EFESUS 6:9 - WUKE SUSI WATTI'U AL᷊AL᷊USASSA

⁹ Manga tuṛṛangnga apan naola'a mawu! Ṛinone pallal᷊agun kamiu aroddi lai su saruannu manga allangngu. Ariete mappaattu wawansaga. Paanaunge manungku i yamiu wuṛṛu manga allangngu udde, uasul᷊ungnga pia sangkatou mawu, eteudde Mawu apan su surga. I Tou tawe mamile hati.

EFESUS 6:9 Referans Kwoze

KOLOSE 3:25

Wuṛṛu isai-sai apan na'ola'a pasasal᷊a, sarun mamasanna manga pasasal᷊ane udde; ana waugu Mawu tawe mamile hati.

WATTI'U MANGA RASUL 10:34

See i Petrus nabbisara, “Orassa indi ya'u atonna-tonna naapendampe manungku inolaannu Ruata su anambon taumata udde nassul᷊ungnga.

ROMA 2:11

Ana waugu Ruata ma'ellega anambon taumata udde nassul᷊ungnga.

LUKAS 6:31

Ola'a su taumata waine ere lai yamiu ma'apulu olaanni mangitou mapia.

MATIUS 7:12

Ola'awe taumata waine ere i yamiu lai maapulu olaanni mangitou. Eteudde lal᷊oṛṛon al᷊aṛṛa'i Musa wuṛṛu manga nabi.”

TAHIUL᷊E 10:17

Mawu Ruatanu roso su wowon al᷊awo'u Mawu wuṛṛu nilumebbe wuassu al᷊awo'u taṛṛino. I Tou Mawu Ruata mawantuga wuṛṛu mataṛṛino apan ṛinone subbanna. I Tou tawe mangempe wuṛṛu tawe lai manengkamma aonggola sasal᷊o'a.

YAKOBUS 2:13

Ana waugu Ruata tawe mapaal᷊iatta'u darangngu-Ne su taumata apan tawe maaillal᷊a darangngu. Arawe darangngu mattohasanna wuassu ṛuumanna!

YAKOBUS 2:8

I yamiu ma'ola'a su ṛinone, amungkangu i yamiu tumuṛṛutta titan Araratuanna sulal᷊ummu wageangu Wuke Susi indi, “Pandangngu sansul᷊ungu ere i yamiu mandangngu watangannu sassane.”

YOHANES 13:13

I yamiu mammago si Ya'u huru wuṛṛu Mawu. Wuṛṛu atonna aroddi.

YAKOBUS 5:4

I yamiu tawe namaekka lal᷊antaku manga taumata apan mammanara su wawail᷊annu. Orassa indi paddaringikke sasal᷊iomanni mangitou! Manga taumata apan nangammullu wuan bawail᷊annu, mangngintul᷊i ma'iontolla wuṛṛu aintul᷊in mangitou na'omate su tal᷊ingan Duata, Ruata Lembon Mataṛṛino.

1 KORINTUS 7:22

Ana waugu sangkatou allangnga apan buatte nangimanna Mawu, naola'e taumatan Mawu. Wuṛṛu sangkatou apan napallose apan mangngimante Mawu, naola'e allangngi Kristus.

MATIUS 24:51

Ne mangangimbe udde sarun puul᷊annu mawune wuṛṛu iramme su tampa manga taumata lilangkamal᷊e'a. I mangitou sarun lumuai wuṛṛu matataṛṛangnga poiaroddi.”

MATIUS 24:48

Arawe amungkangngu mangangimbe udde lal᷊eo, i tou sarun mabbisara sulal᷊ummu naungnge,

MATIUS 22:10

Ne manga ralol᷊oṛṛanne udde inaite. I mangitou inaite su manga lal᷊anna wahewa see nangammullen manga taumata apan nassomba mangitou poiaroddi apan mapia ara'e lal᷊eo. Ne napenete andeangngu awingnga udde ringannu al᷊awo'u raho.

MATIUS 22:8

Wua'udde i tou namaggote mangangimbene, see nabbisara, ‘Andeangngu awingnga nasaddiate, arawe manga taumata apan suete niwal᷊oanna tawe nirumanta.

MALEAKHI 3:5

Unnu Mawu Apan Lembontaṛṛino, “I Ya'u sarun dumanta ringannu tadea'u makkuungnga. I Ya'u sarun masasaṛṛawutta maola'a matatiala su manga taṛṛa wal᷊i'in mata, manga taumata apan masandaga, apan mattiala awusu, wuṛṛu inolaanne mallinga sulal᷊ummu mangonggollu bawaekke su taumata mammanara, apan mangngallangnga manga wawine wal᷊u, asisi timpal᷊uassa, wuṛṛu manga taumata raho, su saruannu anambon taumata apan tawe mangaddatta si Ya'u.”

DANIEL 3:15

Ne, orassa indi, i yamiu mappulu umal᷊intudda wuṛṛu massubba paal᷊uanna udde sutempo musikka manuntingikka? Amungkangngu i yamiu maddiri, i yamiu sarun ituntungnga sulal᷊ummu pandu'u putungnga pan tantal᷊anna lukkenggamma. Wuṛṛu monganna suapa apan wotongnge manal᷊atta si yamiu wuassu taṛṛino'u?”

DANIEL 3:6

Isai-sai apan tawe tinumuṛṛutta parenta indi, lapiddu ituntungnga su pandu'u patungnga apan tantal᷊anna lukkenggamma.”

YESAYA 47:6

Dorone i Ya'u massa'u uma-U, i mangitou tate lai Ta'u ireengnga pussa'a-U. Wua'udde i mangitou Ta'u nitantilla si yamiu, wuṛṛu i'o tawe umakkanni mangitou, ewe'e lai matatatimmadde niallangngu ringannu maṛṛagissa.

MANNANASE 5:8

Ewe'e wiakku ratu lai uaantimma hessin pangitinganna.

DARALO 140:12

Wala'e taumata apan ma'ola'a pabbawawul᷊o aṛiaannu asasilaka, arie pabbala'a taṛṛa al᷊uandaga uatana'a su runia.

NEHEMIA 5:5

Wal᷊inewe i yami lai taumatan Yahudi? Wal᷊inewe ana'i yami nassul᷊ungngu manga ana'u Yahudi waine? Salaiwe aroddi i yami nipabbawata'a namalan manga ana'i yami naola'a allangnga. Ewe'e lai pia ana'a maṛṛualan kami apan buatte niwal᷊u'a maola'a allangnga. I yami tate maal᷊ore ana waugu wawail᷊anna wuṛṛu waillu anggori yami buatte nihadde.”

1 SAMUEL 15:17

I Samuel nabbisara, “Wal᷊inewe i Tuangnga naola'e piaṛṛa'u manga walahannu Israel, salaiwe i Tuangnga massunna manungku watanganni Tuangnga tawe gunane? I Tuangnga buatte nipilen Mawu maola'a ratun Israel,

IMAMATTA 19:13

Imbaṛṛangnga mangallangnga sansul᷊ungngu ara'e mangaṛṛo saranapane. Lalantaku sangkatou apan mammanara ringannu arie pattaṛṛange, salaiwe tumba'u saṛṛabbi.

AYUB 34:19

I Tou tawe manamba'a manga ratu, ara'e malliu ṛoron taumata ala wuassu taumata asiangnga. Ana waugu i mangitou sarangkanambone udde niariaddi-Ne.

KOLOSE 4:1

Manga tuṛṛangnga apan naola'a tuangnga! Ṛinone i yamiu ma'ola'a manga allangngu ringannu apapia wuṛṛu atatul᷊idda. Paanaunge manungku i yamiu pia sangkatou tuangnga su surga.