EFESUS 6:18 - WUKE SUSI WATTI'U AL᷊AL᷊USASSA

¹⁸ Ola'e sarangkanambone udde, lapiddu u'al᷊iomanna maddorongnga tul᷊ungannu Duata. Su al᷊o'engngu tempo, aal᷊iomante su ereapa Ghaṛṛahon Duata ua'ehetta si yamiu. Ṛinone i yamiu sidutu uatehamma wuṛṛu arie i yamiu mangillol᷊o. Aal᷊iomante sidutu hunan anambon al᷊aṛṛana'u Ruata.

EFESUS 6:18 Referans Kwoze

1 TESALONIKA 5:17

wuṛṛu sidutu u'al᷊iomanna.

KOLOSE 4:2

Ṛinone i yamiu umal᷊iomanna ringannu ma'uddupa wuṛṛu maantaga, lapiddu maadiangkamanna su Ruata.

FILIPI 4:6

Arie paasinggawanga su ola'u manga apa. Sulal᷊ummu al᷊awo'u inolaanna, aal᷊iomante wuṛṛu paddorongke su Ruata. Apa apan ipaapulun kamiu, wal᷊oa'e udde sidutu su Ruata ringannu wisara aadiangkamanna.

1 TIMOTIUS 2:1

Paarorone, i ya'u sumal᷊ande tadea'u sasal᷊ande, aal᷊iomanna, wuṛṛu aal᷊iomannu awadaalla, see adiangkamanna iwal᷊o su Ruata hunan anambon taumata;

YUDAS 1:20

Arawe i yamiu manga tuṛṛangku, paddul᷊ianete siddutu wiakku sulal᷊ummu pangangimannu si Yesus Kristus. Pangangimannu udde lembon susi. Tantal᷊anna udde aal᷊iomante ringannu Taṛṛinon Ghaṛṛahon Duata,

MARKUS 14:38

See Mawu Yesus nabbisara si mangitou, “Pandiagate, wuṛṛu a'al᷊iomanna, tadea'u yamiu tawe maasomba wawono'a. Ghaṛṛahonu ma'apulu ma'ola'a su ṛinone, arawe i yamiu tawe maataṛṛangnga ana waugu pallal᷊agun taumata udde lome.”

LUKAS 21:36

Paariagate, wuṛṛu sidutu a'al᷊iomanna tadea'u i yamiu matohassa mamipen al᷊awo'u hatto apan sarun mariaddi wuṛṛu i yamiu wotongnge sumaruanna Ana'u Taumata.”

MATIUS 26:41

Paariagate wuṛṛu aal᷊iomante tadea'u i yamiu tawe maasomba wawono'a. Atonna ghaṛṛahonu maapulu ma'ola'a apapia, arawe i yamiu tawe maataṛṛangnga ana waugu pallal᷊agun taumata udde lome.”

DANIEL 9:20

I ya'u sidutu u'al᷊iomanna wuṛṛu mangnga'u rosa'u wuṛṛu rosan balahangku Israel, see sinumal᷊ande su Mawu Rutta'u tadea'u mamelengngu wal᷊e-Ne apan susi.

EFESUS 1:16

i ya'u tawe illol᷊one maadiangkamanna su Ruata su ola'i yamiu. Sidutu i ya'u mannaggon karannu su tempo i ya'u u'al᷊iomanna.

DARALO 6:9

Passal᷊iute, ei manga taumata lal᷊eo, ana waugu Mawu buatte naddaringikka lal᷊uai'u.

ROMA 12:12

Ṛinone i yamiu mangngantimma Mawu ringannu mal᷊uassa, paasabare sulal᷊ummu asasusa, wuṛṛu paaṛṛimadda umal᷊iomanna.

MARKUS 13:33

Nariaddi yamiu ṛinone paariaga ana waugu i yamiu wagga tingngerate tempone.

1 PETRUS 4:7

Sarangkanambone maraniten panginsueanne, ana waugu udde ṛinone i yamiu ua'ul᷊inna apulun wadangnga wuṛṛu uariagga, tadea'u i yamiu wotongnge umal᷊iomanna.

WATTI'U MANGA RASUL 1:14

sarangkanambone sidutu ringannu naungnga uasampinunutanna uaammulla u'al᷊iomanna. I mangitou lai u'al᷊iomanna suadio'a ringannu manga wawine nasutta i Maria inangngu Mawu Yesus, wuṛṛu manga tuṛṛangngu Mawu Yesus.

LUKAS 22:46

See i Tou nabbisara si mangitou, “Anio i yamiu mattiilla? Pabbangunte wuṛṛu a'al᷊iomanna tadea'u i yamiu tawe awono'anna.”

DARALO 4:1

Su piaṛṛa'u mangangantari. Ringannu nanalanga kecapi. Daralon Daud.

IBRANI 5:7

Su tempo Mawu Yesus mabbiakka su runia indi, i Tou u'al᷊iomanna wuṛṛu sussal᷊ande ringannu u'ui wuṛṛu lulluai su Ruata, apan botongnge manal᷊amatta si Tou wuassu papate. Wuṛṛu ana waugu i Tou matuṛṛuta Ruata ringannu napeneng addatta, ne i Tou niraringiṛṛana.

2 TIMOTIUS 1:3

I ya'u umal᷊iomanna su Ruata apan a'imbeangku ringannu awawiran naungnga ere lai suete niola'u iupungngu al᷊amona'u dorone. I ya'u sidutu maadiangkamanna su Ruata napawe i ya'u maanaungnga si'o sulal᷊ummu aal᷊iomanna, mawae allo ara'e ṛabbi.

FILIPI 1:4

Wuṛṛu suapan i ya'u umal᷊iomanni yamiu sarangkanambone, i ya'u u'al᷊iomanna ringannu naungnga mal᷊uassa.

1 MARARATU 8:52

Antimanna I'o, oh Mawu Ruata, sidutu ua'ellegga uman-Nu Israel wuṛṛu ratune. Wuṛṛu sal᷊andeanna I'o maddaringikka aal᷊iomanni mangitou suapan i mangitou sumal᷊ande maiontolla Si'o.

1 MARARATU 9:3

Mawu nabbisara si tou, “Aal᷊iomannu buatte Ta'u niraringiṛṛanna, wuṛṛu ringannu indi wal᷊en apan buatte naiapararisikku indi Ta'u isaggo tampa al᷊aṛṛaene hunan patataṛṛamawuanna si Ya'u saran mal᷊annu-l᷊annu. I Ya'u sidutu ua'ellega wuṛṛu ual᷊u'adda tampa indi.

1 MARARATU 8:54

Etearoddi i Salomo niumal᷊iomanna na'oman sara niumal᷊intudda su saruannu mezbah wuṛṛu ringannu lima uawatte ire'e. Wua'udde i tou dirumarisikka

EFESUS 6:19

Wuṛṛu aal᷊iomante lai hunan kamiu, tadea'u su tempo i ya'u mabbisara, Ruata mangonggola si ya'u manga wisara apan naṛṛino. Wuṛṛu tadea'u ya'u ringannu waṛṛani wotongnge mabatti'u addappingu Watti'u Al᷊al᷊uassa udde.

WATTI'U MANGA RASUL 12:5

Nariaddi i Petrus tataṛṛangante su tuttupanna; arawe manga jamaatta sidutu u'al᷊iomanni Petrus su Mawu ringannu atonna-tonna.

HOSEA 12:4

Ro'en ta'e sulal᷊ummu illoṛṛo, Yakub al᷊amonan mangitou buatte nallinga si Esau tuṛṛangnge ṛindua; wuṛṛu napawe timmadete, Yakub nallaṛṛawa'u Ruata.

DANIEL 6:10

Ne Ratu Darius nabartandate suratta parenta udde.

YESAYA 26:16

I'o buatte nakkuumanni yami; sulal᷊ummu asasusa i yami nabelengnga ringan-Nu, wuṛṛu niumal᷊iomanna Si'o, Mawu.

1 MARARATU 8:59

Antimanna Mawu, Ruatan kite, sidutu mannaungnga aal᷊iomanna wuṛṛu sasal᷊ande apan buatte ta'u niwal᷊o si Tou. Antimanna i Tou sidutu mapal᷊iatta'u darangngu-Ne su umattu Israel wuṛṛu ratune ringannu mangonggola si mangitou apa apan haggausanni mangitou miallo-miallo.

FILEMON 1:5

Ana waugu i ya'u naaringikka manungku tuṛṛangnga atonna-tonna mangngimanna Mawu Yesus wuṛṛu mandangngu anambon al᷊aṛṛana'u Ruata.

ZAKARIA 12:10

Wua'udde papapulunni Daud see tumana'u Yerusalem sarun Ta'u onggol᷊annu naungnga masingkatta umakkanna wuṛṛu mappulu umal᷊iomanna. I mangitou sarun ma'ellega si tou apan buatte niusu'i mangitou wuṛṛu lumallu ere taumata lulluain anangnge man sambau. I mangitou sarun lumallu ringannu sussangitta, naal᷊ihidda ere taumata apan niawul᷊iannu ana'a pahul᷊u.

AYUB 27:10

Ṛinone i tou ṛumintulun lal᷊umanna'a wuassu Ruata, wuṛṛu umal᷊iomanna si Tou ringannu tawe illol᷊one.

ESTER 4:8

Mordekhai nangonggolla lai si Hatah surattu ratu nial᷊inna apan buatte niapasabbangnga su Susan apan lal᷊oṛṛone parenta iapapate taumatan Yahudi. I tou nandolokki Hatah mangonggollu suratta udde si Ester wuṛṛu manal᷊a'an hatto udde si tou, wuṛṛu lai maddorongnga tadea'u Ester sumaruanna ratu sumal᷊ande aakkanna hunan balahanne.

WATTI'U MANGA RASUL 10:2

I tou sangkatou apan matta'uttu Ruata wuṛṛu anambon lal᷊oṛṛon bal᷊ene mattaṛṛamawu Ruata. I tou masokka mantul᷊ungngu taumatan Yahudi apan asiangnga wuṛṛu i tou sidutu u'al᷊iomanna su Ruata.

WATTI'U MANGA RASUL 6:4

ana waugu i yami inai umal᷊iomanna wuṛṛu mabatti'u wisaran Ruata.”

EFESUS 3:18

I ya'u u'al᷊iomanna doronganna suadio'a ringannu anambon walahannu Ruata, i yamiu wotongnge maasunna aroddi ahewalle wuṛṛu al᷊o'engnge wuṛṛu atanggakke wuṛṛu al᷊al᷊umme darangngun Kristus,

EFESUS 3:8

Su wallatu anambon al᷊aṛṛana'u Ruata, ete i ya'u aral᷊eoanne. Arawe Ruata nangonggolu al᷊amatta indi si ya'u: Manara mammasingkatu Watti'u Al᷊al᷊uassa su taumata wal᷊ine Yahudi su ola'u paa'alan Kristus apan tawe masue;

ROMA 8:15

Ana waugu Ghaṛṛaho apan buatte nionggolu Ruata si yamiu, tawe ma'ola'a si yamiu allangnga, ma'oman sara i yamiu mabbiakka sulal᷊ummu atata'utta. Arawe Ghaṛṛahon Duata udde nandiaddi si yamiu maola'a al᷊aṛṛana'u Ruata. Wuṛṛu ringannu taṛṛinon Ghaṛṛahon Duata udde, i ite mammago Ruata “Iamangnga, o Iamangku!”

EFESUS 2:22

Ana waugu mabbiakka uaaukka ringanni Kristus, i yamiu lai tantal᷊anna iapararisikka su sambau ringannu manga taumata waine maola'a sambau Wal᷊en Duata; isudde Ruata uatana'a ringannu Ghaṛṛaho-Ne.

LUKAS 3:37

ana'i Metusalah, ana'i Henokh, ana'i Yared, ana'i Mahalaleel, ana'i Kenan,

GALATIA 4:6

Ana waugu ete i yamiu udde al᷊aṛṛana'u Ruata, Ruata nandolokku Ghaṛṛahon Anang-Nge sinumutta sulal᷊ummu naungngu wuṛṛu naungku, eteudde Ghaṛṛaho apan mabbisara, “Iamangnga, oh Iamangku.”

LUKAS 3:26

ana'i Maat, ana'i Matica, ana'i Simei, ana'i Yosekh, ana'i Yoda,

KOLOSE 1:3

I yamiu suete naaringikka manungku i yamiu mangngimanna Mawu Yesus Kristus wuṛṛu i yamiu marangngu anambon al᷊aṛṛana'u Ruata. Ana waugu udde su tempo i yami u'al᷊iomanni yamiu, i yami sidutu maadiangkamanna su Ruata, Iamangngu Mawun kite Yesus Kristus.

1 SAMUEL 1:12

Mal᷊annu atonna i Hana u'al᷊iomanna, wuṛṛu i Eli mannutukka moṛṛongngu wawine udde.

MATIUS 17:21

Arawe ghaṛṛaho lal᷊eo ereindi, tumba'u wotongnge limbuaṛṛannu aal᷊iomanna wuṛṛu mappuasa.]”