EZRA 10:10 - WUKE SUSI WATTI'U AL᷊AL᷊USASSA

¹⁰ Wua'udde Ezra dirumarisikka wuṛṛu nabbisara si mangitou. I tou nabbisara, “I yamiu narosate wuṛṛu nanamba lai pasasal᷊an Israel ringannu naawingngu wawinen balahanna waine.

EZRA 10:10 Referans Kwoze

MATIUS 23:32

Amungkangngu aroddi sidutua'e wuṛṛu insuete manga rosa apan suete tinattakku iupungngu al᷊amonang kamiu udde!

EZRA 9:6

I ya'u nabbisara, “Oh Ruata'u, i ya'u indi massili mamatti'u pua'u su saruan-Nu. Rosan kami mangke ua'ombo su puan kami na'oman sara nangeṛṛetta langitta.

2 TAWARIKH 28:13

I mangitou nabbisara, “Imbaṛṛangnga mangapiddu manga taumata niatawanna udde inawarendi! I ite narosate su saruannu Mawu, wuṛṛu manga rosan kite tumaniten manambo tadea'u ipakkuumanni ite. Orassa indi yamiu tumba'u na'ola'a sambau inolaanna apan tumba'u maatamba pasasal᷊an kite.”

REENGANNA 32:14

Lumawangnga ere manga iamangngu! I yamiu atonna ammul᷊annu manga taumata marosa apan ma'ola'a asasa'un Mawu nangillembo su walahannu Israel!

EZRA 10:9

Napawe tallu allo nal᷊iudde, su allo daruan pul᷊o wul᷊anna assione, anambon taumata esakka apan uatana'a su wageangngu leta'a Yehuda wuṛṛu Benyamin nirumanta watukku Yerusalem wuṛṛu naammulla su rallakku Wal᷊en Mawu. Sutempo udde uranna nangansalla ringannu masassagga. Awadaalla mangngiladdu asasunge hatin banua wuṛṛu ana waugu ammul᷊anna udde tumaniten mahuna.

EZRA 10:11

Ana waugu udde, panga'ute rosanu su saruannu Mawu, Ruata sassubannu iupungngu al᷊amonan kite, wuṛṛu pa'ola'e pallalagu apan maal᷊uassa naung-Ne. Panginduaten taumata raho apan uatana'a su wanuan kite wuṛṛu limbuaṛṛete mangaawingngu wawine wuassu walahanna raho udde.”

EZRA 9:14

Nariaddi, ereapa wotongnge i yami tawe maddaringikka manga parenta-Nu lai wuṛṛu maawingngu ringannu manga taumata apan lal᷊eo udde? Amungkangngu i yami ma'ola'a udde, I'o sarun masa'u na'oman sara makkimunsa'a si yami wuṛṛu tawe mamalan saran sangkatou wiakka.