EFESUS 5:19 - WUKE SUSI WATTI'U AL᷊AL᷊USASSA

¹⁹ Pappaatte manga wisara Mazmur, antari daralo wuṛṛu antarin taumatan Saṛṛani sulal᷊ummu manga hattong kamiu. Ṛinone i yamiu ringannu naungnga apan mal᷊uassa, mangngantarin daralo su Mawu.

EFESUS 5:19 Referans Kwoze

KOLOSE 3:16

Ṛinone manga al᷊aṛṛa'i Kristus apan napenen al᷊amatta umusippa sulal᷊ummu naungngu. Ṛinone i yamiu uatatantiro wuṛṛu uaaonggolu al᷊aṛṛa'a lembon apianne. Antaria'e Mazmur wuṛṛu manga daralo see manga antarin Saṛṛani; pangantarite hunan Duata ringannu apendamu aadiangkamanna sulal᷊ummu naungngu.

1 KORINTUS 14:26

Nariaddi, manga tuṛṛangnga, apa atappasanne sarangkanambone udde? Amungkangngu yamiu maammula massubba Mawu piaddu mangngantari, piaddu mangngaṛṛa'a, piaddu lai mammasingkatu pandumannu Ruata, piaddu mabbisara sulal᷊ummu sasinaukka apan maaṛṛindu'a, wuṛṛu piaddu mannal᷊a'a apa apan iwabbisara udde. Arawe sarangkanambone udde ṛinone olaanna ipangaṛṛa'a wuṛṛu ipangngapia sarangkanambone.

DARALO 95:2

Wette i ite sumaruanna si Tou ringannu antari aadiangkamanna, lumala'u Mawu ringannu aantarin daralo.

WATTI'U MANGA RASUL 16:25

Iraṛṛangngo alloaranete, i Paulus wuṛṛu i Silas u'al᷊iomanna wuṛṛu mangngantarin daralo su Ruata. Manga taumata tataṛṛanganna waine lai tantal᷊anna uararingikka sitarua mangngantari.

DARALO 147:7

Pangantariten manga daralo su Mawu, pannalangke kecapi su Ruatan kite.

YAKOBUS 5:13

Amungkangu su wallatti yamiu pia sangkatou apan tantal᷊anna massusa, ṛinone i tou umal᷊iomanna. Amungkangu piaddu lulluassa, ṛinone i tou mangantari maddalo Ruata.

DARALO 62:8

Ete i Tou Ruata apan nangonggolu asasal᷊amatta wuṛṛu aaddata si ya'u, ete i Tou pattillumangku wuṛṛu mananahe'u apan matohassa.

YESAYA 65:14

Mangke atonna, i mangitou sarun lumala'u al᷊al᷊uassa, arawe i yamiu lumuai ringannu sussangitta.

DARALO 86:12

I ya'u maadiangkamanna Si'o ringannu ahewallu naungku, oh Mawu Ruata'u; i ya'u maddalote awawantu-Gu saran mal᷊annu-l᷊annu.

MATIUS 26:30

Wua'udde i mangitou nangantarin sambau antari daralo. Wuṛṛu wua'udde i mangitou inaite watukku Wuiddu Zaitun.

MATIUS 15:8

‘Arendi wisaran Ruata: Manga taumata udde tumba'u massubba Si Ya'u ringannu manga wisara, arawe naungngi mangitou marau wuassia-U.

1 KORINTUS 14:15

Nariaddi, ṛinone i ya'u ma'ola'a apa? Indi apan sarun ta'u olaanna: I ya'u sarun umal᷊iomannu ghaṛṛaho'u, arawe i ya'u sarun umal᷊iomanna lai ringannu ṛingiṛṛangku. I ya'u sarun mangantari ringannu ghaṛṛaho'u, arawe i ya'u maapulu lai mangantari ringannu ṛingiṛṛangku.

SONDAPPA 5:9

I mangitou mangngantarin sambau antari apan bakku: “I'o wotongnge manganu wuke udde wuṛṛu mamesangnga manga segelene. Ana waugu I'o suete nipate, wuṛṛu ringannu papate-Nu, taumata wuassu al᷊awo'u ṛuanganna wahasa, araratuanna, wuṛṛu walahanna suete niwallian-Nu hunane su Ruata.