EFESUS 5:32 - WUKE SUSI WATTI'U AL᷊AL᷊USASSA

³² Tatialane udde pia atappasanne apan malal᷊umma. Wuṛṛu ta'u isumandinga ringannu paa'aukki Kristus wuṛṛu jamaatta.

EFESUS 5:32 Referans Kwoze

SONDAPPA 21:2

Ne i ya'u naasilo soa susi udde, eteudde Yerusalem wakku, nonto'a wuassu surga wuassu Ruata. Soa udde suete nissaddia ere sangkatou ma'a'awingnga wawine nipeddetanna iapasasomba ma'a'awingnga esakka.

2 KORINTUS 11:2

I ya'u luṛṛintulunu, ere Ruata sassane lai luṛṛintulun kamiu. I yamiu ere sangkatou maṛṛuala apan ta'e susi wuṛṛu buatte nipa'ire'u iapaawingngu sangkatou umbasanna, eteudde Kristus.

YESAYA 54:5

Mandariaddinu naola'a ere awingngu, Ruata na'ukkassu Israel uddewe Mananal᷊amannu. Mawu Apan Lembontaṛṛino, uddewe aran-Ne, i Tou Ruata uataṛṛino ahewallu runia.

KOLOSE 2:2

Sarangkanambone indi ta'u olaanna tadea'u naungngi mangitou maola'a matohassa wuṛṛu i mangitou uararangngu ma'oman sara i mangitou uasampinunutanna. Ringannu aroddi i mangitou atonna-tonna maasunna wuṛṛu mangngimanna see lai maaillal᷊a addapingu Ruata, eteudde Kristus sassane.

1 TIMOTIUS 3:16

Taweddu saran sangkatou wotongnge massinaada, aroddi ahewalle addapingu agaman kite: I tou namasilon batanganne sulal᷊ummu lihiddu taumata, wuṛṛu niapaal᷊iatta'u Ghaṛṛahon Duata, see aellehannu manga mala'ekatta. Wattinge niapararingikka su wallatu manga walahanna, wuṛṛu i Tou apangimananna su ahewallu runia wuṛṛu niapaasengkenga su surga.

YOHANES 3:29

Ma'a'awingnga wawine tatahuanannu ma'a'awingnga esakka. Hawe maa'awingnga esakka udde tumba'u uarisikka su sandiṛṛanne wuṛṛu uararingikka, wuṛṛu i tou lulluassa napawe naaringikke tingikku maa'awingnga esakka. Aroddi lai ya'u. Orassa indi ya'u lembon lulluassa.

EFESUS 6:19

Wuṛṛu aal᷊iomante lai hunan kamiu, tadea'u su tempo i ya'u mabbisara, Ruata mangonggola si ya'u manga wisara apan naṛṛino. Wuṛṛu tadea'u ya'u ringannu waṛṛani wotongnge mabatti'u addappingu Watti'u Al᷊al᷊uassa udde.

1 TIMOTIUS 3:8

Ṛinone masasumbala jamaatta lai taumata mapia wuṛṛu matul᷊ida; tawe wal᷊iun doitta tawe tumaniten manambo ma'inumma anggore.

EFESUS 5:31

Sulal᷊ummu Wuke Susi uawoṛṛetta, “Ana waugu udde sangkatou esakka sarun manantangngu hagurangnge maola'a sambau ringannu awingnge wuṛṛu itarua sarun maola'a sambau.”

EFESUS 5:33

Arawe tatialane udde pia sasampange lai ringanni yamiu; Ṛinone suapan esakka mandangngu awingnge wawine ere lai i tou mandangngu wadangnge sassane wuṛṛu ṛinone suapan wawine mangaddatta awingnge esakka.