ESTER 9:18 - WUKE SUSI WATTI'U AL᷊AL᷊USASSA

¹⁸ Arawe taumatan Yahudi apan uatana'a su Susan nallaghun allo appul᷊one l᷊ima maola'a allo wahewalla, ana waugu i mangitou buatte namate seetta su allo appul᷊one tallu wuṛṛu appul᷊one appatta, ana see nangillol᷊o su allo appul᷊one tallu wuṛṛu appul᷊one appatta, ana see nangillolo su allo appul᷊one l᷊ima.

ESTER 9:18 Referans Kwoze

ESTER 9:21

Lal᷊oṛṛon suratta udde eteudde parenta mallaghu allo appul᷊one appatta wuṛṛu appul᷊one l᷊ima wul᷊anna Adar suapan tonna.

ESTER 9:15

Nariaddi su allo appul᷊one appatta wul᷊anna Adar, manga taumatan Yahudi su Susan naammulla apia wuṛṛu namate 300 suatoune lai su soa udde. Wuṛṛu paassa indi lai i mangitou tawe nangaṛṛo.

ESTER 9:13

Ester sinumibakka, “Amungkangngu Tuangnga mal᷊uassa, ṛinone taumatan Yahudi matana'a su Susan indi tiṛṛabbi marua allo iwala manul᷊e apia apa apan buatte niolangnge su allo indi. See lai, ṛinone winal᷊unannu manga ana'i Haman ihantongnga su manga diṛṛin panggantonganna.”

ESTER 9:1

Panginsueanne nia'omante allo appul᷊one tallu wul᷊anna Adar, eteudde allo apan nitantunna mapaamattu parentan datu su manga taumatan Yahudi. Allo udde laṛṛaddoannu manga seettu walahannu Yahudi tadea'u mamaddon balahanna udde. Arawe wutte'e ete taumatan Yahudi apan namaddon mangitou.

ESTER 9:11

Su allo udde lai taumata namasingkatta su ratu anambon manga taumata apan niapate su Susan.

ESTER 8:11

Manga suratta udde mammasingkatta manungku ratu namalan taumatan Yahudi su al᷊awo'u soa tadea'u massanggal᷊oma wuṛṛu manahekku watanganne. Napawe i mangitou pangaloannu manga taumata pia lutangnge wuassu al᷊awo'u walahanna wuṛṛu propinsi, i mangitou wotongnge lumawangnga wuṛṛu mamate manga mamangalo udde suaddio'a ringannu awingnge wuṛṛu al᷊aṛṛanangnge; i mangitou wotongnge maṛṛata manga seenne udde ma'oman sara masue see manganu darotongnge.

ESTER 9:2

Suapan soa, manga taumatan Yahudi naammulla wuṛṛu nassanggal᷊oma tadea'u mamangalo anambon taumata pia pandumma lal᷊eo su saruanni mangitou. Manga walahanna su al᷊awo'u tampa nabbal᷊i matta'utti mangitou na'oman sara tawe saran sangkatou apan waṛṛani sumaruanna si mangitou.