buatte niolangu. Wal᷊oa'e si ya'u, arie pabbunia'a.”

KOLOSE 1:10

Ringannu aroddi yamiu wotongnge mabbiakka tuttuṛṛuta apulun Duata, wuṛṛu sidutu malluassa naugnge, na'oman sara sulal᷊ummu al᷊awo'u inolaanna i yamiu wotongnge mamasilo manga inolaanna apan mapia. Wuṛṛu asingkati yamiu su ola'u Ruata sarun aatambanna lai.

2 KORINTUS 6:17

Ana waugu udde, tantanga'e manga taumata apan tawe maaillal᷊a Ruata udde, wuṛṛu pattingkaṛṛaeten batangannu wuassi mangitou. Arie paa'aukka ringannu apa apan maarantinna ne i ya'u sarun manengkamma si yamiu.

YEREMIA 3:13

Panga'ute manungku i'o nassala wuṛṛu buatte nilumawangnga su saruannu Mawu, Ruatanu. Panga'ute manungku su al᷊ungngu suapan punnu alu apan mappaṛṛampunga i'o buatte namatu'a apulunu su manga mawun balahanna waine, wuṛṛu tawe tumuṛṛutta manga parenta-U. I Ya'u, Mawu buatte nabbisara.”

YESAYA 56:4

Mawu nabbisara si mangitou, “Amungkangngu i yamiu mallaghun allon Sabatta, amungkangngu i yamiu satia su pa'aire-U wuṛṛu inolaannu maal᷊uassa naung-Ku,

DARALO 32:5

Ana see i ya'u nanga'ute rosa'u Si'o, pasasal᷊a'u taweddu ta'u niwuni. I ya'u nakkawessa, sarangkanambone a'uanna Si'o, ne I'o nangampunga rosa'u.

NEHEMIA 13:3

Sutempo walahannu Israel naaringikka udde, i mangitou nattingkaṛṛae anambon taumata raho wuassu tumana'u Israel.

EZRA 9:1

Napawe sarangkanambone udde buatte niapaamatta, manga pira matatimmaddu walahannu Israel nirumanta ringangku. I mangitou namasingkatta manungku tumana'u Israel, nasutta lai manga imam, wuṛṛu manga taumatan Lewi tawe maṛṛaen batanganne wuassu manga walahanna apan uatana'a maranine isudde, eteudde walahannu Amon, Moab, Mesir, Kanaan, Het, Feris, Yebus, wuṛṛu Amori. Ewe'e lai manga imam wuṛṛu manga taumatan Lewi na'ola'a aroddi. I mangitou sarangkanambone na'ola'a manga pallal᷊agu apan maarantinna apan a'olaannu manga walahanna udde.

IBRANI 13:21

Antimanna Ruata punnu paddarame udde manuungngi yamiu ringannu al᷊awo'u apapia apan pappandumanni yamiu ipa'ola'a apulu-Ne. Antimanna ringannu tatangngannu Mawu Yesus i Kristus, Ruata mammanara sulal᷊ummu naungngi ite, apa apan ipaapulu-Ne. Ṛinone Kristus raloanna saran mal᷊annu-l᷊annu! Amin.

YOHANES 9:24

See i mangitou namago apia taumata apan tanginna wuta udde, wuṛṛu nabbisara si tou, “Passalute manungku i'o mabbisara su ṛinone. I yami masingkatta taumata udde taumata marosa.”

2 TAWARIKH 30:22

Manga taumatan Lewi apandene mamiaṛṛa'u patataṛṛamawu su Mawu, na'oman sara i Hizkia naddalo si mangitou. Napawe pitute allo al᷊annune i mangitou u'anna wiakku ramea udde see lai nangonggolu sasamba aadiangkamanna su Mawu, Ruatan al᷊amonan mangitou,

EZRA 10:10

Wua'udde Ezra dirumarisikka wuṛṛu nabbisara si mangitou. I tou nabbisara, “I yamiu narosate wuṛṛu nanamba lai pasasal᷊an Israel ringannu naawingngu wawinen balahanna waine.

EZRA 10:12

Manga taumata udde sinumimbakka ringannu ma'ikkatta, “I yami sarun tumuṛṛutta tatantironu.”

YEHEZKIEL 18:30

Mawu Apan Atanggaṛṛanne nabbisara, “Ei manga taumatan Israel, i Ya'u sarun makkuungngu suapan taumata uasul᷊ungngu inolaanne. Awal᷊ute wuassu manga rosanu. Arie pabbala'a rosanu makkimunsa'a watangannu.