ESTER 8:1 - WUKE SUSI WATTI'U AL᷊AL᷊USASSA

¹ Su allo udde Ratu Ahasyweros nangonggolla si Wo'i Ester al᷊awo'u darotongngi Haman, seettu taumatan Yahudi ahewal᷊anne. Ester namasingkatta ratu manungku Mordekhai tuṛṛungnge sidutu, ne nanattakka orassa udde Mordekhai nionggol᷊annu taṛṛino amungkangngu sumaruanna ratu salaiwe tawe waggoanna dorone.

ESTER 8:1 Referans Kwoze

ESTER 2:7

I tou pia tuṛṛangnga sidutu, sangkatou maṛṛuala apan hatine maṛṛamagga wuṛṛu awangnge maṛṛansangnga, aranne Ester, ewe'e arannu Ibrani isassaggo Hadasa. Hagurangngi Ester natete wuṛṛu i tou naola'a ana'a ampitti Mordekhai wuṛṛu nibbuwunna ere ana'a suṛṛiwa.

AMSAL 13:22

Taumata mapia mannantangngu pussa'ane su ana'a pulunne; paa'alan taumata marosa sahipunanna maola'a tatahuannu taumata apan matul᷊idda wiakke.

ESTER 2:15

Ne nia'omante hiliranni Ester inai sumaruanna ratu. – Ester uddewe ana'i Abihail tuṛṛangngi Mordekhai apan buatte nangampitta si tou maola'a anangnge sassane; Ester itattiangnga suapan taumata ma'ellega si tou. Sutempo i tou inaite sumaruanna ratu, Ester nappeddeta tumuṛṛuttu atokka wuṛṛu tatantiron Hegai, tembonannu wal᷊en araratuannu wawine.

DARALO 39:6

Aroddi al᷊ihakke I'o nanantunnu auuṛṛangku! Ete Si'o al᷊o'engngu pabbiaṛṛangku tawe gunane. Atonna, taumata naal᷊ihidda sasabbangu singangu,

LUKAS 12:20

Arawe Ruata nabbisara si tou, ‘Ei taumata woddo! Ṛabbi indi lai i'o sarun mate, see isai sarun manahuanna paa'ala apan suete niammullu hunam badangngu?’

ESTER 7:6

Ester sinumimbakka, “Haman apan lal᷊eo indi seetta wuṛṛu mandal᷊al᷊eo si yami!” Ringannu tumaniten matta'utta Haman na'ellega ratu wuṛṛu wo'i.

AMSAL 28:8

Isai nabbal᷊ite ala ana waugu nanganu bungane wuṛṛu maddea'a auntunganne manambo-nambo, paa'alane sarun manawo su taumata apan maakannu taumata asiangnga.

ESTER 1:14

Manga mananantiro apan masokka waggoannu ṛatu eteudde: Karsena, Setar, Admata, Tarsis, Meres, Marsena wuṛṛu Memukan. I mangitou uddewe manga tembonannu Persia wuṛṛu Media apan pia aiananne matanggakka su araratuanna.

ESTER 8:7

Ne unni Ratu Ahasyweros si Wo'i Ester wuṛṛu Mordekhai, “Atonna, i ya'u buatte nanggatongngi Haman ana waugu i tou pia pandumma mamate taumatan Yahudi, wuṛṛu darotongnge buatte ta'u nionggolla si Ester.