EFESUS 4:32 - WUKE SUSI WATTI'U AL᷊AL᷊USASSA

³² Arawe ṛinone naungngi yamiu waresi wuṛṛu uaa'akkana sangkatou ringannu waine, wuṛṛu uaaonggolu ampunga ere lai Ruata nangampunga si yamiu sulal᷊ummi Kristus.

EFESUS 4:32 Referans Kwoze

MARKUS 11:25

Wuṛṛu amungkangngu i yamiu umal᷊iomanna; arawe naungngi yamiu tawe mal᷊uassa su sangkatou taumata, ampungnge asuene taumata udde, tadea'u Iamangngu su surga lai mangampungnga manga rosanu. [

2 KORINTUS 2:10

Amungkangngu i yamiu mangampunga taumata apan buatte nassal᷊a si yamiu, ne i ya'u lai mangampunga taumata udde. Ana waugu apa apan buatte niampungangku – amungkangngu atonna ta'e pia apan ta'u ampunganna – udde ampungangku su saruanni Kristus maola'a apapian kamiu.

EFESUS 5:1

Ete i yamiu udde al᷊aṛṛana'u Ruata apan arangnguan-Ne, ana waugu udde i yamiu ṛinone mattanno tul᷊ada Duata.

LUKAS 6:35

Ṛinone wal᷊ine aroddi! Ewe'e i yamiu ṛinone umakkannu seetti yamiu wuṛṛu pia pallal᷊agu mapia si mangitou. I yamiu ṛinone mapawallassa wuṛṛu arie mangantimma mawelengnga apia. Amungkangngu aroddi, lal᷊antakku wahewa wuṛṛu i yamiu sarun maola'a al᷊aṛṛana'u Ruata Apan Atanggaṛṛanne. Ana waugu Ruata naungnge mapia su saruannu taumata apan waga ma'aidengkamanna, wuṛṛu su saruannu taumata lal᷊eo lai.

LUKAS 6:37

“Imbaṛṛangnga maṛṛuungngu taumata waine, tadea'u i yamiu lai sassane tawe iṛṛuungngu Ruata. Imbaṛṛangnga maṛṛuumannu taumata waine, tadea'u i yamiu sassane tawe iṛṛuumannu Ruata. Ampungete taumata waine, tadea'u Ruata lai mangampungnga si yamiu.

1 KORINTUS 13:4

Taumata apan marangngu taumata waine, masabbare wuṛṛu naungnge mapia. I Tou tawe mapaasabangngu naungnga lal᷊eo, tawe tal᷊imoṛṛonganna, tawe mamarabunga.

LUKAS 17:4

Amungkangngu i tou nassal᷊a si'o paapitu sulal᷊ummu massallo wuṛṛu suapan massal᷊a rumanta ringannu wuṛṛu mabbisara, ‘I ya'u madorongnga ampungnga,’ ampungewe i tou.”

MATIUS 6:12

Ampungewe i yami wuassu passasal᷊ang kami, ere lai yami suete nangampungnga taumata apan nassal᷊a si yami.

DARALO 145:9

I Tou masaṛṛionto'a su al᷊awo'u taumata, wuṛṛu marangngu anambon inariaddian-Ne.

1 YOHANES 2:12

I ya'u namoṛṛetu suratta indi si yamiu, Al᷊aṛṛana'u, ana waugu rosanu suete niampunganna ana waugu Kristus.

ROMA 12:10

Ṛinone manga tuṛṛangnga uararangngu sangkatou ringannu waine wuṛṛu uaa'akkanna ere manga taumata apan uasangkatuṛṛangnga sulal᷊ummu amonanna sambau, wuṛṛu ṛinone i yamiu ual᷊al᷊iu ṛoro mangonggolu addatta.

1 YOHANES 1:9

Arawe amungkangu i ite manga'u al᷊awo'u rosan kite su Ruata, i Tou sarun manipussa paaire-Ne wuṛṛu ma'ola'a atatul᷊idda. I Tou sarun mangampunga manga rosan kite wuṛṛu mangukkasa si ite wuassu al᷊awo'u al᷊al᷊eon kite.

2 KORINTUS 2:7

Orassa indi yamiu ṛinone mangampunga si tou wuṛṛu mangonggolu sasasa lai si tou tadea'u i tou tawe tumaniten masusa naungnge ma'oman sara tate antimma saran kadio'a.

YAKOBUS 5:11

I mangitou nisaggo su lal᷊umanna'a ana waugu i mangitou masabare. I yamiu suete naaringikka su ola'u asasabaren Ayub, wuṛṛu i yamiu masingkata lai ereapa panginsueanne Mawu nangal᷊amatta si tou. Ana waugu Mawu lembon marangngu wuṛṛu naung-Nge mapia.

2 KORINTUS 6:6

Ringannu pia inolaanna mapia, pande, masabbare, wuṛṛu naungnga mapia, i yami mapaal᷊iatta'a manungku i yami udde allangngu Ruata. Wuṛṛu lai ringannu uaantimma tatul᷊ungnga wuassu Ghaṛṛahon Duata, wuṛṛu ringannu darangngu apan su ṛinone,

LUKAS 11:4

Ampungnge manga rosang kami, ana waugu i yami lai mangngampungnga taumata sangkatou-sangkatou apan nassal᷊a si yami. Wuṛṛu arie mamalang kami awul᷊iannu pangangimanna su tempo i yami uasaruanna wawal᷊intongnga.’ ”

LUKAS 1:78

Mawung kite naung-Nge masaṛṛionto'a wuṛṛu maakkanna; ana waugu manal᷊amatta si ite i Tou nirumanta. Ere matannallo sinumabbangnga su rua'allo,

YESAYA 57:1

Taumata mapia wuṛṛu maagama nate, taweddu maasunna ara'e ma'innunu olangnge udde. Napawe buatte nate, i mangitou nal᷊iute wuassu asasilaka wuṛṛu mangngillol᷊ote ringannu paddarame.

AMSAL 19:22

Pallal᷊agu apan aantimanna wuassu sangkatou eteudde asasatiane. Mappianne asiangnga wuassu mabbal᷊i taṛṛa awusu.

AMSAL 12:10

Taumata mapia mappadul᷊i winatangnge; arawe taumata lal᷊eo mannansara winatangnge.

DARALO 112:9

I Tou mattahia paa'alane, wuṛṛu nangonggolu darotonge su taumata asiangnga; i tou sidutu ma'ola'a apapia, ana waugu i tou uaparenta wuṛṛu aaddatanna.

RUT 2:20

“Ana'a, taumata udde tuṛṛangngi ite ta'e ṛepessa,” unni Naomi. “Ete i tou apan ṛinone mabiakka si ite. Antimanna Mawu mangal᷊amatta si tou. Mawu sidutu manipussa pa'aire-Ne, mawae ete su taumata apan ta'e wiakka ara'e lai si mangitou apan natete.”

2 PETRUS 1:7

Wuṛṛu mabbiakka tuttuṛṛutta su apulun Duata ṛinone lai suungannu darangngu su manga tuṛṛangnga apan su pangangimanna sambau. Wua'udde ṛinone lai darangngunu su manga tuṛṛangnga pangangimanna sambau suungannu darangngu su anambon taumata.

WATTI'U MANGA RASUL 28:2

Tumana'u taṛṛanusa udde masaṛṛionto'a atonna si yami. I mangitou nanal᷊oho si yami sarangkanambone ringannu mapia wuṛṛu nakkunuttu putungnga hunang kami ana waugu mangnguṛṛintingke wuṛṛu runia lai masunge.

2 SAMUEL 7:21

Sulal᷊ummu pa'aire-Nu wuṛṛu wuassu apulu-Nu sassane I'o na'ola'a manga inolaanna wahewalla udde ipangaṛṛa'a allang-Ngu indi.

AMSAL 19:11

Taumata pande wotongnge maaṛṛaddannu asasa'une. I tou raddaloanna ana waugu tawe mandeengngu pasasal᷊an taumata si tou.

YEREMIA 38:12

I Ebed-Melekh nandolo'u mangaddo manga mal᷊aṛṛenessa udde su anggal᷊ea'u maola'a aampakka, tadea'u tal᷊i udde tawe malliwitta si ya'u. Ne i ya'u tinumuṛṛutta parentan Ebed-Melekh.