EFESUS 6:19 - WUKE SUSI WATTI'U AL᷊AL᷊USASSA

¹⁹ Wuṛṛu aal᷊iomante lai hunan kamiu, tadea'u su tempo i ya'u mabbisara, Ruata mangonggola si ya'u manga wisara apan naṛṛino. Wuṛṛu tadea'u ya'u ringannu waṛṛani wotongnge mabatti'u addappingu Watti'u Al᷊al᷊uassa udde.

EFESUS 6:19 Referans Kwoze

KOLOSE 4:3

I yami lai aal᷊iomana'a tadea'u Ruata mangoggolu allo mapia si yami manal᷊iawukku watti'a su ola'a addapingingi Kristus. Ana waugu olangnge udde ne i ya'u orassa indi uatana'a sulal᷊ummu tuttupanna.

WATTI'U MANGA RASUL 4:29

Orassa indi, Mawu, ellehete ereapa i mangitou mammansaggi yami. Wuṛṛu wala'e i yami, manga allang-Ngu indi mamasingkattu watti'a ringannu tawe matta'utta.

2 TESALONIKA 3:1

Panginsueanne, Manga tuṛṛangnga, aal᷊iomana'awe i yami. Aal᷊iomante tadea'u watti'a wuassu Mawu wotongnge siddutu massal᷊iawukka ringannu mal᷊ihakka wuṛṛu sengkamanna ringannu mapia, ere lai suete nariaddi si yamiu dorone.

1 TESALONIKA 5:25

Al᷊iomana'a i yami, manga tuṛṛangnga!

IBRANI 13:18

Sidutua'e umal᷊iomanni yami. I yami mangngimanna lal᷊ummu naungngi yami waresi, ana waugu sulal᷊ummu al᷊awo'u manara, i yami sidutu ma'apulu ma'ola'a apa su ṛinone.

WATTI'U MANGA RASUL 4:31

Napawe i mangitou suete inumal᷊iomanna, tampa i mangitou uaammulla udde inumio'a. I mangitou sarangkanambone naasomba taṛṛinon Ghaṛṛahon Ruata, wuṛṛu nanattakke mabbisara ringannu waṛṛani atonna, su ola'u watti'u Ruata.

1 TESALONIKA 2:2

I yamiu masingkata manungku ro'en i yami taambe nirumanta ringanni yamiu su Tesalonika, i yami suete niapaasusa wuṛṛu nial᷊uandahanna su Filipi. Arawe salaiwe manambo taumata mandooppa si yami, Mawu Ruatan kite suete nangonggolu awawaṛṛani si yami ipabbatti'u Watti'u Al᷊al᷊uassa si yamiu apan darantane wuassi Tou.

2 KORINTUS 8:7

Yamiu apianne wuassu al᷊awo'u taumata; i yamiu apianne su ola'u pangangimanna, su ola'u mapaasabangngu ṛingidda, su ola'u asingkata, sulal᷊ummu al᷊awo'u hati manara, wuṛṛu sulal᷊ummu darangngu si yami. Ana waugu udde, mappianne i yamiu lai apianne sulal᷊ummu manara apan mapia indi.

EFESUS 1:9

Tumuṛṛuttu apulu-Ne sassane, Ruata namasingkata si ite addapingngu manara-Ne; i Tou buatte nabbisara manungku manara-Ne udde sarun insueanna sulal᷊ummi Kristus.

1 KORINTUS 4:1

Ellehete i yami indi mangangimben Kristus, apan uapasanna manara mabbatti'u manga pandumannu Ruata apan taambe niasingkatannu runia.

WATTI'U MANGA RASUL 28:31

Wuṛṛu ringannu waṛṛani tou mabatti'a si mangitou su ola'u ereapa Ruata mamarenta ere sangkatou Ratu wuṛṛu su ola'u Mawu Yesus Kristus. I Paulus nabbatti'u udde ringannu tawe gal᷊ahene wuṛṛu tawe mangngangul᷊a'ukke.

WATTI'U MANGA RASUL 19:8

Tallu wul᷊anna al᷊annune, i Paulus sidutu mabbisara ringannu waṛṛani su manga taumata su wal᷊em pattataṛṛamawuanna wuṛṛu uasasimbakki mangitou tadea'u i mangitou mangngimanna su ola'u ereapa Ruata mamarenta ere sangkatou Ratu.

WATTI'U MANGA RASUL 13:46

Arawe ringannu lembon waṛṛani lai i Paulus wuṛṛu i Barnabas nabbisara uahahati. I mangitou nabbisara, “Wisaran Ruata atonna ṛinone iwal᷊o si yamiu rorone. Arawe ana waugu i yamiu maddiri madaringikka, i yamiu suete namile sassane manungku i yamiu tawe ṛinone manengkamma wiakka tutune wuṛṛu saran mal᷊annu-l᷊annu. Wuṛṛu orassa indi yami manantangngi yamiu wuṛṛu inaite ringannu walahanna waine.

FILEMON 1:22

Tantal᷊anna udde tul᷊unga'a i ya'u saddiai wabbo'a su wal᷊enu, ana waugu i ya'u mangngantimma Ruata sarun maddaringikka aal᷊iomannu manga tuṛṛangnga sarangkanambone wuṛṛu mangapi'u apia ringanni yamiu.

KOLOSE 2:2

Sarangkanambone indi ta'u olaanna tadea'u naungngi mangitou maola'a matohassa wuṛṛu i mangitou uararangngu ma'oman sara i mangitou uasampinunutanna. Ringannu aroddi i mangitou atonna-tonna maasunna wuṛṛu mangngimanna see lai maaillal᷊a addapingu Ruata, eteudde Kristus sassane.

2 KORINTUS 3:12

Ana waugu i yami uatahuanna antimma ereudde, ne i yami waṛṛani mabbisara aroddi.

1 KORINTUS 1:5

Ana waugu i yamiu tatahuananten Kristus, ne pabbiaṛṛanu naalate su al᷊awo'u inolaanna. Asingkannu su ola'u al᷊awo'u inolaanna udde tumanite malal᷊umma, wuṛṛu i yamiu masingkata mangaṛṛa'u apapandenu udde.

WATTI'U MANGA RASUL 14:3

Ana waugu udde i Paulus wuṛṛu i Barnabas natana'a mal᷊annu isudde. Wuṛṛu ringannu waṛṛani i mangitou mabatti'u wisara Mawu. Ne Mawu lai napaal᷊iatta'a manungku watti'i mangitou su ola'u darangngu-Ne udde atonna; i Tou nangonggolu taṛṛino si mangitou ma'ola'a al᷊aṛṛindu'a wuṛṛu inolaanna waine.

WATTI'U MANGA RASUL 9:27

Wua'udde i Barnabas nirumanta ringanni tou, see nangapiddi tou ringannu manga rasul. I Barnabas nabatti'a si mangitou ereapa i Saulus naasilo Mawu su tangngan dal᷊anna wuṛṛu ereapa Mawu nabbisara si tou. I Barnabas nabbatti'a lai su ola'u ereapa awawaṛṛanin Saulus mangngaṛṛa'a su Damsyik ringannu arannu Mawu Yesus.

1 TIMOTIUS 3:16

Taweddu saran sangkatou wotongnge massinaada, aroddi ahewalle addapingu agaman kite: I tou namasilon batanganne sulal᷊ummu lihiddu taumata, wuṛṛu niapaal᷊iatta'u Ghaṛṛahon Duata, see aellehannu manga mala'ekatta. Wattinge niapararingikka su wallatu manga walahanna, wuṛṛu i Tou apangimananna su ahewallu runia wuṛṛu niapaasengkenga su surga.

2 KORINTUS 7:4

I ya'u mangngimanna atonna si yamiu. Wuṛṛu lai ya'u mal᷊uassa atonna si yamiu! Salaiwe i yami naasomba manambo asasusa, naungku nal᷊uassa ana waugu i yamiu. Naungku lembon lulluassa!

2 KORINTUS 1:11

I yami mangngimanna manungku ringannu manga aal᷊iomannu hunan kami, Ruata sarun manal᷊amatta si yami lai wuassu papate. Ruata mangonggolu al᷊amatta si yami maola'a sambau sasimbakku anambon aal᷊iomanni yamiu si yami wuṛṛu ana waugu udde, manambo taumata maadiangkamanna su Ruata.

1 KORINTUS 2:7

Apapande apan ta'u iwal᷊o udde eteudde apapande wuassu Ruata. Apapande udde awaganannu runia, arawe Ruata suete nanaddia lal᷊umanna'i ite ro'en runia indi taambe niriaddi.

ROMA 15:30

Ringannu arannu Mawun kite Yesus Kristus, wuṛṛu ringannu darangngu apan nionggolu Ghaṛṛahon Duata, i ya'u sumal᷊ande si yamiu, doronganna i yamiu suadio'a u'al᷊iomanna su Ruata hunan manara'u.

WATTI'U MANGA RASUL 18:26

Ringannu waṛṛani i Apolos nanattakke massinaukka su wal᷊em pattataṛṛamawuanna wuṛṛu su tempo i Priskila wuṛṛu i Akwila naaringikka al᷊aṛṛangnge, i mangitou nangapiddi tou su wal᷊e. Poiaroddi i mangitou mannal᷊a'a ringannu mapia si tou su ola'u pandumannu Ruata manal᷊amatta taumata sulal᷊ummu Mawu Yesus.

WATTI'U MANGA RASUL 4:13

Manga wageangngu ammul᷊annu Mamamarikissa udde naherangnga naasilo awawaṛṛanin Petrus wuṛṛu i Yohanes, see lai i mangitou masingkatta manungku rasul darua udde taumata wiasa apan tawe si'ol᷊ane. See i mangitou naatutukke manungku rasul darua eteudde manga taumata apan uatantalongnga Mawu Yesus.

WATTI'U MANGA RASUL 2:4

I mangitou sarangkanambone naasomba taṛṛinon Ghaṛṛahon Ruata, wuṛṛu nanattakke mabbisara sulal᷊ummu al᷊awo'u manga wisara waine. I mangitou mabbisara tumuṛṛuttu apa apan ia'onggolu Ghaṛṛaho udde si mangitou iapawisara.

WATTI'U MANGA RASUL 9:29

I tou mangngaṛṛa'a wuṛṛu uaaiwal᷊o lai ringannu manga taumatan Yahudi apan mabbisaran Yunani, arawe i mangitou maddea'a mamate si tou.

ROMA 16:25

Daralo su Ruata! I Tou uataṛṛino mannohassa pangangimannu tuṛṛangnga nassul᷊ungngu Watti'u Al᷊al᷊uassa wuassu Ruata apan ta'u iapaasingkatta su ola'u Yesus Kristus. I ya'u namasingkatu watti'a udde nassul᷊ungngu ere apa apan niapaal᷊iatta'u Ruata; eteudde su ola'u paa'apulun Ruata apan mal᷊annute awaganannu taumata.

2 KORINTUS 6:11

Manga tuṛṛangnga apan arangnguanna su Korintus! I yami buatte nabbisara uahahati si yamiu. Anambon lal᷊oṛṛo naungngi yami buatte niwal᷊o si yamiu.

EFESUS 3:9

wuṛṛu lai tadea'u wuassia'u anambon taumata maasingkata ereapa Ruata, Mandariaddi ul᷊ilin pati'uppa indi, napaamattu manara-Ne ro'en dorone apan iaddappingnga su runia.