EFESUS 6:20 - WUKE SUSI WATTI'U AL᷊AL᷊USASSA

²⁰ Ana waugu ete Watti'u Al᷊al᷊uassa udde, i ya'u naola'a sangkatou daroloṛṛanna, wuṛṛu orassa indi sulal᷊ummu tuttupanna. Aal᷊iomante tadea'u i ya'u waṛṛani mabbisara su ola'u Watti'u Al᷊al᷊uassa udde, su ereapa i ya'u ṛinone mabbisara.

EFESUS 6:20 Referans Kwoze

2 KORINTUS 5:20

Nariaddi ete i yami udde daroloṛṛanni Kristus. Sulal᷊ummi yami Ruata nabbal᷊on tanata-Ne. Sulal᷊ummu aranni Kristus i yami sumal᷊ande, sengkamawe liman Duata apan namalan kamiu uaaukka apia ringanni Tou.

KOLOSE 4:4

Aal᷊iomante tadea'u i ya'u wotongnge manal᷊a'an addapingnga udde ringannu masema-semakka, su ereapa pandumanne.

2 TIMOTIUS 2:9

Ana waugu mabatti'u Watti'u Al᷊al᷊uassa udde, i ya'u natataṛṛangnga; ewe'e lai na'oman sara niṛṛapussa ere sangkatou taumata lal᷊eo. Arawe wisaran Duata tawe iaṛṛapussa.

FILIPI 1:7

Atonna su tampane i ya'u pia apendamma ereudde su saruanni yamiu, ana waugu i yamiu sarangkanambone sidutu marani su naungku. Ana waugu i yamiu lai suadio'a ringangku, nanengkamma al᷊amatta apan nionggolu Ruata si ya'u: mapia orassa indi tantal᷊anna i ya'u sulal᷊ummu tuttupanna ara'e lai su tempo i ya'u su liudde ana waugu mangngesakku Watti'u Al᷊al᷊uassa udde.

WATTI'U MANGA RASUL 26:29

“Sulal᷊ummu tempo adio'a ara'e sulal᷊ummu tempo mal᷊o'engnga,” sasimbakki Paulus, “i ya'u umal᷊iomanna su Ruata tadea'u i Tuangnga Agripa wuṛṛu manga mawu sarangkanambone apan uararingikka si ya'u allo indi wotongnge maola'a ere i ya'u – tabene'e tumba'u ṛaṛṛapussa indi!”

1 YOHANES 3:16

Ringannu lal᷊anne indi i ite maasingkata ereapa mandangngu sansul᷊ungnga taumata: Kristus suete nanantillu wiakke hunang kite. Ana waugu udde, i ite lai ṛinone manantillu wiakki ite hunan manga tuṛṛangngi ite!

2 TIMOTIUS 1:16

Arawe lal᷊oṛṛon bal᷊en Onesiforus masokkate malluassa naungku. Doronganna Mawu mapaal᷊iatta'u darangngu-Ne si mangitou. Salaiwe i ya'u sulal᷊ummu tuttupanna, Onesiforus tawe masilin inolaangku udde.

1 TESALONIKA 2:2

I yamiu masingkata manungku ro'en i yami taambe nirumanta ringanni yamiu su Tesalonika, i yami suete niapaasusa wuṛṛu nial᷊uandahanna su Filipi. Arawe salaiwe manambo taumata mandooppa si yami, Mawu Ruatan kite suete nangonggolu awawaṛṛani si yami ipabbatti'u Watti'u Al᷊al᷊uassa si yamiu apan darantane wuassi Tou.

FILIPI 1:20

Lembon ipaapulu'u wuṛṛu aantimanna eteudde tadea'u imbaṛṛangnga i ya'u tawe maa'sue manara'u. Arawe i ya'u mangantimma tadea'u suapan tempo, nangillembo orassa indi, ya'u wotongnge maola'a waṛṛani ma'oman sara ringannu ahewallu apulun waddangku – mawae i ya'u wiakka ara'e i ya'u nate – Kristus mangke wabantuhanna.

EFESUS 6:19

Wuṛṛu aal᷊iomante lai hunan kamiu, tadea'u su tempo i ya'u mabbisara, Ruata mangonggola si ya'u manga wisara apan naṛṛino. Wuṛṛu tadea'u ya'u ringannu waṛṛani wotongnge mabatti'u addappingu Watti'u Al᷊al᷊uassa udde.

EFESUS 4:1

Ana waugu udde i ya'u – sangkatou taumatan ṛuumanna, apan nitaṛṛanganna ana waugu mangngimbe Mawu – sussal᷊ande si yamiu: pabbiakke uasulungngu ere io sangkatou taumata apan suete niwagoannu Ruata.

EFESUS 3:1

Ana waugu udde i ya'u Paulus, nitaṛṛo su tuttupanna ana waugu Kristus Yesus maola'a hunan kamiu taumata wal᷊ine Yahudi.

WATTI'U MANGA RASUL 28:31

Wuṛṛu ringannu waṛṛani tou mabatti'a si mangitou su ola'u ereapa Ruata mamarenta ere sangkatou Ratu wuṛṛu su ola'u Mawu Yesus Kristus. I Paulus nabbatti'u udde ringannu tawe gal᷊ahene wuṛṛu tawe mangngangul᷊a'ukke.

WATTI'U MANGA RASUL 28:20

Wuṛṛu ana waugu udde i ya'u madorongnga maisasommbang kamiu, maggahattong kamiu; ana waugu i ya'u ṛaṛṛapusanna, ana waugu Punnu Sal᷊amatta apan a'antimannu walahannu Israel.”

WATTI'U MANGA RASUL 5:29

I Petrus wuṛṛu manga rasul apan baine sinumimbakka, “I yami ṛinone tumuṛṛutta Ruata wuṛṛu wal᷊ine tumuṛṛutta taumata.

AMSAL 13:17

Daroloṛṛanna apan longonna mandantan asasilaka; daroloṛṛanna apan apangimananna mannal᷊amatta auntunganna.

YUDAS 1:3

Manga tuṛṛangnga apan arangnguanna! I ya'u atonna-tonna pia pandumanna mamoṛṛettu suratta si yamiu su ola'u asasal᷊amatta apan suete niapendamanni ite suaddio'a. Arawe orassa indi ya'u pia pandumma mangaṛṛa'a si yamiu ringannu suratta indi tadea'u i yamiu siddutu mammanara maddea'a pangangimanna apan paassate nionggolu Ruata ma'oman sara mal᷊annu-l᷊annu su al᷊aṛṛanang-Nge.

FILEMON 1:10

I ya'u Paulus, mangapiddu sambau darorongnga si'o su ola'i Onesimus, ana'u sulal᷊ummi Kristus. Ana waugu sulal᷊ummu tuttupanna indi ya'u naola'e iamangngu pangangimanne.

WATTI'U MANGA RASUL 21:33

Piaṛṛangnge udde inaite ringanni Paulus see nanametta si tou, wuṛṛu nandolokku taumata niapaṛṛapussa si tou. Wua'udde piaṛṛangnge naiwal᷊o su ola'u isai i Paulus wuṛṛu apa apan suete niolangnge.

YESAYA 58:1

Mawu nabbisara, “Pangintul᷊ite ringannu ahewallu auatanna! Pasingkata'e su uma-U manga rosa mangitou.

YEREMIA 1:17

Pandiahite, Yeremia! Roote wuṛṛu pasingkata'a si mangitou, sarangkanambone apan Ta'u nirolokka si'o. Arie mata'utti mangitou, tadea'u i'o tawe Ta'u olaanna lembon matta'utta lai sumaruanna si mangitou.

YESAYA 33:7

Manga taumata apan matohassa wuṛṛu waṛṛani u'ui ma'iontolla; manga daroloṛṛanna apan maddea'a paddarame lulluai ringannu sasal᷊iomanna.

YEREMIA 40:1

Mawu nabbisara si ya'u napawe i Nebuzaradan, komandannu tantara udde, namallo'u su Rama. I ya'u buatte niapidda poiaroddi ringannu ṛaṛṛapusanna suadio'a ringannu anambon taumata waine wuassu Yerusalem wuṛṛu Yehuda apan tantal᷊anna iapidda maola'a tawanna su Babel.

2 KORINTUS 3:12

Ana waugu i yami uatahuanna antimma ereudde, ne i yami waṛṛani mabbisara aroddi.

KOLOSE 4:3

I yami lai aal᷊iomana'a tadea'u Ruata mangoggolu allo mapia si yami manal᷊iawukku watti'a su ola'a addapingingi Kristus. Ana waugu olangnge udde ne i ya'u orassa indi uatana'a sulal᷊ummu tuttupanna.

FILEMON 1:9

Arawe ana waugu i ya'u marangngu si'o, i ya'u tumba'u maddorongnga. I ya'u indi sangkatou timmadde wuṛṛu orassa indi ta'e tataṛṛanganna sulal᷊ummu tuttupanna ana waugu Kristus Yesus.