ESTER 4:1 - WUKE SUSI WATTI'U AL᷊AL᷊USASSA

¹ Sutempo Mordekhai naaringikka apa apan buatte nariaddi, i tou nanggesa'a laungnge wuṛṛu nalluṛṛen laubba karongnga tatialan massusa. I tou nanal᷊iawukku awu su puane, ana see niumamatta su soa lapiddu lulluai ringannu ma'ikkatta wuṛṛu massusa.

ESTER 4:1 Referans Kwoze

DANIEL 9:3

Wua'udde i ya'u inumal᷊iomante ringannu atonna-tonna su Mawu Ruata, wuṛṛu sinumal᷊ande aakkan-Ne. I ya'u lai nappuasa wuṛṛu nalluṛṛen laubba karongnga see niuma'ianna su awu.

AYUB 42:6

Ana waugu udde i ya'u massili mannaungnga al᷊awo'u wisara'u wuṛṛu ringannu sussasilla i ya'u niuma'ianna sulal᷊ummu awu wuṛṛu leta'a.”

2 SAMUEL 13:19

Ana see i Tamar nangaddon awu su puane, wuṛṛu nanggesa'a jubane, ana see niumamatta lapiddu uataappa hatine ringannu limane ruan ba'a, lapiddu lulluai.

2 SAMUEL 1:11

Naaringikka watti'a udde i Daud nanggesa'a laungnge ana waugu massusa, wuṛṛu anambon tantarane na'ola'a aroddi lai.

AYUB 2:8

See i Ayub niuma'ianna maranin undu'u sapadda wuṛṛu nanganu pesangngu saṛṛuminanna ipaaṛṛo wadangnge.

WATTI'U MANGA RASUL 14:14

Napawe i Barnabas wuṛṛu i Paulus naaringikka apa apan niola'u taumata nambo udde, i mangitou nanggesa'a manga laungnge lapiddu tuttal᷊angnga su pattangngannu awada'alla udde see u'al᷊iata,

MATIUS 11:21

“Nasilakate yamiu Korazim! Wuṛṛu nasilakate lai yamiu, Betsaida! Unnu wisara manga al᷊aṛṛindu'a apan niola'a su pattangnganni yamiu suete niola'a su Tirus wuṛṛu Sidon, asinungka manga taumata poiaroddi mal᷊annute nawal᷊u wuassu paddarosa mangitou wuṛṛu suete nalluṛṛen laubbu massusa, see nandenoten awu su pua mangitou.

ZEFANYA 1:14

Allon pallaṛṛuungngu Mawu maranite, ore, marani-ranite, manungku sarun dumanta ringannu mal᷊ihakka. Allo udde napenen atataddu'a, na'oman sara manga tantara apan atohasanne lai sarun sumal᷊iomanna ana waugu niasueannu ṛingidda!

MIKHA 1:8

Ana waugu udde i ya'u, Mikha, massusa naungnga wuṛṛu sussal᷊iomanna. I ya'u sarun umamatta ringannu tawe laubba wuṛṛu tawe sapatu tadea'u iapal᷊iatta'a aroddi asusane naungku. I ya'u sarun tumawanna ere asun ahuranganna wuṛṛu maggontol᷊anna, ere manu'a unta.

YEHEZKIEL 21:6

Ei taumata apan mattate, sassal᷊iomante wuṛṛu pa'uarete su saruannu manga taumatan Israel, ereola'u i'o massusa wuṛṛu tawe antimma.

YESAYA 58:5

Napawe i yamiu mappuasa, i yamiu mannansara watangannu, i yamiu uaru'uttu puanu ere rongngan wal᷊abbuka. I yamiu mammilattu kaingnga karongnga wuṛṛu mannal᷊iawukku awu, see natiilla rosone. Eteudde apan isassaggon kami mappuasa? Sunannu i Ya'u mal᷊uassa su inolaanni yamiu udde?

YESAYA 22:4

Imbaṛṛangnga ma'innunu si ya'u; wala'e i ya'u lumuai manga taumata wuassu pabbawala'u apan natete. Arie maannamma maminalatta si ya'u.

YESAYA 15:4

Taumatan Hesybon wuṛṛu taumatan Eleale maggontol᷊anna, wuṛṛu tingikki mangitou aaringiṛṛanna sara Yahas. Ewe'e lai manga tantara mangngiladda; i mangitou niawul᷊ianten awawaṛṛani.

AYUB 1:20

Ana see i Ayub dirumarisikke wuṛṛu nanggesa'a laungnge tatialan massusa. I tou nallunggukka puane, ana see niumal᷊intudda

ESTER 4:3

See lai su al᷊awo'u propinsi, manga taumatan Yahudi nilumallu napawe parentan datu udde nial᷊iata. I mangitou ual᷊uṛṛen laubba karongnga wuṛṛu ual᷊allowangnga su awu.

YOSUA 7:6

I Yosua wuṛṛu manga piaṛṛa'u ṛuangannu Israel mangke massusa na'oman sara i mangitou nanggesa'a laubbi mangitou, wuṛṛu su al᷊o'engngu allo maddatingu ṛabbi i mangitou u'al᷊intudda su saruannu Wantalu Pa'aire Mawu ringannu nangaddon awu su pua mangitou maola'a sambau tatiala massusa.

PANDARIADDI 27:34

Napawe i Esau naaringikka udde, i tou nilumuai ringannu ma'ikkata wuṛṛu napenen asasusa, ana see wisarane, “Al᷊amate lai ya'u, Papa!”

SONDAPPA 11:3

I Ya'u sarun mandolokku ruang katou tiala-U apan ual᷊uṛṛem peddeta ilallal᷊o, wuṛṛu i mangitou sarun mamasingkatu watti'u Ruata al᷊annune 1260 su allone.”

ESTER 4:2

Su saruannu ngara wahewallu araratuanna i tou nattaalla, ana waugu taumata apan ual᷊uṛṛen laubba karongnga imbaṛṛangnga sumutta.

PANDARIADDI 37:34

I Yakub nanggesa'a laungnge ana waugu massusa wuṛṛu nalluṛṛen laubbu lalal᷊o. Aroddi al᷊annune i tou lulluain anangnge udde.

YESAYA 37:1

Sutempo udde i Ratu Hizkia naaringikka aalae wuassu siri tallu taumata udde, i tou nanggesa'a laungnge wuṛṛu nalluṛṛen karongnga tatiala massusa, wua'udde i tou inaite su Wal᷊en Mawu.

YESAYA 37:2

Wua'udde i tou nandolokki Elyakim tembonannu wal᷊en araratuanna, i Sebna mamamoṛṛettu araratuana wuṛṛu manga imam apan pia pangkanne inai maisasomba Nabi Yesaya, ana'i Amos. I mangitou lai nalluṛṛen karongnga.

YEHEZKIEL 21:11

Hal᷊ele udde niasa tadea'u sidutu nasaddiate ipaatta ana see itantilla su sangkatou taṛṛa pototta.