EZRA 1:6 - WUKE SUSI WATTI'U AL᷊AL᷊USASSA

⁶ Anambon al᷊indonganni mangitou lai massumbala ringannu nangonggollu al᷊awo'u saranapa, erenai manga perkakassa sal᷊a'a wuṛṛu wul᷊awanna, wal᷊unna su amatanna, winatangnga pallurananna, darotongnga waine wuṛṛu manga sasamba hunan Wal᷊en Mawu.

EZRA 1:6 Referans Kwoze

2 KORINTUS 9:7

Suapan taumata ṛinone mangonggola tumuṛṛuttu al᷊al᷊uassu naungnge. Arie i tou mangonggola ringannu uapapadua ara'e ipabbawata'a, ana waugu Ruata mandangngu taumata apan mangonggola ringannu naungnga mal᷊uassa.

DARALO 110:3

Su allo apan rumanta ringannu taṛṛino, su wuidda apan susi, tumana'u soanu sarun inai ringannu naungnga mal᷊uassa. Naal᷊ihidda angngukka sutempo marua allo, manga umbasanna rumantate ringannu.

EZRA 8:33

Wua'udde su allo aiappanne i yami inaite watukku Wal᷊en Mawu, ana see nanimbangngu sal᷊a'a, wul᷊awanna wuṛṛu manga saranapa udde. Wua'udde i yami nanantilla si Imam Meremot ana'i Uria ringannu aellehanni Eleazar ana'i Pinehas wuṛṛu ruan katou taumatan Lewi, eteudde Yozabad ana'i Yesua wuṛṛu Noaja ana'i Binui.

EZRA 1:4

Amungkangngu pia sangkatou uman-Ne su tampan pamamuanganna indi apan maddorongnga sumbala tadea'u wotongnge mapul᷊e, ne manga al᷊indonganne ṛinone massumbala. I mangitou ṛinone mangonggollu si tou sal᷊a'a wuṛṛu wul᷊awanna. Wal᷊unna su amatanna see manga winatangnga pallurananna, wuṛṛu lai manga sasamba hunan Wal᷊en Mawu su Yerusalem.”

NEHEMIA 6:9

I mangitou maananamma mammata'utta si yami tadea'u i yami mangillol᷊o manara udde. I ya'u niumal᷊iomanna, “Oh Ruata, tohassawe i ya'u!”

YESAYA 35:3

Tohassawe ta'iakka apan lome, uattawe wu'u apan huggolle.

SASABANGNGA 12:35

I mangitou lai tinumuṛṛutta apa apan niwal᷊o i Musa, eteudde madorongnga manga lal᷊ogakka wul᷊awanna wuṛṛu sal᷊a'a wuṛṛu laubbu manga taumata Mesir.

SASABANGNGA 12:36

Mawu na'ola'a naungngu taumata Mesir masaṛṛionto'a su taumatan Israel, na'oman sara i mangitou nangonggolu al᷊awo'a apan raddorongannu taumatan Israel. Ringannu olangnge udde taumatan Israel nangapiddu pa'a'alan taumata Mesir sinumabbangnga wuassu wanua udde.

1 TAWARIKH 29:9

Tunanangnge nangonggolla ringannu naungnga mal᷊uassa su Mawu wuṛṛu i mangitou lullala'a ana waugu manambote aonggoli mangitou. I Ratu Daud lembon lullala'a lai.

DARALO 106:46

I Tou na'ola'a si mangitou raddangnguannu anambon taumata apan nanawanna si mangitou.