EFESUS 4:28 - WUKE SUSI WATTI'U AL᷊AL᷊USASSA

²⁸ Taumata apan inanaramanne manna'o ṛinone i tou mangillol᷊o manna'o. Mappianne i tou mammanara tadea'u maasomba anna ringannu su ṛinone wuṛṛu wotongnge mantul᷊ungngu taumata apan pia awunne.

EFESUS 4:28 Referans Kwoze

1 TIMOTIUS 6:18

Paddorongke si mangitou mapaal᷊iatta'u apapia, ringannu ma'ola'a al᷊awo'u inolaanna apan mapia, masaṛṛionto'a, wuṛṛu laghune mapia.

GALATIA 6:10

Nariaddi, tantal᷊anna ta'e pia tempo si ite, ṛinone i ite ma'ola'a apapia su anambon taumata, nipangillembo su manga tuṛṛangngi ite apan sulal᷊ummu pangangimanna sambau.

SASABANGNGA 20:15

Imbaṛṛanganga manna'o.

ZAKARIA 5:3

Wua'udde i tou nabbisara si ya'u, “Su wuke lal᷊ul᷊unanna udde uawoṛṛetta wawontoga su ahewallu wanua indi. Su ul᷊appane paarorone uawoṛṛetta manungku suapan taṛṛa ta'o sarun iapasabbangnga wuassu wanua indi. Wuṛṛu su sangkulappa waine uawoṛṛetta manungku suapan taumata apan massalu awusu lai sarun iapasabbangnga.

YOHANES 12:6

I Yudas nabbisara aroddi wal᷊ine ana waugu i tou tuttundaallu taumata asiangnga, arawe ana waugu i tou taṛṛa ta'o. I tou masokka manna'o roitti mangitou wuassu pangadoannu roitta apan uaraddo si tou.

LUKAS 19:8

Wua'udde su wal᷊ene i Zakheus nirumarisikka wuṛṛu nabbisara Mawu Yesus, “Mawu, sangkawageanganna wuassu rarotongku sarun ionggolla su taumata asiangnga; wuṛṛu su alawo'u taumata apan suete niawusuangku, sarun waeṛṛanna apia si tou paappatta wuassu paarorone!”

HOSEA 4:2

I mangitou nassalu arawe i mangitou tawe nanipussa; i mangitou nangawusu, mammate, manna'o wuṛṛu sussandaga. Al᷊al᷊eo aatambanna, wuṛṛu pamamate ual᷊al᷊isansunna.

YEREMIA 7:9

I yamiu manna'o, mammate, sussandaga, mattiala awusu, mangngongollu sasamba si Baal, wuṛṛu massubba manga monganna apan awagananni yamiu.

SASABANGNGA 20:17

Imbaṛṛangnga numemma darotongngu taumata waine, wal᷊ene, awingnge, manga allangnge, winatangnge, keledaine, ara'e sarangkanambone apan tatahuananne.”

2 KORINTUS 8:12

Amungkangngu i yamiu maapulu mangonggola, ne Ruata sarun manengkamma aonggolu udde pinangiananne wuassu apa apan pia si yamiu, wal᷊ine pinangiananne wuassu apa apan tawe si yamiu.

2 KORINTUS 8:2

I mangitou buatte niannamannu manga asasusa apan mawakkata. Arawe su pattangngannu manga asasusa udde, i mangitou lulluassa, wuṛṛu naungnge masaṛṛionto'a ipangonggolu sumbala ipantul᷊ungngu taumata waine, salaiwe i mangitou asiangnga.

ROMA 12:13

Patatul᷊ungnga mapaasuungngu hausannu manga taumatan Saṛṛani waine wuṛṛu sal᷊ohoiwe manga tuṛṛangnga su pangangimanna sambau apan ta'e awaganannu, ringannu naungnga mal᷊uassa sulal᷊ummu wal᷊enu.

YOHANES 13:29

Piaddu massunna Mawu Yesus mandolokki Yudas mamalli sarannapa apan ipaatta su andeangnga udde, ara'e mangonggolu roitta adio'a su taumata asiangnga ana waugu i Yudas eteudde sangkatou mananahipunna roitti mangitou.

LUKAS 3:8

Pasiloa'e ringannu pallal᷊agunu manungku i yamiu nawal᷊ute wuassu manga rosanu! Arie mabbisara manungku Abraham udde iupungngu al᷊amonanu. Naunge: Wuassu manga watu indi lai Ruata wotongnge ma'ola'a papapulunni Abraham!

AMSAL 30:9

Ana waugu, amungkangngu i ya'u ala, asinungka i ya'u sarun mabbisara manungku i ya'u tate mappandumma si'o. Wuṛṛu napawe i ya'u asiangnga, asinungka i ya'u sarun manna'o ma'oman sara mandal᷊eote aran-Nu.”

AMSAL 28:13

Isai apan mammunin dosane tawe mauntungnga. Isai manga'u wuṛṛu manantangngu rosa, sarun dangnguannu Mawu.

AMSAL 14:23

Sulal᷊ummu anambon manara wuṛṛu auntunganna; hatto awusu ma'ola'a taumata manawo su paasiangnga.

AMSAL 13:11

Paa'ala apan niasombanganne ringannu hampa sarun mal᷊ihakka lai mahaingnga; arawe darotongnga apan niammulla paaddio'a sarun aatambanna.

AYUB 34:32

I'o buatte naddorongnga tadea'u i Tou manta'en pasasal᷊anu? I'o buatte nassalu manungku mangaddon inolaanna udde?

SASABANGNGA 21:16

Isai apan natal᷊angngu sangkatou taumata, ṛinone iṛṛuumanna pateanna, tanne taumata udde buatte niwal᷊ungnge ara'e ta'e su wal᷊ene.

AMSAL 21:26

Su al᷊o'engngu allo i tou tumba'u maṛṛingidda su ola'u apa apan ipaapulune. Arawae mawal᷊i'a, taumata apan matul᷊idda wiakke wotongnge mangonggolla ringannu manambo-nambo.

AMSAL 31:20

I tou tawe mapiikka su taumata awussa; i tou masaṛṛionto'a su taumata apan ma'itul᷊ungnga.

1 KORINTUS 4:12

i yami mammanara maṛṛimadda tadea'u maasomba anna. Amungkangngu i yami wontohanna, i yami mabbal᷊issu al᷊amatta; amungkangngu i yami pateanna, i yami masabbare;

TITUS 3:8

Wisara indi atonna-tonna. I ya'u maapulu i'o mangaṛṛa'u olangnge indi, tadea'u manga taumata apan mangngimanna Ruata atonna-tonna maddea'a ma'ola'a manga manara apan mapia wuṛṛu mahuna su anambon taumata.

TITUS 3:14

Manga taumatan kite ṛinone mangurumma al᷊aṛṛa'a, ma'ola'a inolaanna apan mapia tadea'u wotongnge mapaasuungngu sarannapa apan ipaapulune; arie ma'oman sara i mangitou mabbiakka tawe gunane.