EFESUS 5:29 - WUKE SUSI WATTI'U AL᷊AL᷊USASSA

²⁹ Taambe nariaddi pia taumata maddantinnu wadangnge sassane. Arawe, i tou mammadul᷊i wuṛṛu mandiaga ere lai Kristus mammadul᷊i jamaan-Ne.

EFESUS 5:29 Referans Kwoze

EFESUS 5:31

Sulal᷊ummu Wuke Susi uawoṛṛetta, “Ana waugu udde sangkatou esakka sarun manantangngu hagurangnge maola'a sambau ringannu awingnge wuṛṛu itarua sarun maola'a sambau.”

MANNANASE 4:5

Naudde, tumba'u taumata woddo apan ua'ianna uawangunna pul᷊a'i wuṛṛu namalan batanganne mate amal᷊unusanna.

AMSAL 11:17

Taumata naungnge matul᷊idda mangnguntungnga watanganne; taumata maṛṛaggissa mandugi watanganne.

YESAYA 40:11

Naal᷊ihidda sangkatou mallal᷊u'adda winatangnga i Tou napaddul᷊i ammul᷊an-Ne; i Tou sassane nangammulli mangitou. Manga ana'u domba nisal᷊uru-Ne, ringannu masaṛṛionto'a i Tou mangngehetta manga inangngene.

MATIUS 23:37

“Yerusalem, Yerusalem! Manga nabi suete nipatenu. Manga ralol᷊oṛṛannu Ruata suete tinuntungannu watu na'oman sara nate. Paapirate i Ya'u maapulu mangammullu tumana'u soa naal᷊ihidda ere inangngu manu'a mangooppa al᷊aṛṛanangnge sulal᷊ummu papaidde, arawe i yamiu madiri!

ROMA 1:31

i mangitou maddiri massunna taumata waine; i mangitou mal᷊awangnga wuṛṛu tawe apedamma mantul᷊ungngu taumata.

YEHEZKIEL 34:27

Manga aaluanna sarun mabbua, manga wawail᷊anna sarun mangongollu hessine, wuṛṛu anambon taumata sarun matana'a ringannu matammuda su letangnge sassane. Amulangngu ṛate laṛṛapussa uma-U buatte Ta'u niwassutta wuṛṛu i mangitou buatte Ta'u nipallossa wuassu manga taumata apan mangngallanga si mangitou, ne i mangitou masingkatte manungku ete i Ya'u Mawu.

PANDARIADDI 2:23

Ne taumata udde nabbisarate, “Ete indi i tou, taumata apan uasul᷊ungku duṛṛi wuassu duṛṛi'u, wuṛṛu ṛemessa wuassu ṛeme'u. I tou ta'u isaggo wawine, ana waugu i tou nianu wuassu esakka.”

MATIUS 6:26

Pa'ellege manu'u winalanganna. I mangitou tawe massuanna, tawe mangitingnga wuṛṛu tawe lai mangammullu wuan sinuananne sulal᷊ummu wal᷊ingkakka. Manimbe aroddi Iamangngu su surga mappadul᷊i lai si mangitou! Wal᷊inewe i yamiu maareganne marau wuassu manu'u winalanganna?

EFESUS 5:28

Aroddi lai esakka ṛinone mandangngu awingnge wawine ere lai i tou mandangngu wadangnge sassane. Taumata apan mandangngu awingnge atappasanne ere lai tou mandangngu wadangnge sassane. (

EFESUS 5:30

I ite masingkattu udde, ana waugu i ite wageangngu wadangi Kristus.)