EFESUS 4:15 - WUKE SUSI WATTI'U AL᷊AL᷊USASSA

¹⁵ Tawe! Mappianne i ite mapaal᷊iatta'u manga inolaanna apan atonna wuṛṛu ringannu naungnga apan napenen darangngu, na'oman sara su al᷊awo'u inolaanna i ite mal᷊annu-l᷊annu masuungnga ere lai Kristus, apan naola'a tembonanni ite.

EFESUS 4:15 Referans Kwoze

1 YOHANES 3:18

Al᷊aṛṛana'u! Arie i ite umakkana tumba'u su moṛṛonga ara'e tumba'u ringannu wisara. Ṛinone i ite umakkana ringannu aakkana apan tutune, apan niapaal᷊iatta'a ringannu inolaanni ite.

EFESUS 4:25

Ana waugu udde manga tuṛṛangnga sarangkanambone, ariete mangawusu. Pa'ola'e mapia sangkatou ringannu sangkatou, ana waugu i ite sarangkanambone uddewe suadio'a naola'a wageangngu wadangi Kristus.

ZAKARIA 8:16

Eteindi manga parenta apan rinone olaanni yamiu: Amungkangngu mabbisara, pabbisarate ringannu atonna su sansul᷊ungngu. Pangonggollennu pallaṛṛuungnga apan matul᷊idda wuṛṛu mangngapiddu paddarame.

1 PETRUS 1:22

Ana waugu i yamiu matuṛṛutta su al᷊aṛṛa'u Ruata, ne i yamiu namaresi wadanga wuṛṛu i yamiu tuttal᷊antupu manga taumata pangangimanne sambau ringannu atonna-tonna. Ana waugu udde, ṛinone i yamiu uararangngu sangkatou ringannu waine ringannu al᷊al᷊uassu naungngu.

2 PETRUS 3:18

Ṛinone i yamiu lembon maapendamma al᷊amattu Mawu Yesus Kristus, Mawu wuṛṛu Punnu Sal᷊amatti ite, wuṛṛu ṛinone i yamiu lai lembon maaillal᷊a si Tou. Daralo si Tou, orassa indi wuṛṛu ma'oman sara mal᷊annu-l᷊annu! Amin. Tabea wuassi yami, Petrus

EFESUS 2:21

Ete i Tou apan nangatokku ahewallu wal᷊e udde naola'a Wal᷊en Duata apan tumba'u hunane su Mawu.

EFESUS 1:22

Ruata napasuṛṛubbawan sarangkanambone udde su al᷊unggu parentan Kristus, wuṛṛu nangonggoli Kristus su jamaatta maola'a tembonannu al᷊awo'u jamaatta.

1 PETRUS 2:2

Ṛinone i yamiu maola'a ere ana'a wakku niasungkanga, sidutu maroun susu ghaṛṛaho apan waresi. Ringannu aroddi yamiu sarun tumuwo wuṛṛu iapaasal᷊amatta.

ROMA 12:9

Pandangngute ringannu ahewallu naungngu. Paaraua'a al᷊al᷊eo, wuṛṛu pa'ola'e apapia.

YOHANES 1:47

Mawu Yesus naasilo si Natanael nirumanta, see nabbisara su ola'i tou, “Pa'ellega, udde taumatan Israel tutune. Tawe awusune i tou.”

EFESUS 5:23

Ana waugu esakka maola'a piaṛṛa'u awingnge wawine, ere lai Kristus naola'a tembonannu jamaatta wuṛṛu i Tou sassane lai Ratum Punnu Sal᷊amattu jamaatta apan naola'a wadang-Nge.

2 KORINTUS 4:2

I yami tawe mappaattu inolaanna marandumma apan maasili. Yami maddiri mammanara ringannu mangngapande ara'e mammal᷊elongngu wisaran Duata. I yami mangngimbe Ruata ringannu naungnga apan matul᷊ida tumuṛṛuttu apulu-Ne. Ana waugu udde, i yami mangngantimma anambon taumata ma'ellega si yami ringannu mapia sulal᷊ummu naungnge.

DARALO 32:2

Lal᷊umanna'a su taumata apan al᷊al᷊eone tawe nireengngu Mawu, wuṛṛu maddiri mamahia.

MAL᷊AṚṚUUNGNGA 16:15

Wua'udde i Delila nabbisara si tou, “Ah, i'o mabbisara manungku i'o marangngu si ya'u, wutte'e naungngu marau wuassia'u! Paatallute i'o mannalangnga si ya'u, wuṛṛu orassa indi lai i'o tawe mamasingkatta anio i'o tumaniten matohassa.”

2 KORINTUS 8:8

I ya'u tawe nandolokka udde maola'a sambau parenta. Arawe ringannu namasilo aroddi aṛṛimadde taumata waine mantul᷊ungngu taumata sansul᷊ungnge, i ya'u lai maapulu maasingkata na'oman sara suapa, darangngunu.

MALEAKHI 4:2

Arawe si yamiu apan matuṛṛutta si Ya'u, taṛṛino-U apan mannal᷊amatta sarun sumabbangnga ere matannallo, wuṛṛu semakke mangngapiddu apapia. I yamiu sarun mapallossa wuṛṛu lumuassa ere ana'u sapi apan wakku niapasabbangnga wuassu tatandange.

1 KORINTUS 11:3

Arawe i ya'u maapulu lai yamiu maasingkata sambau hatto, eteudde manungku apan maola'a tembonannu al᷊awo'u taumata esakka eteudde Kristus; apan maola'a tembonannu awingnge wawine eteudde awingnge esakka, wuṛṛu apan maola'a tembonanne wuassu Kristus eteudde Ruata.

EFESUS 1:4

Tantal᷊anna runia indi taambe nariaddi, Ruata buatte namile si ite sulal᷊ummi Yesus Kristus ringannu pandumanna tadea'u i ite maola'a pussa'a-Ne sassane wuṛṛu tawe sal᷊ane su saruan-Ne. Ana waugu darangngun Duata,