ESTER 8:15 - WUKE SUSI WATTI'U AL᷊AL᷊USASSA

¹⁵ Wua'udde Mordekhai nanantangngu wal᷊en araratuanna ringannu nalluṛṛen laubbu awawantuga kalurene ma'elomma wuṛṛu mawira, juba ungu wuassu linen al᷊ussa wuṛṛu mahkota wul᷊awanna apan maṛṛansangnga atonna. Soa Susan huggio ana waugu lulluassa.

ESTER 8:15 Referans Kwoze

ESTER 3:15

Manga daroloṛṛanna nasasaṛṛawutta nanguntuddu manga suratta udde su anambon propinsin araratuanna. Wuassu darolokku ratu, parenta udde nial᷊iata lai su Susan, inangngu soan Persia. Wua'udde ratu wuṛṛu Haman ua'iante lapiddu ma'inumma anggore, arawe soa Susan niṛṛumindu'a ana waugu watti'a udde.

LUKAS 16:19

“Pia sangkatou ala. Peddenne mangkasagada aregane wuṛṛu wiakke mannampal᷊iu apiane su miallo-miallo.

AMSAL 29:2

Amungkangngu taumata mapia mamarenta, lal᷊oṛṛon soa mal᷊uassa. Arawe amungkangngu taumata lal᷊eo uaparenta, tumana'u soa uatataṛṛangnga.

ESTER 1:6

Rallakku wal᷊en araratuanna nilogaṛṛannu gorden wuassu mal᷊aṛṛenessa linen ma'elomma wuṛṛu mawira, niwa'issu tali linen al᷊ussa wuṛṛu ni'aitta su manga hal᷊asangnga sal᷊a'a apan ua'ele su manga diṛṛi pualan. Su al᷊ungnge niaddo manga rosobba wul᷊awanna wuṛṛu sal᷊a'a su wowon apampakku wal᷊en apan nilogaṛṛannu pualam mawira, hablur maṛṛammu, lammannu mutiara apan sussal᷊ol᷊otta wuṛṛu watu pirus ma'elomma.

MATIUS 11:8

I yamiu inai ma'ellega apa? Sangkatou apan uapedetta mapia? Manga taumata apan uapedetta aroddi uatana'a su tampan araratuanna!

MATIUS 6:29

arawe Ratu Salomo apan pa'a'alane aroddi anambone, tawe uapedetta ere al᷊aṛṛamagu manga wunga udde!

ESTER 6:11

Ana see Haman nanganu laubba wuṛṛu awal᷊o udde see niluṛṛe si Mordekhai. Napawe Mordekhai uasa'ete awal᷊o udde, Haman nangapiddi tou namal᷊iwutta niumamattu lapangannu soa, lapiddu mangngintul᷊i, “Pa'ellege, etearendi ratu mangngonggollu awawantuga su taumata apan aaddatanne!”

ESTER 5:1

Su allo atallune i tou nappuasa, Ester nalluṛṛen laubbu wo'ine, ana inaite watukku rallakku lal᷊ummu wal᷊en araratuanna wuṛṛu dirumarisikka su saruannu ngaran balairung. Ratu tantal᷊anna ua'ianna su adderan araratuanna uasaruanna ngara udde.

ESTER 5:11

Ana see i Haman mammahiate si mangitou wuṛṛu mammungaten paa'alane, pangkanne wahewalla apan nionggollu ratu, wuṛṛu pangkanne apan marau mattangngaṛṛanne wuassu manga mamanara waine.

ESTER 8:14

Ne manga daroloṛṛanna udde inaite ringannu uasa'e awal᷊o pussa'an datu. Wuṛṛu lai su Susan inangngusoan araratuanna, parenta udde niwasa.

ESTER 10:2

Al᷊awo'u inolaanne apan wahewalla wuṛṛu maatiangnga, wuṛṛu lai manga watti'a nasuungnga su ereapa i tou nanenegi Mordekhai naola'a tembonanne, niwoṛṛetta sulal᷊ummu buken watti'u manga ratun Persia wuṛṛu Media.

AMSAL 11:10

Soa maṛṛamaga amungkangngu taumata matul᷊idda maasomba wiakke; tumana'u soa lullala'a napawe taumata lal᷊eo nate.

AMSAL 28:12

Amungkangngu taumata mapia uaparenta, anambon taumata mal᷊uassa, amungkangngu taumata lal᷊eo uaparenta, tumana'u soa ma'imbuni.