EFESUS 5:2 - WUKE SUSI WATTI'U AL᷊AL᷊USASSA

² Wiakku ṛinone aintaṛṛoannu darangngu, ere lai Kristus marangngu si ite. I Tou nanantillu watangan-Ne ana waugu i ite, maola'a sambau sasamba apan mawangngi wuṛṛu maal᷊uassa naungngu Ruata.

EFESUS 5:2 Referans Kwoze

YOHANES 13:34

Parenta wakku apan Ta'u ionggolla si yamiu: Padarangngute sangkatou ringannu waine. Ere lai Ya'u mandangngu si yamiu, aroddi lai yamiu ṛinone uararangngu.

GALATIA 2:20

Orassa indi wal᷊inewe i ya'u mabbiakka, arawe ete Kristus apan mabbiakka sulal᷊ummu wadangku. Wiakka apan iraṛṛingi'u orassa indi eteudde mabbiakka ipangngimanna Ana'u Ruata apan marangngu si ya'u wuṛṛu buatte nanantillu watangan-Ne ana waugu i ya'u.

KOLOSE 3:14

Wuṛṛu apianne eteudde: I yamiu ṛinone uararangngu ana waugu ete darangngu udde mappaa'aukku manga tuṛṛangnga sarangkanambone ma'oman sara masuungnga.

2 KORINTUS 2:15

Ana waugu i yami naal᷊ihida hal᷊urun amania apan mawangngi, apan tinutungngu Mawu Yesus hunane su Ruata. Su saruannu manga taumata apan mattudan papate, i yami indi naal᷊ihida hal᷊urun papate apan maapate; arawe su taumata nambo apan tantal᷊anna iapaasal᷊amatta, i yami indi naal᷊ihida hal᷊uru mawangngi apan mandantan pabbawiakka. Ei, isai wotongnge maasuungngu manara indi?

TITUS 2:14

I Tou suete nanantillu watangan-Ne ana waugu i ite wuṛṛu ana waugu mamallosi ite wuassu al᷊awo'u al᷊al᷊eo, wuṛṛu na'ola'a si ite sambau walahanna apan nal᷊iu wuassu al᷊awo'u rosa wuṛṛu tumba'u naola'a pussa'a-Ne sassane, wuṛṛu maṛṛimadda ma'ola'a apapia.

1 KORINTUS 16:14

Sarangkanambone apan a'olaanni yamiu, olaawe ringannu darangngu.

MATIUS 20:28

Ere lai Ana'u Taumata udde, i Tou nirumanta wal᷊ine tadea'u imbeanna, arawe mangimbe, wuṛṛu manantillu niawa-Ne ipamallossu taumata nambo.”

1 PETRUS 4:8

Nangillembo wuassu sarangkanambone udde, ṛinone i yamiu atonna-tonna uararangngu sangkatou ringannu waine, ana waugu ringannu uararangngu i yamiu sarun uaa'ampunga lai.

2 KORINTUS 8:9

Ana waugu i yamiu masingkata atonna manungku i ite lembon arangnguanni Yesus Kristus Mawun kite. I Tou ala, arawe i Tou nattingkaola'a asiangnga ana waugu i ite, tadea'u ringannu paa'asiangnge udde i yamiu maola'a ala.

1 YOHANES 3:16

Ringannu lal᷊anne indi i ite maasingkata ereapa mandangngu sansul᷊ungnga taumata: Kristus suete nanantillu wiakke hunang kite. Ana waugu udde, i ite lai ṛinone manantillu wiakki ite hunan manga tuṛṛangngi ite!

PANDARIADDI 8:21

Hal᷊urun sasamba apan mawangngi udde naal᷊uassa naungngu Mawu, wuṛṛu i Tou nabbisara sulal᷊ummu naungnga, “I ya'u tate lai mamontoga runia indi ana waugu inolaannu taumata; i Ya'u masingkatta manungku ro'en i tou ta'e dario'a, ṛingirannu taumata udde lal᷊eo. I ya'u tate saran paassa mamate alawo'u riadianna wiakka naal᷊ihidda ere buatte Ta'u niola'a indi.

SONDAPPA 1:5

wuṛṛu wuassi Yesus Kristus, mattatiala apan matuṛṛuta. Ete i Tou apan paarorone niapaawiakka apia wuassu papate wuṛṛu ete i Tou ahebbal᷊anne uaparenta manga ratun runia. Mawu Yesus mandangngu si ite, wuṛṛu ringannu papate-Ne, i Tou napaal᷊iung kite wuassu manga rosang kite,

IBRANI 9:26

Ana waugu amungkangu aroddi, udde atappasanne i Tou masokkate matataṛṛanga ro'en runia indi niriaddi. Arawe wutte'e, orassa indi su tempo apan panginsueanne indi, i Tou nirumanta tumba'u paassa mamappasa rosa ringannu nanantillu wadang-Nge sassane.

IBRANI 9:14

nangilembote lai ṛaṛṛan Kristus! Sulal᷊ummu Ghaṛṛaho awasa, i Kristus nanantillu watangan-Ne sassane su Ruata maola'a sambau sassamba apan nasuungnga. Ṛaṛṛa-Ne mammaresi lal᷊ummu naungngi ite wuassu lal᷊aghun agama apan tawe gunane, tadea'u i ite wotongnge maapangimbe Ruata apan biakka.

1 TIMOTIUS 2:6

I Tou sangkatou taumata apan suete nanantillu watangan-Ne ipamallosu anambon taumata wuassu manga rosa mangitou. Ringannu udde Ruata napaal᷊iatta'a su tempo apan na'etta'a, manungku i Tou maapulu tadea'u anambon taumata masal᷊amatta.

EFESUS 4:15

Tawe! Mappianne i ite mapaal᷊iatta'u manga inolaanna apan atonna wuṛṛu ringannu naungnga apan napenen darangngu, na'oman sara su al᷊awo'u inolaanna i ite mal᷊annu-l᷊annu masuungnga ere lai Kristus, apan naola'a tembonanni ite.

1 YOHANES 3:23

Parenta-Ne si ite eteudde: I ite ṛinone mangngimanna Anang-Nge, eteudde Yesus Kristus, wuṛṛu i ite ṛinone uararangngu, ere suete niparentan Kristus si ite.

1 TIMOTIUS 4:12

Arie mamalan sangkatou taumata ma'ellega si'o addio'a ana waugu i'o ta'e umbasanna. Arawe ṛinone i'o maola'a tul᷊adda su manga taumata apan mangngimanna hattonu wuṛṛu pallal᷊agunu, su ola'u darangngunu su sansul᷊ungu wuṛṛu mangngimanna Mawu Yesus Kristus, ringannu naungnga apan waresi.

1 TESALONIKA 4:9

Tate gunane lai yami mamoṛṛettu suratta si yamiu su ola'u ereapa i yamiu ṛinone mandangngu manga tuṛṛangnga apan sambau su pangangimanna. I yamiu sassane suete niaṛṛaannu Ruata ana see i yamiu uararangngu.

EFESUS 4:2

Ṛinone naungngi yamiu sidutu mawawo, masaṛṛionto'a, wuṛṛu masabare. Paasiloa'a darangngunu ringannu uatatul᷊ungnga sangkatou ringannu waine.

EFESUS 3:17

Doronganna ana waugu i yamiu mangngimanna si Kristus, Kristus matana'a sulal᷊ummu naungngu, wuṛṛu wiakku niwantanna wuṛṛu niparentannu darangngu.

GALATIA 1:4

Tuttuṛṛuta apulun Duata Iamangngi ite, Kristus nanantillu watangan-Ne maola'a sasamba ana waugu manga rosang kite, tadea'u i ite iapaasal᷊amatta wuassu tempo apan lal᷊eo indi.

IMAMATTA 1:17

Wua'udde manu'u winalanganna udde ṛinone latto'anna su punnu papaidde, arawe papaidde tawe wotongnge mabassutta. Ana see manu'a udde ṛinone itambunna su wowon mezbah. Hal᷊urun sasamba itattambunna udde ma'al᷊uassa naungngu Mawu.

IMAMATTA 1:13

Ana see taumata udde ṛinone mangukkassa tinaine wuṛṛu palangngu winatangnga udde. Wua'udde manga imam ṛinone mangonggolu sarangkanambone su Mawu, wuṛṛu manambunna su wowon mezbah. Hal᷊urun sasamba itattambunna udde ma'al᷊uassa naungngu Mawu.

SONDAPPA 5:9

I mangitou mangngantarin sambau antari apan bakku: “I'o wotongnge manganu wuke udde wuṛṛu mamesangnga manga segelene. Ana waugu I'o suete nipate, wuṛṛu ringannu papate-Nu, taumata wuassu al᷊awo'u ṛuanganna wahasa, araratuanna, wuṛṛu walahanna suete niwallian-Nu hunane su Ruata.

IBRANI 9:23

Ringannu olangnge ereudde manga sarannapa apan mammasilo manga inolaanna su surga, ṛinone ukkasanna. Arawe su manga inolaanna su surga udde sassane raddeaanna sasamba apan lembon apianne.

EFESUS 3:19

apan ringannu ṛingiṛṛannu taumata tawe iasunna saran kadio'a. Doronganna i yamiu maaillal᷊a darangngun Kristus udde, na'oman sara i yamiu mapenen apulun Duata apan nasuungnga.

ROMA 8:3

Apa apan tawe ia'ola'u titan agama, ana waugu i ite taumata lome, udde buatte niola'u Ruata. Ruata napaaraun rosa wuassu pallal᷊agun taumata ringannu nandolokku anang-Nge sassane, apan nirumanta ere sangkatou taumata apan marosa, ana waugu manubussa rosa.

AMOS 5:21

Mawu nabbisara, “I Ya'u maddantinna wuṛṛu mattaṛṛa muta ma'ellega manga ramean agamanu!

IMAMATTA 1:9

Ana see taumata udde ṛinone mangukkasa tinaine see palangngu sapi udde, wuṛṛu imam apan uamanara ṛinone manambunnu sarangkanambone. Hal᷊urun sasamba itattambunna udde ma'al᷊uassa naungngu Mawu.

EFESUS 5:25

Esakka, paarangngue awingngu wawine, ere lai Kristus marangngu jamaatta wuṛṛu nate su alu arussa ana waugu jamaatta udde.

1 KORINTUS 5:7

Rammea'a asuene ragi tabbe udde, eteudde ragin paddarosa, tadea'u i yamiu maola'a ere ompengu taponna apan wakku, waresi wuassu ragin paddarosa apan tabbe, wuṛṛu i ya'u masingkata manungku i yamiu atonna aroddi. Ana waugu, ramean Paskahn kite nasaddiate, ana waugu Kristus apan naola'a ere domban Paskahn kite suete niola'a sasamba.

ROMA 4:25

Mawu Yesus udde buatte tinantilla iapapate ana waugu manga rosan kite, see i Tou niapaawiakku Ruata apia, tadea'u i ite maaukka apia ringannu Ruata.

YOHANES 6:51

Ete i Ya'u roti apan niumonto'a wuassu surga – roti apan mangonggolu wiakka. Taumata apan umanna roti indi sarun mabbiakka sarangkal᷊o'engnge. Roti apan Ta'u ionggolla ipabiakku taumata su runia eteudde ṛeme-U.”

ROMA 8:37

Tawe! Ewe'e sulal᷊ummu sarangkanambone udde i ite naasomba auntunganna apan nasuungnga ana waugu i Tou apan niumakkani ite!

IMAMATTA 3:16

Imam apan mammanara ṛinone manambunnu sarangkanambone udde su wowon mezbah. Hal᷊urun sasamba anna udde ma'al᷊uassa naungngu Mawu. Anambon tawan binatangnga udde ionggola su Mawu.

SASABANGNGA 29:18

Onggol᷊a'e domba esakka sarangkanambone udde su wowon mezbah maola'a sasamba itattambunna. Hal᷊urune ma'al᷊uassa naung-Ku.

SASABANGNGA 29:25

Ana see anute roti udde wuassi mangitou wuṛṛu tambuna'e su wowon mezbah, su wowon aonggolla itattambunna udde. Hal᷊urun sasamba udde ma'al᷊uassa naung-Ku.

ROMA 15:16

I Tou buatte na'ola'a si ya'u mangangimben Kristus Yesus tadea'u irolokka su manga walahanna apan wal᷊ine Yahudi. Wuṛṛu i ya'u naola'a sangkatou imam, apan mammasingkattu Watti'u Al᷊al᷊uassa wuassu Ruata, tadea'u manga taumata apan wal᷊ine Yahudi maola'a sambau sasamba su Ruata apan wotongnge sengkamanni Tou. Doronganna Ghaṛṛahon Duata ma'ola'a si mangitou sambau sasamba apan apianne su Ruata sassane.

2 KORINTUS 2:14

Arawe aadiangkamanna su Ruata! I Tou sidutu mangngehetta si yami tumantalongnga su amatanni Kristus ana waugu i yami mabbiakka su sambau ringanni Tou. Ruata nappaatti yami tadea'u watti'a su ola'i Kristus massal᷊iawukka naal᷊ihida hal᷊uru mawangngi su al᷊awo'u tampa.

EFESUS 1:4

Tantal᷊anna runia indi taambe nariaddi, Ruata buatte namile si ite sulal᷊ummi Yesus Kristus ringannu pandumanna tadea'u i ite maola'a pussa'a-Ne sassane wuṛṛu tawe sal᷊ane su saruan-Ne. Ana waugu darangngun Duata,

EFESUS 5:15

Ana waugu udde, panutukka paapia-pia ereapa i'o mabbiakka. Arie mabbiakka ere taumata woddo; pabbiakke ere taumata pande.

FILIPI 4:18

I ya'u suete nanengkamma sarangkanambone – ewe'e nilumebete lai! Anambon aonggolla apan nirohon kamiu si ya'u, suete nitarimmata wuassi Epafroditus. Orassa indi ya'u uatahuanna anambon apa apan pappandumangku. Manga aonggola wuassi yamiu eteudde maola'a sambau sasamba hal᷊urune mawangngi apan nionggole su Ruata wuṛṛu nisengkammu Ruata ringannu naungnga mal᷊uassa.

IBRANI 8:3

Al᷊awo'u imam bahewa nitenega iapa'onggolu sasamba ara'e aonggola su Ruata. Aroddi lai Imam Bahewang kite; i Tou ṛinone pia dorotongnga olaanna sasamba.

TAHIUL᷊E 27:6

ana waugu suapan mezbah apan nipararisikka hunan Mawu Ruatanu ṛinone olaanna wuassu watu apan matohassa. Su wowon mezbah udde ṛinone i yamiu mangonggollu manga sasamba itattambunna.