ESTER 1:22 - WUKE SUSI WATTI'U AL᷊AL᷊USASSA

²² I tou nangirimmu suratta su anambon propinsin araratuanna, sulal᷊ummu sasinaukka wuṛṛu woṛṛettu propinsi udde sambau-sambau. Parenta udde tingikke manungku sulal᷊ummu suapan amonanna, ete esakka apan ṛinone maola'a tembonanne, wuṛṛu sarun wotongnge manganu al᷊awo'u iaappuanne.

ESTER 1:22 Referans Kwoze

ESTER 8:9

Su allo udde lai, eteudde su allo 23 wul᷊anna atallune, wul᷊anna Siwan, Mordekhai namaggo manga mamamoṛṛettu ratu wuṛṛu namarenta si mangitou mamoṛṛettu suratta su manga gubernure, manga bupati wuṛṛu manga tembonanne watukku 127 propinsi, wuassu India maddatingngu Sudan. Manga suratta udde niwoṛṛetta sulal᷊ummu sasinaukka wuṛṛu woṛṛettu manga propinsi udde sambau-sambau. I tou lai nangirimmu suratta udde su taumatan Yahudi sulal᷊ummu sasinaukka wuṛṛu woṛṛettu Yahudi.

ESTER 3:12

Ne su allo appul᷊one tallu wul᷊anna paarorone, Haman namaggo manga mamamoṛṛettu ratu. I mangitou nirolokki tou niapawoṛṛettu suratta uasul᷊ungngu al᷊awo'u apa apan niparentane, ana see suratta udde nitappassa sulal᷊ummu anambon sasinaukka wuṛṛu nisal᷊inna su anambon woṛṛetta apan ipappaatta su araratuanna udde. Suratta udde niwoṛṛetta ringannu aranni Ratu Ahasyweros wuṛṛu nicappannu sinsingnge, ana see niiringnga ringannu mal᷊ihakka su manga tembonanne, gubernure wuṛṛu ahewal᷊anne su anambon propinsi. Lal᷊oṛṛone eteudde, gubernure wuṛṛu ahewal᷊anne su anambon propinsi. Lal᷊oṛṛone eteudde parenta manungku su allo appul᷊one tallu wul᷊anna Adar, anambon walahannu Yahudi, mawae timmadde aroddi lai dario'a, mawae wawine ara'e lai al᷊aṛṛana'a, ṛinane pateanna tawe ampungnge, wuṛṛu darotongngi mangitou aṛṛoanna.

1 TIMOTIUS 2:12

I ya'u mapaasal᷊a amungkangu wawine mangngaṛṛa'a ara'e mamarenta esakka; i mangitou ṛinone mal᷊annaba.

LUKAS 16:8

Ne mawu mangangadon roitta apan taṛṛa l᷊inga udde nadalo si tou ana waugu inolaanne apan mangngapande udde; ana waugu manga taumatan runia indi mappandeanna mangatokku manara mangitou wuassu mangatokku taumata apan mabbiakka sulal᷊ummu asasemakka.”

DANIEL 4:1

Eteindi papasingkati Ratu Nebukadnezar apan niiringnge su manga taumata wuassu al᷊awo'u walahanna, ṛuangannu walahanna wuṛṛu wahasa su ahewallu runia: “Tabbean paddarame!

DANIEL 3:29

Anna waugu udde i ya'u mamarenta manungku suapan taumata wuassu walahanna, ṛuangannu walahanna ara'e al᷊awo'u wahasa, apan nabbisaran asal᷊uandaga su surannu Ruata apan sassubbanni Sadrakh, Mesakh wuṛṛu Abednego, sarun tattaranna wuṛṛu wal᷊ene sarun iapaṛṛa'a wuṛṛu olaanna ombon sapadda. Ana waugu tawe monganna apan wotongnge maaola'a apan buatte niola'u Ruata udde.”

ESTER 1:21

Darorongngi Memukan udde nitarimmattu ratu wuṛṛu manga tembonanne, ne ratu lapiddu napaamattu atoranna udde.