EFESUS 4:5 - WUKE SUSI WATTI'U AL᷊AL᷊USASSA

⁵ Mawu tumba'u sambau, sambau pangangimanna, wuṛṛu sambau pananaṛṛani,

EFESUS 4:5 Referans Kwoze

1 KORINTUS 8:6

Arawe si ite, Ruata tumba'u tinggassa. I tou Iamangnga apan nandiaddi sarangkanambone. Ete hunane si Tou i ite mabbiakka. Wuṛṛu Mawu tumba'u sambau lai, eteudde Yesus Kristus. Sulal᷊ummi Tou sarangkanambone niriaddi, wuṛṛu ana waugu ete i Tou i ite wiakka.

1 KORINTUS 12:13

Aroddi lai i ite sarangkanambone, mawae taumatan Yahudi, see lai taumata wal᷊ine Yahudi, manga allangnga, ara'e manga taumata napallose; i ite sarangkanambone buatte nissaṛṛanin Ghaṛṛaho apan uasul᷊ungnga udde. I ite lai sarangkanambone sarun maapendama Ghaṛṛaho apan sambau udde ringannu tawe urangnge.

1 PETRUS 3:21

Ne riadianna udde naola'a sambau sasumandinga wuassu sasaṛṛani apan orassa indi mannal᷊amatta si yamiu. Sasaṛṛani indi wal᷊ine sambau lal᷊agu ipammaresi wadanga wuassu anambon luhuda, ewe'e maola'a sambau paairenu su Ruata wuassu lal᷊ummu naungnga apan mapia. Sasaṛṛani udde mannal᷊amatta si yamiu ana waugu Yesus Kristus suete nabbiakka apia wuassu papate,

ROMA 3:30

Ana waugu Ruata tumba'u sambau. Ete i Tou apan namalan taumatan Yahudi maaukka apia ringannu Ruata ana waugu i mangitou mangngimanna. Wuṛṛu ete i Tou lai apan namala manga taumatan walahanna waine maaukka apia ringannu Ruata, udde lai ana waugu i mangitou mangngimanna.

MATIUS 28:19

Ana waugu udde roote su anambon taumata su wowon dunia indi, ola'e i mangitou mallal᷊aṛṛenggeng-Ku. Saṛṛanite i mangitou ringannu arannu Iamangnga, wuṛṛu Ana'a, wuṛṛu Ghaṛṛahon Duata.

1 KORINTUS 1:13

Mangal᷊ene Kristus natahia! Paulus tawe nate niarussa ana waugu i yamiu! I yamiu lai tawe nissaṛṛani tadea'u maola'a mallal᷊aṛṛenggenni Paulus. Wal᷊inewe aroddi?

YUDAS 1:3

Manga tuṛṛangnga apan arangnguanna! I ya'u atonna-tonna pia pandumanna mamoṛṛettu suratta si yamiu su ola'u asasal᷊amatta apan suete niapendamanni ite suaddio'a. Arawe orassa indi ya'u pia pandumma mangaṛṛa'a si yamiu ringannu suratta indi tadea'u i yamiu siddutu mammanara maddea'a pangangimanna apan paassate nionggolu Ruata ma'oman sara mal᷊annu-l᷊annu su al᷊aṛṛanang-Nge.

2 KORINTUS 11:4

Ana waugu ellehanna i yamiu mal᷊uassa manarimmattu taumata apan rumanta ringannu wuṛṛu mangngaṛṛa'u Mawu Yesus waine – wal᷊ine Mawu Yesus apan niapaasingkati yami si yamiu. Wuṛṛu i yamiu lai mal᷊utu manal᷊oho ghaṛṛaho wuṛṛu “watti'u al᷊al᷊uassa” apan uapapaṛṛalan Ghaṛṛahon Duata wuṛṛu Watti'u Al᷊al᷊uassa apan suete nitarimmatti yamiu wuassi yami.

ZAKARIA 14:9

Ne Mawu sarun mamarenta maola'a ratu su ahewallu runia; suapan taumata sarun massubba si Tou ere Ruata wuṛṛu maaillal᷊a si Tou ringannu aranna apan uasul᷊ungnga.

FILIPI 2:11

I mangitou sarangkanambone sarun manga'u manungku ete Yesus Kristus udde Mawu; ringannu aroddi Ruata Iamangnga wantuhanna.

EFESUS 4:13

Ringannu aroddi i ite sarangkanambone naola'a sambau ana waugu pangangimanna apan uasul᷊ungnga wuṛṛu pasasunna apan uasul᷊ungnga su ola'u Ana'u Ruata. Wuṛṛu i ite naola'a manga taumata timmade apan mallannu aatambanna asasuungnge ere Kristus.

GALATIA 5:6

Ana waugu amungkangu i ite buatte naaukka ringanni Kristus Yesus, su ola'u tumuṛṛutta ara'e maddiri tumuṛṛutta atorannu sunatta tate maola'a sambau hatto lai. Lembon apianne tumba'u mangngimanna si Kristus, wuṛṛu udde nilumiatta'a sulal᷊ummu darangngun kite su taumata waine.

1 KORINTUS 12:5

Pia manambo lai hatin manara ipangimbe Mawu, arawe Mawu apan a'imbeanna udde, Mawu tinggassa lai!

YUDAS 1:20

Arawe i yamiu manga tuṛṛangku, paddul᷊ianete siddutu wiakku sulal᷊ummu pangangimannu si Yesus Kristus. Pangangimannu udde lembon susi. Tantal᷊anna udde aal᷊iomante ringannu Taṛṛinon Ghaṛṛahon Duata,

IBRANI 13:7

Imbaṛṛanga maabul᷊i manga piaṛṛangu apan namasingkatu tanatan Ruata si yamiu. Paaellehe ereapa i mangitou mabbiakka wuṛṛu ereapa i mangitou mate, wuṛṛu tannoite pangangimanni mangitou.

IBRANI 6:6

Arawe wua'udde i mangitou nassinaadu Mawu! Apa wotongnge mangaṛṛa'a si mangitou apia mawal᷊u wuassu manga rosa mangitou. Ana waugu i mangitou tantal᷊anna mangngarussan Ana'u Ruata apia wuṛṛu manggal᷊usa'a si Tou su saruannu awada'alla.

TITUS 1:4

Titus, eteudde i'o atonna-tonna ana'u, ana waugu i'o wuṛṛu i ya'u suaddio'a suete nangimanna si Kristus. I ya'u mangantimma doronganna Ruata Iamangnga wuṛṛu Kristus Yesus Ratum Punnu Sal᷊amatti ite, mangonggolu al᷊amatta wuṛṛu paddarame si'o.

TITUS 1:1

Ana'u Titus! I ya'u, Paulus, namoṛṛetu suratta indi ere ola'u sangkatou allangngu Ruata wuṛṛu rasulli Yesus Kristus. I ya'u nipile wuṛṛu nirolokka mantul᷊ungu manga taumata apan nipilen Duata tadea'u maola'a matohassa sulal᷊ummu pangangimanni mangitou. I ya'u lai ṛinone mangehetta si mangitou tadea'u maasingkattu al᷊aṛṛa'a apan naṛṛino niaṛṛa'u agaman kite.

FILIPI 3:8

Wal᷊ine tumba'u manga inolaanna udde; arawe lai al᷊awo'u inolaanna apan sassunnangku ere manga inolaanna tumba'u maaruggi. Apan tatahuanangku orassa udde lembon maaregganne; eteudde maaillal᷊a si Kristus Yesus Mawu'u. Ana waugu Kristus, ne i ya'u suete namallosu manga al᷊awo'a. Aellehangku sarangkanambone udde ere sapadda, tadea'u i ya'u wotongnge maasomba si Kristus,

WATTI'U MANGA RASUL 10:36

Manga tuṛṛangnga masingkate lal᷊oṛṛon watti'a apan niapaasingkattu Ruata su walahannu Israel. Eteudde Watti'u Al᷊al᷊uassa su ola'u padarame sulal᷊ummu Mawu Yesus Kristus, eteudde Mawun anambon taumata.

WATTI'U MANGA RASUL 2:36

Ana waugu udde anambon taumatan Israel ṛinone maasingkatta atonna-tonna manungku Mawu Yesus apan niarussang kamiu udde, eteudde Mawu Yesus apan nitenegu Ruata maola'a Mawu wuṛṛu Ratum Punnu Sal᷊amatta!”

2 PETRUS 1:1

Manga tuṛṛangnga apan atonna-tonna mangngimanna ere i yami! Yesus Kristus, eteuddde Ruata wuṛṛu Ratun Punnu Sal᷊amatti ite, namalan kite mangngimanna si Tou, ana waugu i Tou pia paa'ola'a apan su ṛinone. Suratta indi wuassi Simon Petrus, sangkatou allangnga wuṛṛu rasullu Mawu Yesus Kristus.

YAKOBUS 2:18

Asinungka piaddu mabbisara, “Pia taumata uatundeeta su pangangimanne wuṛṛu pia lai uatundeeta su pallal᷊agune.” I ya'u sarun sumimbaka, “Ta'ea'o sia'u ereapa taumata pia pangangimanna ringannu tawe pallal᷊agu wuṛṛu i ya'u sarun mapaa'al᷊iatta'u pallal᷊agu manungku i ya'u pia pangangimanna.”