EFESUS 4:11 - WUKE SUSI WATTI'U AL᷊AL᷊USASSA

¹¹ Ete i Tou apan “nangonggolu manga aonggola su taumata”; sangkawageanganna nitenega naola'a rasul, waine naola'a nabi; wuṛṛu waine lai naola'a mamamasingkatu Watti'u Al᷊al᷊uassa udde, wuṛṛu waine lai netenega naola'a manga huru wuṛṛu mamamadul᷊i jamaatta.

EFESUS 4:11 Referans Kwoze

YEREMIA 3:15

I Ya'u sarun mangonggolla si yamiu manga mamamiaṛṛa'a apan matuṛṛutta si Ya'u. I mangitou sarun mamiaṛṛa'i yamiu ringannu asingkatta wuṛṛu napenen pasasunna.

EFESUS 2:20

I yamiu lai suete niapararisikka su rapappakke apan niaddo manga rasul wuṛṛu manga nabi, ringanni Kristus Yesus sambau watu apan apianne.

2 TIMOTIUS 4:5

Salaiwe aroddi, i'o ṛinone uaparenta watangannu sulal᷊ummu al᷊awo'a apan mariaddi. Paasabare sulal᷊ummu asasusa, ola'e manaranu mabatti'u Watti'u Al᷊aluassa udde wuṛṛu amata'e ringannu mapia-pia manaranu ere sangkatou mangangimbe Ruata.

MATIUS 28:20

Aṛṛa'ete i mangitou tuttuṛṛutta anambon parenta apan suete niparenta-U si yamiu. Wuṛṛu paanaunge, i Ya'u sarun maṛṛundinganna si yamiu saran panginsueannu runia indi.”

WATTI'U MANGA RASUL 20:28

Ṛinone i yamiu uariaga watangannu wuṛṛu riagai lai anambon jamaatta apan suete tinantillu Ghaṛṛahon Ruata si yamiu iapariaga; ana waugu i yamiu suete nitenega maola'a mandariaga jamaatta udde. Ṛinone i yamiu uariaga jamaattu Ruata udde naal᷊ihidda ere mallal᷊u'adda uariaga dombane, ana waugu Ruata suete na'ola'a jamaatta udde pussaa-Ne sassane sulal᷊ummu papaten Anang-Nge sassane.

EFESUS 4:8

Sulal᷊ummu Wuke Susi uawoṛṛetta, “Su tempo i Tou niumawitta su tampa apan atanggaṛṛanne, I Tou uaapiddu manambo taumatan ṛuumanna; wuṛṛu i Tou nangonggolu manga aonggola su taumata.”

EFESUS 3:5

Dorone addapingnge udde tawe niapaasingkatta su taumata, arawe orassa indi Ghaṛṛahon Duata suete namasingkata su manga rasul wuṛṛu nabi-Ne.

ROMA 12:7

Taumata apan pia asingkatta ipantul᷊ungngu taumata waine, ṛinone atonna-tonna mantul᷊ungngu taumata waine. Taumata apan pia asingkatta mannantiro, ṛinone i tou atonna-tonna mannantiro.

2 TAWARIKH 15:3

Tumaniten mal᷊annu Israel tawe maddaringikka Ruata apan naṛṛino, tawe manga tita apan tinuṛṛutanne, wuṛṛu lai tawe manga imam apan mangngangaṛṛa'a si mangitou.

IBRANI 5:12

Su ṛinone nia'omante tempone si yamiu maola'a huru, arawe wutte'e yamiu ta'e wotonge pangurumma lai su taumata waine su ola'u al᷊aṛṛa'a paarorone wuassu al᷊aṛṛa'u Ruata. I yamiu taambe maasengkamma anna apan maattika; i yamiu tumba'u wotongnge ma'inumma susu.

SONDAPPA 18:20

Ei surga, lala'e ana waugu aṛṛaṛṛimunsa'u soa udde! Ei, al᷊aṛṛana'u Ruata, manga rasul, manga nabi, lala'e! Ana waugu Ruata suete naṛṛuumanni tou maola'a sambau bawal᷊issu sarangkanambone apan niola'i mangitou si yamiu!

WATTI'U MANGA RASUL 21:8

Tiṛṛabbine i yami nassenggotte apia, see na'omate su Kaisarea. Isudde i yami inaite ringannu mabawatti'u ṛengetannu Mawu, aranne i Filipus, see natana'e su wal᷊ene. I tou sangkatou wuassu wallattu sire pitu apan napile su Yerusalem.

WATTI'U MANGA RASUL 13:1

Sulal᷊ummu jamaatta su Antiokhia pia manga nabi wuṛṛu manga huru eteudde i Barnabas, i Simeon apan isassago lai i Ma'itumma, i Lukius wuassu Kirene, Menahem apan niwuwunna suadio'a ringanni Herodes wuṛṛu Saulus.

SONDAPPA 21:14

Darandungu soa udde niapararisikka su wowo mapul᷊o dua watu rapappake. Su manga watu rapappake udde uawoṛṛetta manga arannu sire mapul᷊o dua rasullu Ana'u Domba udde.

YUDAS 1:17

Arawe tuṛṛangku apan arangnguanna, paanaunge apa apan dorone niwisaran manga rasulu Mawun kite Yesus Kristus.

1 KORINTUS 12:4

Pia manambo hatin al᷊amatta wuassu Ghaṛṛahon Duata, arawe sarangkanambone nionggolu Ghaṛṛaho apan sambau.