EZRA 1:4 - WUKE SUSI WATTI'U AL᷊AL᷊USASSA

⁴ Amungkangngu pia sangkatou uman-Ne su tampan pamamuanganna indi apan maddorongnga sumbala tadea'u wotongnge mapul᷊e, ne manga al᷊indonganne ṛinone massumbala. I mangitou ṛinone mangonggollu si tou sal᷊a'a wuṛṛu wul᷊awanna. Wal᷊unna su amatanna see manga winatangnga pallurananna, wuṛṛu lai manga sasamba hunan Wal᷊en Mawu su Yerusalem.”

EZRA 1:4 Referans Kwoze

1 TAWARIKH 29:3

Ewe'e lai ana waugu ahewallu naungku su Wal᷊en Mawu udde, i ya'u lai buatte nanantillu sal᷊a'a wuṛṛu wul᷊awanna pussaa'u sassane:

GALATIA 6:2

Ṛinone i yamiu uatatul᷊ungnga uapasanna winabbawan taumata waine tadea'u ringannu aroddi yamiu tuttuṛṛuta parentan Kristus.

WATTI'U MANGA RASUL 24:17

Napawe pirate tonna tawe uatana'a su Yerusalem, i ya'u nabelengke apia su Yerusalem nangapiddu sasumbala roitta su pabbawala'u wuṛṛu nangapiddu aonggolla sasamba su Ruata.

1 TAWARIKH 29:17

I ya'u masingkatta I'o mannal᷊u'atta naungngu taumata wuṛṛu maapulun taumata apan naungnge waresi. Ringannu asasaṛṛionto'a wuṛṛu al᷊al᷊uassu naungnga sarangkanambone indi ta'u ionggolla Si'o. I ya'u buatte na'ellega ereapa al᷊aṛṛanang-Ngu apan uasemodda isindi uaapiddu aonggolli mangitou Si'o ringannu al᷊al᷊uassu naungnga.

1 TAWARIKH 29:9

Tunanangnge nangonggolla ringannu naungnga mal᷊uassa su Mawu wuṛṛu i mangitou lullala'a ana waugu manambote aonggoli mangitou. I Ratu Daud lembon lullala'a lai.

SASABANGNGA 35:29

Taumattan Israel sarangkanambone ringanu naungnga mal᷊uassa nangapiddu aonggoli mangitou su Mawu su ola'u manara apan nirolokku Mawu si Musa.

EZRA 1:3

Antimanna Ruata mallu'adda si yamiu sarangkanambone apan naola'a uman-Ne. I yamiu ṛinone mapul᷊e watukku Yerusalem wuṛṛu mapararisikku apia Wal᷊en Mawu, Ruatan Israel, Ruata apan uatana'a su Yerusalem.

EZRA 1:5

Wua'udde manga tembonannu bawosoanna wuassu ṛuanganni Yehuda wuṛṛu Benyamin, manga iman wuṛṛu manga taumatan Lewi, wuṛṛu suapan taumata apan naungnge nial᷊oren Duata, nandiahite inai mapul᷊e watukku Yerusalem wuṛṛu mapararisikku apia Wal᷊en Mawu.

2 TAWARIKH 31:14

Kore ana'i Yimna, sangkatou taumatan Lewi apan naola'a tembonannu mandariaga su Ngara Wahewallu Ra'i su Wal᷊en Mawu, tinantil᷊annu manara mannengkamma manga aonggola apan ia'onggola su Mawu ana see i tou lai nattahiate.

EZRA 9:15

Mawu, Ruatan Israel! I'o matul᷊idda, salaiwe aroddi I'o namalan kami wiakka. I yami tawe su tampane sumaruanna aṛṛa'uan-Nu.”

YESAYA 10:21

Lambene addio'a walahannu Israel sarun mawal᷊u su Ruata apan matohassa.