ESTER 8:16 - WUKE SUSI WATTI'U AL᷊AL᷊USASSA

¹⁶ Taumatan Yahudi naapendamma matamudda wuṛṛu mal᷊uassa, mal᷊angnganna wuṛṛu lullala'a.

ESTER 8:16 Referans Kwoze

DARALO 97:11

Semakka nilumapputte su taumata apan naungnge matul᷊idda, wuṛṛu lal᷊uassa su taumata apan mabbiakka su ṛinone.

AMSAL 11:10

Soa maṛṛamaga amungkangngu taumata matul᷊idda maasomba wiakke; tumana'u soa lullala'a napawe taumata lal᷊eo nate.

DARALO 18:28

Taumata apan naungnge mawawo I'o nanal᷊amatta, arawe taumata mawunga niapasuṛṛubawa-Nu.

YESAYA 35:10

Manga taumata apan nipallossu Mawu sarun mapul᷊e; i mangitou sumuttate soan Yerusalem ringannu u'ui, hati mangitou matilangnga ana waugu lal᷊umanna'a awasa. I mangitou sarun lumuassa wuṛṛu lumala'a; asasusa wuṛṛu sasal᷊iomanna mangke nawul᷊ite.

DARALO 112:4

Semakka lukkena sulal᷊ummu ararandumma su taumata mapia, su taumata apan matul᷊idda, marangngu wuṛṛu maakkanna.

ESTER 9:17

Arariaddianna udde nariaddi su allo mapul᷊o tallu wul᷊anna Adar. Allo manansunna, su allo appul᷊one appatta, i mangitou tawe namate sisai-sai, ewe'e nallaghun allo udde ringannu lullala'a.

ESTER 4:16

“Ammul᷊a'e anambon taumatan Yahudi apan uatana'a su Susan tadea'u umal᷊iomangku. Imbaṛṛangnga umanna wuṛṛu ma'inumma al᷊annune tallu allo tallu ṛabbi. I ya'u sassane wuṛṛu manga maṛṛuala mangangimbe'u sarun mappuasa lai. Wua'udde i ya'u sumaruante ratu, salaiwe udde lumawangnga atoranna. Amungkangngu i ya'u ṛinone mate ana waugu udde, wala'e i ya'u mate!”

DARALO 118:27

Mawu uddewe Ruata, i Tou naungnge masaṛṛionto'a si ite. Inaite amatte suadio'a ringannu rannan kalu aagasanna, wuṛṛu pamal᷊iwutte mezbah Mawu.

DARALO 30:12

Lal᷊uai'u buatte niwal᷊u-Nu nabbal᷊i sal᷊aingu al᷊al᷊uassa, I'o nangal᷊appa asasusa'u wuṛṛu I'o nanuungngu al᷊al᷊uassa si ya'u.

AMSAL 28:12

Amungkangngu taumata mapia uaparenta, anambon taumata mal᷊uassa, amungkangngu taumata lal᷊eo uaparenta, tumana'u soa ma'imbuni.