EFESUS 5:15 - WUKE SUSI WATTI'U AL᷊AL᷊USASSA

¹⁵ Ana waugu udde, panutukka paapia-pia ereapa i'o mabbiakka. Arie mabbiakka ere taumata woddo; pabbiakke ere taumata pande.

EFESUS 5:15 Referans Kwoze

KOLOSE 4:5

Sulal᷊ummu paa'aukki yamiu ringannu manga taumata apan tawe mangngimanna, ṛinone i yamiu mabbiakka su atatul᷊idda wuṛṛu mappa'attu al᷊awo'u tempo mapia udde, ringannu mapia-pia.

YAKOBUS 3:13

Amungkangu su wallatti yamiu pia sangkatou apan pande wuṛṛu pia buddine, ṛinone i tou mapaal᷊iatta'a ringannu mabbiakka mapia, wuṛṛu ringannu ma'ola'a inolaanna apan mapia, apan rarundinganannu awawon naungnga wuṛṛu apapande.

FILIPI 1:27

Ne, apianne orassa indi eteudde manungku i yamiu mabbiakka mapia ere su ipaapulun Watti'u Al᷊al᷊uassa su ola'i Kristus udde. Ringannu aroddi tanne i ya'u wotongnge mappassomban kamiu ara'e tate, i ya'u sarun maaringikka manungku i yamiu siddutu uaaukka wuṛṛu mammanara suaddio'a tumba'u sambau pandumma wuṛṛu sambau apulu; eteudde hunan pangangimanna apan uasul᷊ungngu Watti'u Al᷊al᷊uassa wuassu Ruata udde.

1 KORINTUS 14:20

Manga tuṛṛangnga! Arie paṛṛingidda ere al᷊aṛṛana'a. Sulal᷊ummu al᷊al᷊eo, ṛinone i yamiu uatatana'a ere ana'a maradio'a. Arawe sulal᷊ummu paṛṛaṛṛingidda, ṛinone i yamiu maola'a taumata apan timmaddete.

AMSAL 14:8

Taumata pande masingkatta ereapa ṛinone mammanara, taumata woddo niawusuannu awawoddone.

1 TIMOTIUS 6:9

Arawe taumata apan maapulu maola'a ala, inawono'anna wuṛṛu niasamettu al᷊awo'u aapulu apan woddo wuṛṛu mandal᷊eo. Manga aapulu udde ma'ola'a taumata maṛṛimunsa'a wuṛṛu masilaka.

1 PETRUS 1:22

Ana waugu i yamiu matuṛṛutta su al᷊aṛṛa'u Ruata, ne i yamiu namaresi wadanga wuṛṛu i yamiu tuttal᷊antupu manga taumata pangangimanne sambau ringannu atonna-tonna. Ana waugu udde, ṛinone i yamiu uararangngu sangkatou ringannu waine ringannu al᷊al᷊uassu naungngu.

MATIUS 10:16

“Daringiṛṛe paapia indi: i Ya'u nandolokki yamiu naal᷊ihidda domba apan tawe auatanne su wallattu serigala mal᷊aṛṛaga. I yamiu ṛinone paatehamma ere atoanna wuṛṛu matul᷊idda naungnge ere merpati.

1 TESALONIKA 5:15

Paariagai tadea'u arie pia taumata apan mabal᷊issu al᷊al᷊eo ringannu al᷊al᷊eo. Paddea'e sidutu ringannu ma'ola'a apapia, sangkatou ringannu waine wuṛṛu su anambon taumata.

LUKAS 24:25

See Mawu Yesus nabbisara si mangitou, “I yamiu woddo atonna! Tumanite mal᷊iwue i yamiu mangngimanna anambon apa apan suete niapasingkattu manga nabi!

GALATIA 3:3

Anio i yamiu aroddi awoddone! I yamiu mannattake mabbiakka wakku ringannu Ghaṛṛahon Duata, ṛatadde orassa indi yamiu maapulu maasomba asasuungnga wuassu auatannu sassane?

AYUB 2:10

Sasimbakki Ayub, “I'o mabbisara naal᷊ihidda taumata longonna! Ṛatadde i ite tumba'u mappulu manengkamma apa apan apianne wuassu Ruata, wuṛṛu al᷊eoanne i ite maddiri?” Nariaddi, salaiwe i Ayub uapasanna anambon asasilaka udde, i tou tawe mapasabbangngu wisara apan lullawangnga Ruata.

IBRANI 12:25

Ana waugu udde, paatehamma arie ma'oman sara i yamiu maddiri maddaringikka si Tou apan mabbisara udde. I mangitou apan maddiri maddaringikka si Tou apan nirumanta su runia wuṛṛu namasingkatu watti'u Ruata, tawe maatal᷊angngu watanganne. Lembonete lai i ite indi apan uararingikka si Tou mabbisara wuassu surga! Amungkangu i ite maddiri maddaringikka si Tou, i ite tawe maatal᷊angnga wuassu ṛuumanna!

MATIUS 27:24

Panginsueanne i Pilatus naatutukka, manungku i tou tawe wotongnge maaola'a apa-apa lai wuṛṛu manungku manga taumata udde asinungka sarun mamangalo. Nariaddi i tou nanganu ua'e, see su saruannu taumata nambo udde i tou nangukkassa limane wuṛṛu nabbisara, “I ya'u tawe sal᷊ane su apapaten taumata indi! udde manarateng kamiu!”

SONDAPPA 19:10

I ya'u nassumaga su saruannu mala'ekatta udde ana waugu nassubba si tou, arawe i tou nabbisara si ya'u, “Arie! Arie passubba si ya'u, passubbate Ruata! Ana waugu i ya'u lai allangnga ere i'o wuṛṛu ere anambon tuṛṛangu apan uaaggasa matohassa su watti'u Mawu Yesus!” Ana waugu ete watti'u Mawu Yesus udde mannantiro manga taumata apan mabatti'u papatta.

MATIUS 8:4

See Mawu Yesus nabbisara si tou, “Naunge! Arie pabbatti'a sisai-sai. Arawe roote ringannu imam, wuṛṛu paddorongnga si tou manantunna manungku i'o napiate. Wua'udde anggil᷊a'e sasamba apan suete nitita Musa, maola'a manga tatiala su taumata manungku i'o napiate atonna!”

EFESUS 5:33

Arawe tatialane udde pia sasampange lai ringanni yamiu; Ṛinone suapan esakka mandangngu awingnge wawine ere lai i tou mandangngu wadangnge sassane wuṛṛu ṛinone suapan wawine mangaddatta awingnge esakka.

2 SAMUEL 24:10

Arawe napawe i Daud buatte nandeengngu walahanna udde, i tou naapendamma pasasal᷊a, wua'udde i tou nabbisarate Mawu, “Oh Mawu, i ya'u tumaniten marosa! Ampungewe i ya'u, ana waugu inolaangku udde tumaniten longonna.”

SASABANGNGA 23:13

Daringiṛṛete sarangkanambone apan buatte Ta'u niwisara si'o. Imbaṛṛangnga massubba manga Mawu waine, ewe'e lai managgon aranne lai arie.”

KOLOSE 1:9

Ana waugu udde i yami sidutu u'al᷊iomanni yamiu ro'en i yami naaringikka su ola'i yamiu. I yami naddorongnga su Ruata tadea'u Ghaṛṛahon Duata mangonggolu apande wuṛṛu asingkata si yamiu, na'oman sara i yamiu maasunna apa ipaapulun Duata.

GALATIA 3:1

Manga tuṛṛangnga taumatan Galatia! I yamiu woddo atonna. Tanne i yamiu niaṛṛinoanten wawono'i sai? Papaten Kristus su alu arussa suete ta'u tinal᷊a'a ringannu masema-semakka si yamiu!

MATIUS 27:4

I tou nabbisara, i ya'u suete na'ola'a rosa nandal᷊eo taumata tawe sal᷊ane, na'oman sara i Tou niṛṛuumanna pateanna! Arawe i mangitou sinumimbakka, “Masingkattu apa i yami? Udde singkannu!”

MATIUS 25:2

Sire lima su wallatti mangitou boddo, wuṛṛu sire lima waine pande.

DARALO 73:22

i ya'u longonna tawe maasunna, i ya'u naal᷊ihidda winatangnga su saruan-Nu.

AMSAL 15:21

Awawoddo udde al᷊al᷊uassu taumata lal᷊eo, taumata pande mabbiakka matul᷊idda.

EFESUS 5:2

Wiakku ṛinone aintaṛṛoannu darangngu, ere lai Kristus marangngu si ite. I Tou nanantillu watangan-Ne ana waugu i ite, maola'a sambau sasamba apan mawangngi wuṛṛu maal᷊uassa naungngu Ruata.