EFESUS 4:12 - WUKE SUSI WATTI'U AL᷊AL᷊USASSA

¹² Indi niolang-Nge tadea'u al᷊aṛṛana'u Ruata masuungnga wuṛṛu wotongnge mangimbe Mawu wuṛṛu mapararisikku wadangngi Kristus.

EFESUS 4:12 Referans Kwoze

EFESUS 4:16

Sulal᷊ummu piaṛṛa-Nge, anambon wageangngu wadangnga udde uaatokka mapia, wuṛṛu pinasasamputu manga latto'anne sambau-sambau. Wuṛṛu amungkangu suapan wageangnge udde mammanara su atokke, ne ahewallu wadangnga udde sarun tumuwo mabbal᷊i timmade wuṛṛu matohassa sulal᷊ummu darangngu.

1 KORINTUS 12:27

Tuṛṛangnga sarangkanambone apan suadio'a, eteudde wadangngi Kristus wuṛṛu i yamiu sambau-sambau lai eteudde wageangnge wuassu wadangnga udde.

ROMA 15:14

Manga tuṛṛangku! I ya'u mangngimanna manungku manambo atonna apapia si yamiu. I yamiu lai masingkatu sarangkanambone wuṛṛu wotongnge lai mangaṛṛa'a sandingananna.

1 KORINTUS 14:26

Nariaddi, manga tuṛṛangnga, apa atappasanne sarangkanambone udde? Amungkangngu yamiu maammula massubba Mawu piaddu mangngantari, piaddu mangngaṛṛa'a, piaddu lai mammasingkatu pandumannu Ruata, piaddu mabbisara sulal᷊ummu sasinaukka apan maaṛṛindu'a, wuṛṛu piaddu mannal᷊a'a apa apan iwabbisara udde. Arawe sarangkanambone udde ṛinone olaanna ipangaṛṛa'a wuṛṛu ipangngapia sarangkanambone.

ROMA 14:19

Ana waugu udde pandumanni ite ṛinone sidutu su manga inolaanna apan mandantan paddarame wuṛṛu uatatul᷊ungnga.

1 TIMOTIUS 1:12

I ya'u maadiangkamanna si Kristus Yesus Mawun kite. I Tou suete nangonggolu atatohassa si'u ipangimbe si Tou, wuṛṛu i Tou mammendama manungku i ya'u wotongnge su manara udde,

1 KORINTUS 14:12

Su ola'i yamiu sassane, i ya'u masingkata manungku i yamiu maapulu atonna-tonna maasomba al᷊amatta wuassu Ghaṛṛahon Duata. Arawe lembon apianne, ṛinone i yamiu madea'a mappaattu apandenu mantul᷊ungngu jamaatta ana see aatambanna apiane.

IBRANI 13:17

Paatuṛṛute parenta manga piaṛṛangu, wuṛṛu paasallunga si mangitou. Ana waugu i mangitou sidutu maṛṛingiddu niawanu, wuṛṛu i mangitou ṛinone sumimbakka ola'i yamiu su Ruata. Amungkangu i yamiu matuṛṛuta si mangitou, i mangitou wotongnge mammanara ringannu naungnga mal᷊uassa; amungkangu tawe, ne i mangitou sarun mammanara ringannu naungnga susa, wuṛṛu udde tawe maauntunga si yamiu.

IBRANI 6:1

Ana waugu udde, wette i ite mangasal᷊ate manassukku manga al᷊aṛṛa'a sansunne, su ola'u al᷊aṛṛa'a mattanggaṛṛanna su taumatan Saṛṛani, wuṛṛu arie tumba'u maṛṛingiddu manga al᷊aṛṛa'u agamang kite paarorone. Arie i ite manul᷊e apia pinangianannu al᷊aṛṛa'a manungku taumata ṛinone mangillol᷊o ma'ola'a manga inolaanna apan tawe gunane wuṛṛu ṛinone mangngimanna Ruata,

2 KORINTUS 6:3

I yami maddiri manaran kami iapaasal᷊a. Ana waugu udde i yami tawe mangonggolu pinangiananne su sangkatou ipa'ola'a olangnge udde.

2 KORINTUS 5:18

Sarangkanambone udde nimmanara Ruata. Sulal᷊ummi Kristus napaa'aukki ite apia ringanni Tou, see nandolokki ite tadea'u manga taumata waine wotongnge lai pia paa'aukka ringannu Ruata.

LUKAS 22:32

Arawe i Ya'u suete inumal᷊iomanni yamiu, Simon, tadea'u pangangimannu tawe mallome. Wuṛṛu napawe i'o mabelengke ringang-Ku, i'o sarun manohassa manga tuṛṛangngu.”

2 TIMOTIUS 4:5

Salaiwe aroddi, i'o ṛinone uaparenta watangannu sulal᷊ummu al᷊awo'a apan mariaddi. Paasabare sulal᷊ummu asasusa, ola'e manaranu mabatti'u Watti'u Al᷊aluassa udde wuṛṛu amata'e ringannu mapia-pia manaranu ere sangkatou mangangimbe Ruata.

KOLOSE 4:17

Wuṛṛu wal᷊oa'a si Arkhipus, “Insuete manara apan nionggolla si'o ipangngimbe Mawu.”

KOLOSE 1:28

Eteudde Kristus apan iwabbatti'i yami su anambon taumata. I yami mapaanaungnga wuṛṛu mangngaṛṛa'a si mangitou sarangkanambone ringannu al᷊awo'u apande. Tuddan kami eteudde tadea'u suapan taumata wotongnge iapidda ringannu Ruata, ere sangkatou taumata apan nahurangke su pangangimanna, ana waugu suete naaukka ringanni Kristus.

KOLOSE 1:24

Orassa indi ya'u mal᷊uassa matataṛṛanga hunan kamiu. Ana waugu ringannu asasusan wadangku, i ya'u manuungngu apa apan ta'e ṛinone niapendamanni Kristus su jamaan-Ne, eteudde wadang-Nge.

EFESUS 1:23

Eteudde jamaatta wadangngi Kristus, nisuungngi Tou apan napasuungngu sarangkanambone su al᷊awo'u tampa.

2 KORINTUS 12:19

Wotongnge mariaddi yamiu massunna, al᷊annunete indi yami tantal᷊anna mangngambangnga watanganni yami su saruanni yamiu? I yamiu nial᷊iwune atonna! Ruata masingkata manungku al᷊awo'u wisaran kami udde tumuṛṛuttu apulun Kristus. Wuṛṛu al᷊awo'u inolaanni yami udde niola'a ipannohassa pangangimanni yamiu.

2 KORINTUS 7:1

Manga tuṛṛangnga apan arangnguanna! Anambon paaire udde tuddane si ite. Ana waugu udde ṛinone i ite mamaresi watanganni ite. Ṛinone i ite mata'uttu Ruata, tadea'u i ite wotongnge mabbiakka sassane hunan Mawu ringannu nasuungnga.

2 KORINTUS 4:1

I yami ma'ola'a manara indi ringannu ahewallu naungngu Ruata. Ana waugu udde i yami tawe mangillol᷊o.

2 KORINTUS 3:8

asinungka paaola'a paaire apan nionggolu Ghaṛṛaho Ruata nitenega lembo mawantuga lai.

1 KORINTUS 14:14

Ana waugu amungkangngu i ya'u umal᷊iomanna ringannu sasinaukka apan maaṛṛindu'a, ghaṛṛaho'u atonna u'al᷊iomanna, arawe ṛingiṛṛangku tawe mammanara.

ROMA 15:29

Amungkangngu i ya'u rumanta ringannu, sulal᷊ummete i ya'u rumanta mangapiddu manambo al᷊amatta wuassi Kristus si yamiu.

ROMA 15:2

Arawe i ite sambau-sambau ṛinone malluassa naungngu tuṛṛangngi ite su apapiane, tadea'u pangngangimanne aatambanna atohanne.

ROMA 12:7

Taumata apan pia asingkatta ipantul᷊ungngu taumata waine, ṛinone atonna-tonna mantul᷊ungngu taumata waine. Taumata apan pia asingkatta mannantiro, ṛinone i tou atonna-tonna mannantiro.

WATTI'U MANGA RASUL 20:28

Ṛinone i yamiu uariaga watangannu wuṛṛu riagai lai anambon jamaatta apan suete tinantillu Ghaṛṛahon Ruata si yamiu iapariaga; ana waugu i yamiu suete nitenega maola'a mandariaga jamaatta udde. Ṛinone i yamiu uariaga jamaattu Ruata udde naal᷊ihidda ere mallal᷊u'adda uariaga dombane, ana waugu Ruata suete na'ola'a jamaatta udde pussaa-Ne sassane sulal᷊ummu papaten Anang-Nge sassane.

WATTI'U MANGA RASUL 20:24

Arawe i ya'u ma'ielem bagga ringannu wia'u indi, sambal᷊iate i ya'u napanginsue manara apan tinantillu Mawu Yesus si ya'u wuṛṛu sambal᷊iate i ya'u maatuṛṛutta na'oman sara pangudusannu wia'u ipammasingkattu Watti'u Al᷊al᷊uassa udde su ola'u darangngun Ruata.

WATTI'U MANGA RASUL 11:23

Wuṛṛu napawe i Barnabas na'omate su Antiokhia, wuṛṛu naasilo ereapa Ruata nangal᷊amatta manga taumata udde, i tou lembon lulluassa. See i tou nadorongnga tadea'u i mangitou atonna-tonna tumuṛṛutta Ruata ringannu ahewallu naungnge.

WATTI'U MANGA RASUL 9:31

Ne jamaatta su ahewallu Yudea, Galilea, wuṛṛu Samaria nadamete. Ringannu pammamanaran Ghaṛṛahon Ruata, wuṛṛu matta'uttu Mawu, manga jamaatta udde lembo natohassa wuṛṛu a'atambanna anambone.

WATTI'U MANGA RASUL 1:17

I Yudas eteudde sangkatou wuassu wallatti ite, wuṛṛu i tou suete nipile lai mammanara suadio'a ringanni ite.” (

2 TIMOTIUS 4:11

Tumba'u Lukas natantanga ringangku, ana waugu i tou wotonge mallal᷊ima manara'u.

EFESUS 4:29

Amungkangu i yamiu maggahatto, arie mappaattu wisara lal᷊eo. Pappaatten manga wisara apan mannantiro wuṛṛu mantul᷊ungnu taumata waine. Manga wisara ereudde sarun mapaarantan apapia su manga taumata apan naddaringikka.

EFESUS 4:4

Tumba'u pia badangnga sambau, wuṛṛu Ghaṛṛaho sambau. Aroddi lai yamiu suete niwagoanna su pangangantimma sambau apan uasul᷊ungnga.

2 KORINTUS 13:9

I yami lulluassa amungkangngu i yami lome wuṛṛu i yamiu matohassa. I yami u'al᷊iomanna lai tadea'u i yamiu maola'a masuungnga.

1 KORINTUS 12:7

Su apapian kite sarangkanambone, Ghaṛṛahon Duata mammanara su taumata sambau-sambau.

ROMA 12:5

Aroddi lai matataṛṛino si ite. Salaiwe i ite sarangkanambone manambo, arawe i ite naola'a wadangnga sambau ana waugu i ite su sambau ringanni Kristus. Wuṛṛu i ite sambau-sambau uaaukka su sambau ringannu waine maola'a wageangnga wuassu wadangnga sambau.

2 KORINTUS 13:11

Panginsueanne, manga tuṛṛangnga, ṛinone i yamiu lumuassa, wuṛṛu padea'a, tadea'u i yamiu maola'a masuungnga. Sengkamawe al᷊awo'u tatantiro'u. Ṛinone i yamiu naungnga sambau wuṛṛu mabbiakka su paddarame. Ruata Lembon Maakkanna wuṛṛu masaṛṛionto'a udde sarun matana'a ringanni yamiu.