EZRA 10:1 - WUKE SUSI WATTI'U AL᷊AL᷊USASSA

¹ Tantalanna Ezra u'al᷊iomanna lapiddu lulluai wuṛṛu mangnga'u rosa su saruannu Wal᷊en Mawu, manambo atonna taumatan Israel naammulla, mawae esakka, aroddi lai wawine wuṛṛu al᷊aṛṛana'a. I mangitou uapal᷊iwutta si tou lapiddu lulluai ma'ikka-ikkatta.

EZRA 10:1 Referans Kwoze

DANIEL 9:20

I ya'u sidutu u'al᷊iomanna wuṛṛu mangnga'u rosa'u wuṛṛu rosan balahangku Israel, see sinumal᷊ande su Mawu Rutta'u tadea'u mamelengngu wal᷊e-Ne apan susi.

DARALO 119:136

Allommata'u mangngelekka ere sal᷊ukka, ana waugu tita-Nu tawe tuṛṛutanna.

ROMA 9:2

I ya'u tumanite massusa wuṛṛu naungku uatataṛṛanga sansara

LUKAS 19:41

Su tempo Mawu Yesus maraniten Yerusalem, wuṛṛu naasilote soa udde, i Tou nilumuain Yerusalem.

NEHEMIA 8:9

Naaringikka pabbawasan Tita udde, tumanangnge nabbal᷊i lembon natuno, ana see nilumuai. Ne gubernure Nehemia wuṛṛu Imam Ezra mapapanden Tita udde, see manga taumatan Lewi apan nanal᷊a'an Tita udde, nabbisara su anambon tumanangnge arendi, “Allo indi allo apan niṛṛae su Mawu Ruatanu, nariaddi arie masusa ara'e lumuai.

ZAKARIA 12:10

Wua'udde papapulunni Daud see tumana'u Yerusalem sarun Ta'u onggol᷊annu naungnga masingkatta umakkanna wuṛṛu mappulu umal᷊iomanna. I mangitou sarun ma'ellega si tou apan buatte niusu'i mangitou wuṛṛu lumallu ere taumata lulluain anangnge man sambau. I mangitou sarun lumallu ringannu sussangitta, naal᷊ihidda ere taumata apan niawul᷊iannu ana'a pahul᷊u.

NEHEMIA 10:28

I yami, tumana'u Israel, manga imam, manga taumatan Lewi, manga mandariagga ngara wahewalla su Wal᷊en Mawu, manga mananalangnga musikka wuṛṛu manga mamanara su Wal᷊en Mawu, wuṛṛu awingnga see al᷊aṛṛana'i yami apan saṛṛentumuwo wuṛṛu maasunnate see anambon taumata apan matuṛṛutta titan Duata wuṛṛu buatte naṛṛaen batanganne wuassu taumata raho apan uatana'a su wanuan kami.

2 TAWARIKH 20:9

manungku amungkangu i mangitou iṛṛuumanna ana waugu rosan mangitou, wuṛṛu i mangitou naṛṛiaannu pangalo, sa'itta, ara'e ṛutumma, i mangitou wotongnge rumanta ringan-Nu, wuṛṛu rumarisikka su saruannu wal᷊en patataṛamawuanna indi. Sulal᷊ummu asasusan mangitou, i mangitou wotongnge umal᷊iomanna Si'o, wuṛṛu I'o sarun maddaringikka wuṛṛu umontolla si mangitou.

HOSEA 14:2

Pabbelengke ringannu Mawu Ruatanu, ei walahannu Israel! Rosanu buatte naaola'a si yamiu mattambal᷊ioso wuṛṛu nanawo.

YEREMIA 13:17

Amungkangngu i'o tawe maddaringikka, i ya'u sarun lumuai tawe tingikke. Ringannu apendamma massusa ta'u luaianna awawunganu udde. Allo mata'u mangngelekka ana waugu umattu Mawu niapidda naola'a atawanna.

YEREMIA 9:1

Apiawe eteapa amungkangngu pua'u ere paṛṛihi apan napeneng kua'e, wuṛṛu mata'u ere sal᷊ossogga apan sidutu mangngelekka! Ne i ya'u wotongnge lumuai allo wuṛṛu ṛabbi, lullalu manga taumata sambalahangku apan nipaten ro'appa.

DARALO 32:5

Ana see i ya'u nanga'ute rosa'u Si'o, pasasal᷊a'u taweddu ta'u niwuni. I ya'u nakkawessa, sarangkanambone a'uanna Si'o, ne I'o nangampunga rosa'u.

1 MARARATU 9:3

Mawu nabbisara si tou, “Aal᷊iomannu buatte Ta'u niraringiṛṛanna, wuṛṛu ringannu indi wal᷊en apan buatte naiapararisikku indi Ta'u isaggo tampa al᷊aṛṛaene hunan patataṛṛamawuanna si Ya'u saran mal᷊annu-l᷊annu. I Ya'u sidutu ua'ellega wuṛṛu ual᷊u'adda tampa indi.

WATTI'U MANGA RASUL 21:5

Arawe napawe nasuete tempone i yami uatana'a isudde, i yami nanantangngi mangitou, wuṛṛu i yami nanassukku amatanni yami. I mangitou sarangkanambone ringannu anangnge wuṛṛu awingnge nanguntudi yami sara liuddu soa. Poiaroddi su winggin apanne, i yami sarangkanambone inumal᷊intuda see inumal᷊iomanna.

WATTI'U MANGA RASUL 10:30

I Kornelius sinumimbakka, “Tallu allo nal᷊iu, iraṛṛangngo su tempo ereindi, i ya'u tantal᷊anna u'al᷊iomanna su wal᷊e puulla tatallu wawallo. Inaṛṛombanganne sangkatou esakka nirumarisikka su saruangku. Laubbu taumata udde sussal᷊ol᷊otta.

2 TAWARIKH 20:13

Tantal᷊anna udde anambon esakku Yehuda su sambau ringannu awingnge wuṛṛu al᷊aṛana'i mangitou su Wal᷊en Mawu.

TAHIUL᷊E 31:12

Doloṛṛa'e manga esakka, wawine wuṛṛu al᷊aṛṛana'a ana see lai taumata raho apan uatana'a su manga soanu ma'ammulla wuṛṛu maddaringikka pabbawawasa udde, tadea'u i mangitou masingkatta mangaddata Mawu Ruatanu wuṛṛu matammudda tuttuṛṛutta manga parenta-Ne.

MATIUS 3:6

I mangitou nanga'u manga rosa mangitou, see i Yohanes nanaṛṛanite si mangitou su Sal᷊ukku Yordan.

EZRA 10:6

Napawe i mangitou nassalu, Ezra nanantangken saruannu Wal᷊en Mawu wuṛṛu sinumutta su tampa tatanaanni Yohanan ana'i Elyasib wuṛṛu nanaṛṛabbi isudde. I tou maddiri umanna ara'e ma'inumma ana waugu massusa maṛṛingiddu inolaannu manga taumata niwuangnga udde.

NEHEMIA 1:4

Naaringikka watti'a udde, i ya'u niuma'ianna wuṛṛu nilumuai. Manga pira allo al᷊annune naungku massusa. I ya'u sidutu mappuasa lapiddu u'al᷊imonna su Ruata,

NEHEMIA 1:6

Pa'ellege si ya'u oh Mawu, wuṛṛu daringiṛṛewe aal᷊iomanna apan ta'u iruitta su saruan-Nu allo wuṛṛu ṛabbi hunan umattu Israel, manga allang-Ngu udde. I ya'u manga'u manungku i yami, umattu Israel, manga allang-Ngu udde. I ya'u manga'u manungku i yami, umattu Israel, buatte na'ola'a rosa; i ya'u wuṛṛu manga al᷊amona'u buatte na'ola'a rosa lai.

YOSUA 7:6

I Yosua wuṛṛu manga piaṛṛa'u ṛuangannu Israel mangke massusa na'oman sara i mangitou nanggesa'a laubbi mangitou, wuṛṛu su al᷊o'engngu allo maddatingu ṛabbi i mangitou u'al᷊intudda su saruannu Wantalu Pa'aire Mawu ringannu nangaddon awu su pua mangitou maola'a sambau tatiala massusa.

YOSUA 8:35

Al᷊awo'u parenta Musa niwasan i Yosua su anambon taumatan Israel apan uasemodda isudde; nasutta wawine, al᷊aṛṛana'a wuṛṛu manga taumata raho apan uatana'a ringanni mangitou.