EFESUS 5:28 - WUKE SUSI WATTI'U AL᷊AL᷊USASSA

²⁸ Aroddi lai esakka ṛinone mandangngu awingnge wawine ere lai i tou mandangngu wadangnge sassane. Taumata apan mandangngu awingnge atappasanne ere lai tou mandangngu wadangnge sassane. (

EFESUS 5:28 Referans Kwoze

EFESUS 5:25

Esakka, paarangngue awingngu wawine, ere lai Kristus marangngu jamaatta wuṛṛu nate su alu arussa ana waugu jamaatta udde.

MATIUS 19:5

Wuṛṛu wua'udde i Tou nabbisara, ‘Ana waugu udde, esakka manantangken hagurangnge wuṛṛu naaukke ringannu awingnge, itarua naola'e wadangnga sambau.’

EFESUS 5:33

Arawe tatialane udde pia sasampange lai ringanni yamiu; Ṛinone suapan esakka mandangngu awingnge wawine ere lai i tou mandangngu wadangnge sassane wuṛṛu ṛinone suapan wawine mangaddatta awingnge esakka.

EFESUS 5:31

Sulal᷊ummu Wuke Susi uawoṛṛetta, “Ana waugu udde sangkatou esakka sarun manantangngu hagurangnge maola'a sambau ringannu awingnge wuṛṛu itarua sarun maola'a sambau.”

EFESUS 5:29

Taambe nariaddi pia taumata maddantinnu wadangnge sassane. Arawe, i tou mammadul᷊i wuṛṛu mandiaga ere lai Kristus mammadul᷊i jamaan-Ne.

1 PETRUS 3:7

Wuṛṛu i yamiu lai, manga awingnga esakka, ṛinone mabbiakka ringannu napenen pasasunna su saruannu awingngu, wuṛṛu ringannu asingkata manungku ete i mangitou udde walahanna apan lome. Olaawe i mangitou ringannu addata, ana waugu i mangitou su sambau ringanni yamiu, sarun manengkamma al᷊amattu pabbiaṛṛana apan tutune wuassu Ruata. Olaawe indi, tadea'u taweddu maasal᷊awa'a aal᷊iomannu.